സം​തൃ​പ്​​തം പ്ര​വാ​സം; 43 വ​ർ​ഷ​ത്തി​നു​ശേ​ഷം സൈ​നു​ദ്ദീ​ൻ ഇ​ന്ന്​ മ​ട​ങ്ങു​ന്നു

മ​സ്​​ക​ത്ത്​: 43 വ​ർ​ഷ​ത്തെ സം​തൃ​പ്​​ത​മാ​യ പ്ര​വാ​സ​ജീ​വി​ത​ത്തി​ന്​ ഒ​ടു​വി​ൽ തി​രൂ​ർ പ​റ​വ​ണ്ണ സ്വ​ദേ​ശി​യാ​യ സൈ​നു​ദ്ദീ​ൻ ഇ​ന്ന്​ ജ​ന്മ​നാ​ട്ടി​ലേ​ക്ക്​ മ​ട​ങ്ങും. രാ​വി​ലെ 11നു​ള്ള എ​യ​ർ​ഇ​ന്ത്യ എ​ക്​​സ്​​പ്ര​സ്​ വി​മാ​ന​ത്തി​ലാ​ണ്​ മ​ട​ക്കം.1978ലാ​ണ്​ സൈ​നു​ദ്ദീ​ൻ ഒ​മാ​നി​ലെ​ത്തു​ന്ന​ത്. മും​ബൈ വ​ഴി ക​പ്പ​ലി​ലാ​യി​രു​ന്നു യാ​ത്ര. ജ​നു​വ​രി ഏ​ഴി​നാ​ണ്​ തി​രൂ​രി​ൽ​നി​ന്ന്​ പു​റ​പ്പെ​ടു​ന്ന​ത്. നാ​ലു​ദി​വ​സ​ത്തെ യാ​ത്ര​ക്കൊ​ടു​വി​ൽ മും​ബൈ വി.​ടി സ്​​റ്റേ​ഷ​നി​ലെ​ത്തി. അ​വി​ടെ മൂ​ന്ന്​ ദി​വ​സം ത​ങ്ങി​യ ശേ​ഷ​മാ​യി​രു​ന്നു ക​പ്പ​ൽ യാ​ത്ര തു​ട​ങ്ങി​യ​ത്. നാ​ലു​ദി​വ​സ​ത്തെ യാ​ത്ര​ക്കു​ശേ​ഷം ദു​ബൈ തു​റ​മു​ഖ​ത്താ​ണ്​ ക​പ്പ​ൽ ആ​ദ്യ​മ​ടു​ത്ത​ത്. ദു​ബൈ​യി​ൽ​നി​ന്ന്​ മൂ​ന്നു​ ദി​വ​സ​ത്തി​നു​ശേ​ഷ​മാ​ണ്​ മ​ത്ര​യി​ൽ എ​ത്തി​യ​ത്.

നോ​ൺ​കോ​റി എ​ന്നു പേ​രു​ള്ള ക​പ്പ​ലി​ൽ മ​ത്ര​വ​രെ​യു​ള്ള യാ​ത്ര ഇ​ന്ന​ലെ​യെ​ന്ന​പോ​ലെ ഇ​ദ്ദേ​ഹ​ത്തി​െൻറ മ​ന​സ്സി​ൽ ഇ​പ്പോ​ഴു​മു​ണ്ട്. 1978 ജ​നു​വ​രി 18നാ​ണ്​ മ​ത്ര​യി​ൽ ക​പ്പ​ലി​റ​ങ്ങി​യ​ത്. ആ​റു​മാ​സം ജോ​ലി​യി​ല്ലാ​തെ അ​ല​ഞ്ഞു​തി​രി​ഞ്ഞു. വ​ന്ന​ത് അ​ബ​ദ്ധ​മാ​യോ, മ​ട​ങ്ങി​പ്പോ​യാ​ലോ എ​ന്നു​തോ​ന്നി​യ സ​മ​യ​മാ​യി​രു​ന്നു അ​തെ​ന്ന്​ സൈ​നു​ദ്ദീ​ൻ പ​റ​ഞ്ഞു. പ​ക്ഷേ, ഇ​ന്ന​ത്തെ​പോ​ലെ പോ​കാ​ൻ ക​ഴി​യി​ല്ല​ല്ലോ. ഇ​നി​യു​ള്ള ജീ​വി​തം വ​രു​ന്ന​തു​പോ​ലെ കാ​ണാം എ​ന്ന് ക​രു​തി​യാ​ണ്​ ജീ​വി​ച്ച​ത്.

