സമസ്ത നേതാക്കൾക്ക് സ്വീകരണം നൽകി

മസ്കത്ത്​: സമസ്ത ഇസ്​ലാമിക് സെന്റർ ഒമാൻ നാഷനൽ കമ്മിറ്റി വിവിധ മേഖലകളിൽ സംഘടിപ്പിക്കുന്ന സമ്മേളനങ്ങളിൽ പങ്കെടുക്കാൻ എത്തിച്ചേർന്ന സമസ്ത നേതാക്കളായ പാണക്കാട് അബ്ബാസലി ശിഹാബ് തങ്ങൾക്കും അബ്ദുസ്സമദ് പൂക്കോട്ടൂരിനും സ്വീകരണം നൽകി. സെന്‍റർ നാഷനൽ കമ്മിറ്റിക്കുവേണ്ടി പ്രസിഡന്‍റ്​ അൻവർ ഹാജിയുടെയും ജനറൽ സെക്രട്ടറി ശിഹാബുദ്ദീൻ ഫൈസിയുടെയും നേതൃത്വത്തിൽ മസ്കത്ത്​ അന്താരാഷ്ട്ര വിമാനത്താവളത്തിലാണ്​ അതിഥികളെ സ്വീകരിച്ചത്​.

നേതാക്കളായ മുഹമ്മദലി ഫൈസി, സക്കീർ ഹുസൈൻ ഫൈസി, കെ.എൻ.എസ് മൗലവി, ഹാഷിം ഫൈസി, അഹ്​മദ് ശരീഫ്, അഷ്റഫ്, അബ്ദുൽ മജീദ്, ബഷീർ തുടങ്ങിയവർ സംബന്ധിച്ചു.