റൂവി മലയാളി അസോ. പാചക മത്സരം
text_fieldsറൂവി മലയാളി അസോസിയേഷൻ സംഘടിപ്പിച്ച പാചക മത്സരത്തിലെ സമ്മാനദാന ചടങ്ങിൽനിന്ന്
മസ്കത്ത്: റൂവി മലയാളി അസോസിയേഷൻ സംഘടിപ്പിച്ച കിച്ചൻ മാസ്റ്റേഴ്സ് മത്സരം റൂവി ഗോൾഡൻ ടുലിപ്പിൽ നടന്നു. മൂന്നു ഘട്ടങ്ങളായി നടന്ന മത്സരത്തിൽ ഡോ. നാസിയ നവാസ് ഒന്നാമതായി. മുബീന, മുർഷിദ എന്നിവർ യഥാക്രമം രണ്ടും മൂന്നും സ്ഥാനം നേടി. റംഷിത നഫ്സൽ, നസീമ ഇസ്മായിൽ, ഫസ്ന ഫർഹാൻ, റജീന മുനീർ, സമ്പത് സാബ, ഷീജ അസീസ്, മറിയം ബീവി എന്നിവർ സമ്മാനങ്ങൾ കരസ്ഥമാക്കി. നിഖിൽ പ്രസാദ്, അഖിൽ ഗോവിന്ദൻ, ഒനീസ ടാബിഷ് എന്നിവർ ജഡ്ജുമാരായി.
ചടങ്ങ് ഡോ. രാജശ്രീ നാരായണൻ കുട്ടി ഉദ്ഘാടനം ചെയ്തു. ഫൈസൽ ആലുവ അധ്യക്ഷത വഹിച്ചു. പ്രോഗ്രാം കോഓഡിനേറ്റർ നീതു ജിതിൻ ആശംസ നേർന്നു. ജനറൽ സെക്രട്ടറി ഡോ. മുജീബ് അഹമ്മദ് സ്വാഗതവും ട്രഷറർ സന്തോഷ് കെ.ആർ നന്ദിയും പറഞ്ഞു.
ഇതോടനുബന്ധിച്ച് നൃത്തം, സംഗീതം, ഫാഷൻ ഷോ തുടങ്ങിയവ അരങ്ങേറി. ബിൻസി സിജോ, സുജിത് സുഗുണൻ, സച്ചിൻ, സുജിത് മെന്റലിസ്റ്റ്, എബി, ഷാജഹാൻ, വിനോദ്, ഷംജി, ആഷിഖ്, സുഹൈൽ, ഷൈജു എന്നിവർ നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