പി​ന്നീ​ട്, അ​റേ​ബ്യ ഇ​ൻ​ഷു​റ​ൻ​സി​ൽ ചെ​റി​യ ജോ​ലി​ല​ഭി​ച്ചു. പി​ന്നീ​ട് ക​മ്പ​നി​യു​ടെ അ​ക്കൗ​ണ്ട്സ് വ​രെ കൈ​കാ​ര്യം ചെ​യ്യാ​ൻ ക​ഴി​യും​വി​ധം ഉ​യ​ർ​ച്ച ല​ഭി​ച്ചു.സ്വ​ദേ​ശി​വ​ത്​​ക​ര​ണം മൂ​ലം 19 വ​ർ​ഷ​ത്തി​നു​ശേ​ഷം ഇ​വി​ട​ത്തെ ജോ​ലി ന​ഷ്​​ട​മാ​യി. ഒ​മാ​നി​ൽ അ​റി​യ​പ്പെ​ടു​ന്ന ഫ​ഹ്‌​മി ഫ​ർ​ണി​ച്ച​ർ ക​മ്പ​നി​യി​ലാ​ണ്​ 1996 മു​ത​ൽ അ​വ​സാ​നം വ​രെ ജോ​ലി ചെ​യ്​​ത​ത്. പു​തു​വ​ർ​ഷം നാ​ട്ടി​ൽ ആ​ക​ട്ടെ എ​ന്ന് തീ​രു​മാ​നി​ച്ചു​റ​പ്പി​ച്ചാ​ണ്​ മ​ട​ങ്ങു​ന്ന​ത്. സു​ഖ​വും സ​ന്തോ​ഷ​വും നി​റ​ഞ്ഞ പ്ര​വാ​സ​ത്തി​ൽ ഒ​മാ​െൻറ വ​ള​ർ​ച്ച അ​ടു​ത്തു​നി​ന്ന്​ വീ​ക്ഷി​ക്കാ​ൻ ക​ഴി​ഞ്ഞ​ത്​ അ​നു​ഗ്ര​ഹ​മാ​യെ​ന്ന്​ ഇ​ദ്ദേ​ഹം പ​റ​യു​ന്നു. ഒ​രു​പാ​ട് പേ​രു​ടെ ഉ​യ​ർ​ച്ച​യും താ​ഴ്ച​യും ക​ണ്ടു. ഭാ​ര്യ​യും ഷാ​ർ​ജ​യി​ൽ സി​വി​ൽ എ​ൻ​ജി​നീ​യ​ർ ജോ​ലി​ചെ​യ്യു​ന്ന മ​ക​നും പാ​രാ​മെ​ഡി​ക്ക​ൽ പ​ഠ​നം ക​ഴി​ഞ്ഞു​നി​ൽ​ക്കു​ന്ന മ​ക​ളും അ​ട​ങ്ങി​യ​താ​ണ് സൈ​നു​ദ്ദീ​െൻറ കു​ടും​ബം. ശേ​ഷി​ക്കു​ന്ന കാ​ലം നാ​ട്ടി​ൽ കു​ടും​ബ​ത്തോ​ടൊ​പ്പം ജീ​വി​ക്കാ​നാ​ണ്​ ആ​ഗ്ര​ഹം.