റമദാൻ: ഒമാനിലെ തൊഴിൽ മേഖലയിലെ സമയക്രമം പ്രഖ്യാപിച്ചു

മസ്കത്ത്​: റമദാൻ മാസത്തിലെ സർക്കാർ, സ്വകാര്യമേഖലയിലെ സമയക്രമം ഒമാൻ തൊഴിൽ മന്ത്രാലയം പ്രഖ്യാപിച്ചു. സർക്കാർ മേഖലയിൽ ‘ഫ്ലെക്‌സിബിൾ’ രീതി അനുസരിച്ചായിരിക്കും ജോലി സമയം.

സ്വകാര്യ മേഖലയിലെ മുസ്‍ലിം ജീവനക്കാർ ദിവസവും ആറ്​ മണിക്കൂർ ജോലി ചെയ്യണം. ആഴ്ചയിൽ 30 മണിക്കൂറിൽ കൂടരുതെന്നും നിർദേശമുണ്ട്​. ‘ഫ്ലെക്‌സിബിൾ’ സംവിധാനം അനുസരിച്ച്​ സർക്കാർ മേഖലയിൽ രാവിലെ ഒമ്പത്​ മണി മുതൽ ഉച്ചക്ക്​ രണ്ടുമണി വരെയാണ് ഔദ്യോഗിക പ്രവൃത്തി സമയം.

എന്നാൽ, യൂനിറ്റ്​ മേധാവികൾക്ക്​ രാവിലെ ഏഴുമുതൽ ഉച്ചക്ക്​ 12, എട്ടു മുതൽ ഉച്ചക്ക്​ ഒരുമണി, ഒമ്പത്​ മുതൽ ഉച്ചക്ക്​ രണ്ട്​ മണി, രാവിലെ 10 മുതൽ വൈകിട്ട്​ മൂന്ന്​ എന്നിങ്ങനെയുള്ള സമയക്രമം തീരുമാനിക്കാവുന്നന്നതാണെന്നും അധികൃതർ അറിയിച്ചു. തൊഴിൽ യൂനിറ്റിന്‍റെ പ്രവർത്തനത്തെ ബാധിക്കാത്ത വിധത്തിൽ വിദൂര ജോലിയും നടപ്പാക്കാം.

അ​​േതസമയം, സ്ഥാപനത്തിലെ ഹാജർ നില 50 ശതമാനത്തിൽ കുറയരുതെന്നും അധികൃതർ പറഞ്ഞു. റമദാനിലെ ആത്മീയവും മതപരവുമായ ആചാരങ്ങൾ ഉൾക്കൊള്ളുന്നതിനൊപ്പം സന്തുലിതമായ തൊഴിൽ അന്തരീക്ഷം നിലനിർത്തുക എന്നതാണ് ഈ ക്രമീകരണം ലക്ഷ്യമിടുന്നതെന്ന് അധികൃതർ വ്യക്തമാക്കി.