ആർ.എസ്.സി സീബ് സെന്ട്രല് വിദ്യാര്ഥി സമ്മേളനം സമാപിച്ചു
text_fieldsമസ്കത്ത്: ആർ.എസ്.സിയുടെ ആഭിമുഖ്യത്തിൽ ‘ആകാശം അകലെയല്ല’ എന്ന ശീര്ഷകത്തില് നടത്തിയ സ്റ്റുഡൻറ്സ് കോണ്ഫറന്സ് മബേല ഫാമില് സമാപിച്ചു. ഗള്ഫിലെ 55 കേന്ദ്രങ്ങളില് നടക്കുന്ന വിദ്യാര്ഥി സമ്മേളനങ്ങളുടെ ഭാഗമായാണ് സീബ് സെന്ട്രല് സമ്മേളനം സംഘടിപ്പിച്ചത്. ഐ.സി.എഫ് സെന്ട്രല് സാന്ത്വനം കാബിനറ്റ് പ്രസിഡൻറ് എൻജിനീയര് നജീബ് മണക്കാടന് ഉദ്ഘാടനം ചെയ്തു. ഖാരിജത്ത് കുട്ടികള്ക്ക് മോട്ടിവേഷന് ക്ലാസ് നല്കി. തുടര്ന്ന് നടന്ന മീറ്റ് ദ െഗസ്റ്റ് പരിപാടിയില് െഎ.സി.എഫ് ദേശീയ കാബിനറ്റ് അംഗം എൻജിനീയര് അബ്ദുല് ഹമീദ് വിദ്യാര്ഥികളുമായി സംവദിച്ചു. ആസ്വാദന കലാ കായിക മത്സരങ്ങളും സംഘടിപ്പിച്ചു. ദാർസൈത്ത് ഇന്ത്യൻ സ്കൂൾ മലയാളം അധ്യാപകന് രാധാകൃഷ്ണ കുറുപ്പ് പ്രഭാഷണം നടത്തി. സ്റ്റുഡൻറ്സ് ഡയസില് സ്റ്റുഡൻറ്സ് സര്ക്കിള് കൂട്ടായ്മ എന്ന പേരില് രൂപവത്കരിച്ചു. വൈകീട്ട് നടന്ന പൊതുസമ്മേളനം മബേല ഇന്ത്യൻ സ്കൂൾ മലയാളം വിഭാഗം മേധാവി സുധീർ ഉദ്ഘാടനം ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.