റുസൈൽ-ബിദ്​ബിദ്​ റോഡ് ഗതാഗതത്തിനായി തുറന്നുകൊടുത്തു

മ​സ്ക​ത്ത്​: റു​സൈ​ൽ-​ബി​ദ്​​ബി​ദ്​ റോ​ഡ് വി​പു​ലീ​ക​ര​ണം പൂ​ർ​ത്തി​യാ​ക്കി ഗ​താ​ഗ​ത​ത്തി​നാ​യി തു​റ​ന്ന​താ​യി ഗ​താ​ഗ​ത, വാ​ർ​ത്ത വി​നി​മ​യ, വി​വ​ര സാ​ങ്കേ​തി​ക മ​ന്ത്രാ​ല​യം അ​റി​യി​ച്ചു. മ​സ്‌​ക​ത്ത്​ എ​ക്‌​സ്‌​പ്ര​സ്‌​വേ​യി​ലെ റു​സൈ​ൽ-​നി​സ്‌​വ ഇ​ൻ​റ​ർ​ചേ​ഞ്ച് മു​ത​ൽ ബി​ദ്​​ബി​ദ്​ വി​ലാ​യ​ത്തി​ലെ ശ​ർ​ഖി​യ എ​ക്‌​സ്‌​പ്ര​സ് വേ ​ഇ​ൻ​റ​ർ​ചേ​ഞ്ച് വ​രെ 27 കി​ലോ​മീ​റ്റ​ർ ദൂ​ര​മാ​ണ്​ പാ​ത​ക്കു​ള്ള​ത്.

പ്ര​ധാ​ന സ്ഥ​ല​ങ്ങ​ൾ​ക്കി​ട​യി​ൽ ക​ണ​ക്ടി​വി​റ്റി വ​ർ​ധി​പ്പി​ക്കു​ന്ന​തി​നും വാ​ഹ​ന​ഗ​താ​ഗ​തം സു​ഗ​മ​മാ​ക്കു​ന്ന​തി​നു​മാ​ണ് വി​പു​ലീ​ക​ര​ണ പ​ദ്ധ​തി​യി​ലൂ​ടെ ല​ക്ഷ്യ​മി​ട്ടി​രു​ന്ന​ത്. ഈ ​പ്ര​ധാ​ന പാ​ത​യു​ടെ പൂ​ർ​ത്തീ​ക​ര​ണം ഒ​മാ​ന്‍റെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ലെ ഒ​രു സു​പ്ര​ധാ​ന നാ​ഴി​ക​ക്ക​ല്ലാ​ണ്. നി​സ്​​വ​യി​ലേ​ക്കു​ള്ള ഈ ​സു​പ്ര​ധാ​ന റോ​ഡി​ലെ അ​ധി​ക പാ​ത​ക​ൾ ഗ​താ​ഗ​ത​ക്കു​രു​ക്ക് ഗ​ണ്യ​മാ​യി കു​റ​ക്കാ​നും സ​ഹാ​യി​ക്കും.

മ​ണി​ക്കൂ​റി​ൽ 120 കി​ലോ​മീ​റ്റ​ർ വേ​ഗ​ത്തി​ൽ ഓ​ടാ​ൻ​ക​ഴി​യു​ന്ന വാ​ഹ​ന​ങ്ങ​ൾ​ക്ക്​ എ​ല്ലാ ട്രാ​ഫി​ക് സു​ര​ക്ഷ ആ​വ​ശ്യ​ക​ത​ക​ളും പാ​ലി​ക്കു​ന്ന ത​ര​ത്തി​ലാ​ണ് ഈ ​റോ​ഡ് രൂ​പ​ക​ൽ​പ​ന ചെ​യ്തി​രി​ക്കു​ന്ന​തെ​ന്ന് ഒ​രു ഉ​ദ്യോ​ഗ​സ്ഥ​ൻ പ​റ​ഞ്ഞു. അ​ടു​ത്ത 20 വ​ർ​ഷ​ത്തി​നു​ള്ളി​ൽ പ്ര​തീ​ക്ഷി​ക്കു​ന്ന ഗ​താ​ഗ​ത ആ​വ​ശ്യ​ങ്ങ​ൾ പ​രി​ഗ​ണി​ച്ചാ​ണ്​ പാ​ത​യൊ​രു​ക്കി​യ​തെ​ന്ന് അ​ധി​കൃ​ത​ർ വ്യ​ക്​​ത​മാ​ക്കി.