Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightOmanchevron_rightഒമാനിൽ സർക്കാർ...

ഒമാനിൽ സർക്കാർ ഓഫിസുകളിൽ 30 ശതമാനം ജീവനക്കാർ ഹാജരായാൽ മതി 

text_fields
bookmark_border
ഒമാനിൽ സർക്കാർ ഓഫിസുകളിൽ 30 ശതമാനം ജീവനക്കാർ ഹാജരായാൽ മതി 
cancel
camera_altImage courtesy: Times of Oman

മസ്​കത്ത്​:  കോവിഡ്​ വ്യാപനം തടയുന്നതിനുള്ള നടപടികളുടെ ഭാഗമായി സർക്കാർ ഓഫിസുകളിലെ ജീവനക്കാരുടെ എണ്ണത്തിൽ വീണ്ടും നിയന്ത്രണം നടപ്പിൽ വരുത്തുന്നു. തിങ്കളാഴ്​ച മുതൽ 30​ ശതമാനം ജീവനക്കാർ ഹാജരായാൽ മതി. മന്ത്രിസഭാ കൗൺസിൽ ഉത്തരവ്​ പ്രകാരം മുഴുവൻ സർക്കാർ സംവിധാനങ്ങളും ഇത്​ സംബന്ധിച്ച സർക്കുലർ പുറപ്പെടുവിച്ചിട്ടുണ്ട്​. ഇനിയൊരു അറിയിപ്പ്​ ഉണ്ടാകുന്നത്​ വരെ ഈ നിർദേശം പ്രാബല്ല്യത്തിലുണ്ടാകും. 

കോവിഡ്​ രോഗികളുടെ എണ്ണം കുത്തനെ ഉയർന്നതിനെ തുടർന്നുള്ള നിയന്ത്രണങ്ങളുടെ ഭാഗമായാണ്​​ നടപടി. സാമൂഹിക അകലം പാലിക്കുന്നതടക്കം മുൻകരുതൽ നടപടികൾ പാലിക്കാത്തതിനാലാണ്​ രോഗവ്യാപനം രൂക്ഷമായതെന്ന്​ ആരോഗ്യ മന്ത്രാലയം ചൂണ്ടിക്കാട്ടിയിരുന്നു.

ഓഫിസുകളുടെ പ്രവർത്തനത്തിന്​ സാന്നിധ്യം അനിവാര്യമായ സർക്കാർ ജീവനക്കാർ മാത്രം തിങ്കളാഴ്​ച മുതൽ ജോലിക്ക്​ എത്തിയാൽ മതിയാകും. ജോലിക്ക്​ ഹാജരാകുന്നവർ എല്ലാവിധ സുരക്ഷാ മുൻകരുതലുകളും പ്രതിരോധ നടപടികളും പാലിക്കണമെന്നും മന്ത്രിസഭാ കൗൺസിൽ ജനറൽ സെക്ര​േട്ടറിയറ്റ്​ അറിയിച്ചു. 

കോവിഡ്​ രോഗപകർച്ച രൂക്ഷമായതിനെ തുടർന്ന്​ കഴിഞ്ഞ മാർച്ച്​ 23 മുതൽ 30​ ശതമാനം സർക്കാർ ജീവനക്കാർ മാത്രം ഓഫിസുകളിൽ ഹാജരായാൽ മതിയെന്ന്​ സർക്കാർ നിർദേശിച്ചിരുന്നു. ഈ തീരുമാനത്തിൽ കഴിഞ്ഞ മേയ്​ 27നാണ്​ ഭേദഗതി വരുത്തിയത്​. 50​ ശതമാനം ജീവനക്കാർക്ക്​ ജോലിക്ക്​ ഹാജരാകാനാണ്​ ഭേദഗതി പ്രകാരം അനുമതി നൽകിയത്​. ഇതിനാണ്​ വീണ്ടും മാറ്റംവരുത്തിയത്​. ജൂൺ, ജൂലൈ മാസങ്ങളിലായി കോവിഡ്​ ബാധിതരുടെ എണ്ണവും മരണവും വർധിച്ചതി​ന്‍റെ അടിസ്​ഥാനത്തിലാണ്​ വീണ്ടും നിയന്ത്രണം. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:gulf newsoman newscovid 19
News Summary - restrictions in oman government offices -gulf news
Next Story