ഒമാനിൽ രോഗമുക്​തർ കൂടി; പുതിയ രോഗികൾ കുറഞ്ഞു

മസ്​കത്ത്​: ഒമാനിൽ ഇതാദ്യമായി പുതിയ കോവിഡ്​ രോഗികളുടെ എണ്ണം പുതുതായി രോഗം ഭേദമായവരുടെ എണ്ണത്തേക്കാൾ കുറഞ്ഞു. 1043 പേർക്കാണ്​ രാജ്യത്ത്​ തിങ്കളാഴ്​ച കോവിഡ്​ സ്​ഥിരീകരിച്ചത്​. ഇത്​ തുടർച്ചയായ അഞ്ചാം ദിവസമാണ്​ ആയിരത്തിന്​ മുകളിൽ ആളുകൾക്ക്​ കോവിഡ്​ സ്​ഥിരീകരിക്കുന്നത്​.  ഇതോടെ രാജ്യത്തെ മൊത്തം കോവിഡ്​ രോഗ ബാധിതരുടെ എണ്ണം 24524 ആയി. 3283 പേരുടെ രോഗ പരിശോധനാ ഫലമാണ്​ പുറത്തുവിട്ടത്​.  പുതിയ രോഗികളിൽ 429 പേർ മാത്രമാണ്​ പ്രവാസികൾ.  1079 പേർക്ക്​ കൂടി രോഗം ഭേദമായിട്ടുണ്ട്​. ഇതോടെ രോഗമുക്​തരായവരുടെ എണ്ണം 9533 ആയി. നാലു പേർ കൂടി മരണപ്പെട്ടതോടെ മരണസംഖ്യ 108 ആയി. 14883 പേരാണ്​ നിലവിൽ അസുഖബാധിതരായിട്ടുള്ളത്​. 49 പേരെ കൂടി പ്രവേശിപ്പിച്ചതോടെ ആശുപത്രിയിൽ ചികിത്സയിലുള്ളവരുടെ എണ്ണം 317 ആയി. തീവ്ര പരിചരണ വിഭാഗത്തിൽ 104 പേരാണുള്ളത്​.
പുതിയ രോഗികളിൽ 515 പേരാണ്​ മസ്​കത്ത്​ ഗവർണറേറ്റിൽ നിന്നുള്ളത്​​.  ഇതോടെ മസ്​കത്ത്​ ഗവർണറേറ്റിലെ കോവിഡ്​ ബാധിതരുടെ എണ്ണം 17920 ആയി. 6532 പേർക്കാണ്​ ഇവിടെ അസുഖം ഭേദമായത്​. മരണപ്പെട്ടതിൽ 85 പേരും മസ്​കത്തിൽ ചികിത്സയിലിരുന്നവരാണ്​. മസ്​കത്തിൽ മേഖലയിൽ സീബ്​ വിലായത്ത്​ തന്നെയാണ്​ പുതിയ രോഗികളുടെ എണ്ണത്തിൽ ഇന്നും മുന്നിൽ. 233 പുതിയ കേസുകളാണ്​ അവിടെ റിപ്പോർട്ട്​ ചെയ്​തത്​. മത്രയിൽ 79 പുതിയ രോഗികൾ മാത്രമാണ്​ ഉള്ളത്​. അൽ വുസ്​തയിൽ രോഗികളുടെ എണ്ണം 900 പിന്നിട്ടു.
വിവിധ വിലായത്തുകളിലെ അസുഖ ബാധിതർ, സുഖപ്പെട്ടവർ എന്നിവരുടെ കണക്കുകൾ ചുവടെ;
1. മസ്​കത്ത് ഗവർണറേറ്റ്​: മത്ര-5745, 3330; മസ്​കത്ത്​ -424,151; ബോഷർ-4798, 1235; അമിറാത്ത്-891,260; സീബ്​ -5910,1530; ഖുറിയാത്ത്-152,26
2. തെക്കൻ ബാത്തിന: ബർക്ക- 773, 348; വാദി മആവിൽ- 85,30; മുസന്ന-352,141; നഖൽ -95,47; അവാബി- 116,48;  റുസ്​താഖ്​ -243,108.  
3. വടക്കൻ ബാത്തിന: സുവൈഖ്​ -391, 225; ഖാബൂറ-106,45; സഹം-243,132; സുഹാർ-519,269; ലിവ -155,98; ഷിനാസ്​ -167,105.
4. ദാഖിലിയ:  നിസ്​വ-203, 114; സമാഇൽ-209,146; ബിഡ്​ബിദ്​-157,81;  ഇസ്​കി-134,73; മന-23,7;  ഹംറ-39,9;  ബഹ്​ല -79,50; ആദം-67,60.
5. അൽ വുസ്​ത: ഹൈമ-44,14; ദുകം -864,34.
6. തെക്കൻ ശർഖിയ: ബുആലി-329, 177; ബുഹസൻ- 25,4; സൂർ-127,78; അൽ കാമിൽ -64,37; മസീറ-2,0.
7. വടക്കൻ ശർഖിയ:  ഇബ്ര- 53,36; അൽ ഖാബിൽ-20,10; ബിദിയ-35,19; മുദൈബി -188,120; ദമാ വതായിൻ-48,22; വാദി ബനീ ഖാലിദ്​ -6,4.
8. ബുറൈമി:  ബുറൈമി-244,116; മഹ്​ദ-8,7.
9. ദാഹിറ:  ഇബ്രി-164,113; ദങ്ക്​-23, 19; യൻകൽ -22,11.
10. ദോഫാർ:  സലാല- 158,35; മസ്​യൂന-3,0; ഷാലിം-9,0; മിർബാത്ത്​-1,0.
11. മുസന്ദം: ഖസബ്​ -8,7; ദിബ്ബ-2,1; ബുക്ക -1,1