കുവൈത്ത് അംബാസഡറെ സ്വീകരിച്ച് സയ്യിദ് ബിലറബ്

മസ്‌കത്ത്: സംസ്ഥാന മന്ത്രിയും മസ്‌കത്ത് ഗവർണറുമായ സയ്യിദ് ബിലാറബ് ബിൻ ഹൈതം അൽസഈദ് കുവൈത്ത് അംബാസഡർ ഡോ. മുഹമ്മദ് നാസർ അൽ ഹജ്രിയെ സ്വീകരിച്ചു. ഒമാനും കുവൈത്തും തമ്മിലുള്ള സഹോദരബന്ധങ്ങൾ സംഭാഷണത്തിൽ അവലോകനം ചെയ്തു. വിവിധ മേഖലകളിൽ സഹകരണം കൂടുതൽ ശക്തിപ്പെടുത്താനുള്ള മാർഗങ്ങളും ചർച്ച ചെയ്തു.രാജ്യങ്ങളുടെ പുരോഗതിയുടെയും സമൃദ്ധിയുടെയും ലക്ഷ്യങ്ങൾക്കുമായി പരസ്പര സഹകരണം വിപുലപ്പെടുത്തേണ്ടതിന്റെ ആവശ്യകതയും ഇരുപക്ഷവും ഊന്നിപ്പറഞ്ഞു.