ഇബ്രിയിൽ പാറ ഇടിഞ്ഞ്​ വൻ അപകടം; ആറ്​​ മരണം

മ​സ്ക​ത്ത്​: സ്വ​കാ​ര്യ മാ​ർ​ബി​ൾ ഫാ​ക്ട​റി​യു​ടെ ക്വാ​റി​യി​ൽ പാ​റ ഇ​ടി​ഞ്ഞ്​ വീ​ണ്​ വ​ൻ അ​പ​ക​ടം. ആ​റു​പേ​ർ മ​രി​ച്ച​താ​യാ​ണ്​ പ്രാ​ഥ​മി​ക വി​വ​രം. മ​രി​ച്ച​വ​രി​ൽ മൂ​ന്ന്​ ഇ​ന്ത്യ​ക്കാ​രും ഉ​ൾ​പ്പെ​ട്ടി​ട്ടു​ണ്ടെ​ന്ന്​ സ്ഥി​രീ​ക​രി​ക്കാ​ത്ത റി​പ്പോ​ർ​ട്ടു​ക​ളു​ണ്ട്. ദാ​ഹി​റ ഗ​വ​ർ​ണ​റേ​റ്റി​ലെ ഇ​ബ്രി വി​ലാ​യ​ത്തി​ലെ അ​ൽ-​ആ​ർ​ദ്​ പ്ര​ദേ​ശ​ത്താ​ണ്​ സം​ഭ​വം. ശ​നി​യാ​ഴ്​​ച അ​ർ​ധ​രാ​ത്രി​യോ​ടെ​യാ​യി​രു​ന്നു നാ​ടി​നെ ന​ടു​ക്കി​യ അ​പ​ക​ടം. ഇ​ടി​ഞ്ഞു​വീ​ണ പാ​റ​യു​ടെ അ​വ​ശി​ഷ്ട​ങ്ങ​ളി​ൽ​നി​ന്ന്​ നാലുപേ​രെ ര​ക്ഷ​പ്പെ​ടു​ത്തി​യെ​ന്ന് സി​വി​ൽ ഡി​ഫ​ൻ​സ് ആ​ൻ​ഡ് ആം​ബു​ല​ൻ​സ് അ​തോ​റി​റ്റി അ​റി​യി​ച്ചു.

മൂ​ന്ന്​ മീ​റ്റ​ർ ഘ​ന​വും 200 മീ​റ്റ​ർ ഉ​യ​ര​വു​മു​ള്ള മാ​ർ​ബി​ൾ പാ​ളി​യാ​ണ്​ ആ​ദ്യം ഇ​ടി​ഞ്ഞു​വീ​ണ​​ത്. അ​പ​ക​ട​സ​മ​യ​ത്ത്​ ഇ​ന്ത്യ​ക്കാ​രും പാ​കി​സ്താ​നി​ക​ളു​മാ​യ തൊ​ഴി​ലാ​ളി​ക​ളാ​യി​രു​ന്നു സ്ഥ​ല​ത്തു​ണ്ടാ​യി​രു​ന്ന​ത്. ഞാ​യ​റാ​ഴ്ച​യും മ​ണ്ണി​ടി​ച്ചി​ൽ തു​ട​ർ​ന്ന​തി​നാ​​ൽ ര​ക്ഷാ​​പ്ര​വ​ർ​ത്ത​ന​ത്തി​ന്​ നേ​രി​യ ത​ട​സ്സം നേ​രി​ട്ടു.

നി​ര​വ​ധി​പേ​ർ ഇ​നി​യും കു​ടു​ങ്ങി​ക്കി​ട​ക്കു​ന്നു​ണ്ടെ​ന്നാ​ണ്​ പ​രി​സ​ര​വാ​സി​ക​ൾ പ​റ​യു​ന്ന​ത്. ഇ​വ​ർ​ക്കാ​യി ദാ​ഹി​റ ഗ​വ​ർ​ണ​റേ​റ്റി​ലെ സെ​ർ​ച്ച് ആ​ൻ​ഡ് റെ​സ്‌​ക്യൂ ടീ​മു​ക​ളു​ടെ നേ​തൃ​ത്വ​ത്തി​ൽ തി​ര​ച്ചി​ൽ ന​ട​ക്കു​ക​യാ​ണ്. 17ഓ​ളം തൊ​ഴി​ലാ​ളി​ക​ൾ പ്ര​​ദേ​ശ​ത്ത്​ ജോ​ലി ചെ​യ്തി​രു​ന്നു​വെ​ന്നാ​ണ്​ നാ​ട്ടു​കാ​ർ പ​റ​യു​ന്ന​ത്. ഇ​ബ്രി ടൗ​ണി​ൽ​നി​ന്ന്​ 40 കി​ലോ​മീ​റ്റ​ർ അ​ക​ലെ​യാ​ണ്​ അ​പ​ക​ടം ന​ട​ന്ന ക്വാ​റി​യു​ള്ള​ത്. സം​ഭ​വ​ത്തി​ൽ സ​മ​ഗ്ര അ​ന്വേ​ഷ​ണം ന​ട​ത്ത​ണ​മെ​ന്ന് ജ​ന​റ​ൽ ഫെ​ഡ​റേ​ഷ​ൻ ഓ​ഫ് ഒ​മാ​ൻ വ​ർ​ക്കേ​ഴ്‌​സ് (ജി.​എ​ഫ്‌.​ഒ.​ഡ​ബ്ല്യൂ) തൊ​ഴി​ൽ​മ​ന്ത്രാ​ല​യ​ത്തോ​ട് ആ​വ​ശ്യ​പ്പെ​ട്ടു.​ തൊ​ഴി​ൽ​സു​ര​ക്ഷ​യും മ​റ്റു ന​ട​പ​ടി​ക്ര​മ​ങ്ങ​ളും ക​മ്പ​നി പാ​ലി​ച്ചി​ട്ടു​ണ്ടോ​യെ​ന്ന്​ അ​ന്വേ​ഷി​ക്ക​ണ​​മെ​ന്നും ആ​വ​ശ്യ​പ്പെ​ട്ടു.