ദോ​ഫാ​റി​ൽ 36 ദ​ശ​ല​ക്ഷ​ത്തി​ല​ധി​കം റി​യാ​ലി​ന്റെ റോ​ഡ് പ​ദ്ധ​തി​ക​ൾ

മ​സ്ക​ത്ത്: ഗ​താ​ഗ​ത​മേ​ഖ​ല​ക്ക് ക​രു​ത്തു​പ​ക​ർ​ന്ന് ദോ​ഫാ​ർ മു​നി​സി​പ്പാ​ലി​റ്റി 36 ദ​ശ​ല​ക്ഷ​ത്തി​ല​ധി​കം റി​യാ​ലി​ന്റെ റോ​ഡ് പ​ദ്ധ​തി​ക​ൾ ന​ട​പ്പാ​ക്കു​ന്നു. ദോ​ഫാ​ർ ഗ​വ​ർ​ണ​റേ​റ്റി​ലെ വി​വി​ധ വി​ലാ​യ​ത്തു​ക​ളി​ൽ ഇ​ന്റേ​ണ​ൽ, ഡ്യു​വ​ൽ കാ​രി​യേ​ജ് വേ​ക​ൾ നി​ർ​മി​ക്കു​ന്ന​തി​നാ​ണ് നി​ര​വ​ധി പ​ദ്ധ​തി​ക​ൾ ന​ട​പ്പാ​ക്കു​ന്ന​ത്. 300 കി​ലോ​മീ​റ്റ​റി​ല​ധി​ക​മാ​ണ് പു​തി​യ പ​ദ്ധ​തി​ക​ളു​ടെ ആ​കെ ദൂ​രം. സു​സ്ഥി​ര ഗ​വ​ർ​ണ​റേ​റ്റ്-​ന​ഗ​ര​വി​ക​സ​ന പ​രി​പാ​ടി​യു​ടെ​യും ഒ​മാ​ൻ വി​ഷ​ൻ 2040ന്റെ​യും ഭാ​ഗ​മാ​യാ​ണ് പ​ദ്ധ​തി​ക​ൾ.

പൗ​ര​ന്മാ​ർ​ക്കും താ​മ​സ​ക്കാ​ർ​ക്കും സ​ന്ദ​ർ​ശ​ക​ർ​ക്കും ന​ൽ​കു​ന്ന സേ​വ​ന​ങ്ങ​ളു​ടെ ഗു​ണ​നി​ല​വാ​രം മെ​ച്ച​പ്പെ​ടു​ത്തു​ക, വി​വി​ധ റെ​സി​ഡ​ൻ​ഷ്യ​ൽ ഏ​രി​യ​ക​ൾ​ക്കി​ട​യി​ലു​ള്ള യാ​ത്ര സു​ഗ​മ​മാ​ക്കു​ക, അ​തു​വ​ഴി ന​ഗ​ര​ത്തി​ലെ സാ​മ്പ​ത്തി​ക വി​ക​സ​നം മെ​ച്ച​പ്പെ​ടു​ത്തു​ക, ഗ​താ​ഗ​ത​സു​ര​ക്ഷ വ​ർ​ധി​പ്പി​ക്കു​ക എ​ന്നി​വ​യാ​ണ് ല​ക്ഷ്യം. സ​ലാ​ല, താ​ഖ, മി​ർ​ബാ​ത്ത്, സ​ദ, ഷ​ലീം, ഹ​ല്ലാ​നി​യ​ത്ത് ദ്വീ​പു​ക​ൾ, തും​റൈ​ത്ത്, മ​ഖ്ഷാ​ൻ, അ​ൽ മ​സ്യൂ​ന, റ​ഖ്യൂ​ത്ത്, ധാ​ൽ​ഖൂ​ത്ത് വി​ലാ​യ​ത്തു​ക​ളി​ലെ ഇ​ന്റേ​ണ​ൽ റോ​ഡു​ക​ളു​ടെ നി​ർ​മാ​ണം ഈ ​വ​ർ​ഷം ന​ട​ക്കു​ന്ന​തും പൂ​ർ​ത്തീ​ക​രി​ച്ച​തു​മാ​യ പ്ര​വ​ർ​ത്ത​ന​ങ്ങ​ളി​ൽ ഉ​ൾ​പ്പെ​ടു​ന്നു.