മ​സ്ജി​ദ് നോ​മ്പു​തു​റ​ക​ൾ കു​റ​വ്; പ്ര​വാ​സി​ക​ൾ പ്ര​യാ​സ​ത്തി​ൽ

മ​സ്ക​ത്ത്: കോ​വി​ഡ് പ്ര​തി​സ​ന്ധി​ക​ളെ​ല്ലാം നീ​ങ്ങി​യ ആ​ദ്യ റ​മ​ദാ​നാ​യി​ട്ടും മ​സ്ജി​ദു​ക​ളി​ലെ നോ​മ്പു​തു​റ​ക​ൾ പൂ​ർ​ണ​മാ​യി പു​ന​രാ​രം​ഭി​ക്കാ​ത്ത​ത് പ്ര​വാ​സി​ക​ൾ​ക്ക് പ്ര​യാ​സ​മു​ണ്ടാ​ക്കു​ന്നു. നോ​മ്പു​കാ​ലം ഒ​റ്റ​ക്ക് താ​മ​സി​ക്കു​ന്ന​വ​രി​ൽ പ​ല​ർ​ക്കും കു​റ​ഞ്ഞ വ​രു​മാ​ന​ക്കാ​ർ​ക്കും സാ​മ്പ​ത്തി​ക ചെ​ല​വ് കു​റ​ഞ്ഞ മാ​സ​മാ​ണ്.

വി​വി​ധ മ​സ്ജി​ദു​ക​ളി​ലും ടെൻറു​ക​ളി​ലും ഇ​ഫ്താ​റു​ക​ൾ ന​ട​ക്കു​ന്ന​തി​നാ​ൽ റ​മ​ദാ​ൻ കാ​ല​ത്ത് ഭ​ക്ഷ​ണ​ത്തി​ന് വ​ള​രെ കു​റ​ഞ്ഞ തു​ക മാ​ത്ര​മാ​ണ് ചെ​ല​വ​ഴി​ക്കേ​ണ്ടി​യി​രു​ന്ന​ത്. മ​സ്ജി​ദു​ക​ളി​ൽ​നി​ന്ന് ന​ല്ല വി​ഭ​വ​ങ്ങ​ൾ​കൊ​ണ്ട് വി​ശാ​ല​മാ​യി നോ​മ്പ് തു​റ​ക്കു​ന്ന​തി​നാ​ൽ പ​ല​രും ല​ളി​ത​മാ​യാ​ണ് അ​ത്താ​ഴം ക​ഴി​ച്ചി​രു​ന്ന​ത്. ഇ​ത്ത​ര​ക്കാ​ർ​ക്ക് ഭ​ക്ഷ​ണ ഇ​ന​ത്തി​ൽ റ​മ​ദാ​നി​ൽ ചെ​ല​വു​ക​ൾ ചു​രു​ക്കാ​ൻ ക​ഴി​ഞ്ഞി​രു​ന്നു. ഇ​ങ്ങ​നെ ലാ​ഭി​ക്കു​ന്ന പ​ണം നാ​ട്ടി​ലെ കു​ടും​ബ​ത്തി​ന് അ​യ​ച്ചു​കൊ​ടു​ക്കു​ന്ന​വ​രാ​ണ് പ​ല​രും. മ​സ്ജി​ദു​ക​ളി​ലെ ഇ​ഫ്താ​റു​ക​ൾ ക​ട​ക​ളി​ലും മ​റ്റും ജോ​ലി ചെ​യ്യു​ന്ന​വ​ർ​ക്കും വ​ലി​യ അ​നു​ഗ്ര​ഹ​മാ​യി​രു​ന്നു. വ്യാ​പാ​ര​സ്ഥാ​പ​ന​ങ്ങ​ളി​ലും മ​റ്റും ജോ​ലി ചെ​യ്യു​ന്ന​വ​ർ​ക്ക് ഇ​ഫ്താ​റൊ​രു​ക്കാ​നും മ​റ്റും സ​മ​യം​കി​ട്ടാ​റി​ല്ല.

കോ​വി​ഡ് പ്ര​തി​സ​ന്ധി നീ​ങ്ങി​യ​തി​നാ​ൽ പ​ള്ളി​ക​ളി​ൽ ഇ​ഫ്താ​റു​ക​ൾ ന​ട​ക്കു​മെ​ന്ന് എ​ല്ലാ​വ​രും പ്ര​തീ​ക്ഷി​ച്ചി​രു​ന്നു. ഒ​റ്റ​ക്ക് താ​മ​സി​ക്കു​ന്ന​വ​ർ​ക്ക് ഇ​ത്ത​രം ഇ​ഫ്താ​റു​ക​ളി​ൽ പ​ങ്കെ​ടു​ക്കു​ന്ന​തി​ന് പ്ര​ത്യേ​ക ഗ്രൂ​പ്പു​ക​ൾ ത​ന്നെ ഉ​ണ്ടാ​യി​രു​ന്നു. മെ​ച്ച​പ്പെ​ട്ട നോ​മ്പു​തു​റ​ക​ൾ മ​റ്റു​ള്ള​വ​രെ അ​റി​യി​ക്കാ​ൻ വാ​ട്സ്ആ​പ് ഗ്രൂ​പ്പു​ക​ളും ഉ​ണ്ടാ​ക്കി​യി​രു​ന്നു. സ്ഥി​ര​മാ​യി ഒ​രു മ​സ്ജി​ദി​ൽ​ത​ന്നെ പോ​വു​ന്ന​വ​രും മ​സ്ജി​ദു​ക​ൾ മാ​റി പോ​കു​ന്ന​വ​രും നി​ര​വ​ധി​യാ​യി​രു​ന്നു. 20 വ​ർ​ഷ​ത്തി​ല​ധി​ക​മാ​യി ഇ​ഫ്താ​റു​ക​ൾ ന​ട​ക്കാ​റു​ള്ള മ​സ്ജി​ദു​ക​ളി​ൽ പ​ല​തി​ലും ഈ ​വ​ർ​ഷം ഇ​ഫ്താ​റി​ല്ല. ഇ​തി​ന്‍റെ പ​രി​സ​ര​ങ്ങ​ളി​ൽ താ​മ​സി​ക്കു​ന്ന നി​ര​വ​ധി മ​ല​യാ​ളി​ക​ൾ മ​സ്ജി​ദു​ക​ളി​ലെ ഇ​ഫ്താ​റി​നെ വ​ർ​ഷ​ങ്ങ​ളാ​യി ആ​ശ്ര​യി​ക്കു​ന്ന​വ​രാ​ണ്.

ആ​ദ്യ കാ​ല​ങ്ങ​ളി​ൽ മ​ല​യാ​ളി​ക​ൾ മാ​ത്ര​മാ​ണ് മ​സ്ജി​ദ് ഇ​ഫ്താ​റു​ക​ളി​ൽ പ​ങ്കെ​ടു​ത്തി​രു​ന്ന​ത്. എ​ന്നാ​ൽ, ക​ഴി​ഞ്ഞ കു​റെ വ​ർ​ഷ​ങ്ങ​ളാ​യി കു​റ​ഞ്ഞ വ​രു​മാ​ന​ക്കാ​രാ​യ എ​ല്ലാ രാ​ജ്യ​ക്കാ​രും ഇ​ഫ്താ​റു​ക​ളെ ആ​ശ്ര​യി​ച്ചു​വ​രു​ക​യാ​യി​രു​ന്നു. നി​ല​വി​ൽ ചി​ല മ​സ്ജി​ദു​ക​ളി​ൽ ഇ​ഫ്താ​റി​ന് സൗ​ക​ര്യ​മു​ണ്ടെ​ങ്കി​ലും ഇ​വി​ട​ങ്ങ​ളി​ൽ തി​ര​ക്ക് വ​ർ​ധി​ക്കാ​നു​ള്ള സാ​ധ്യ​ത വ​ള​രെ കൂ​ടു​ത​ലാ​ണ്.