ആ​ത്മ​സ​മ​ർ​പ്പ​ണ​ത്തി​ന്‍റെ ദി​ന​രാ​ത്ര​ങ്ങ​ൾ

മ​സ്ക​ത്ത്: വി​ശ്വാ​സി​ക​ൾ​ക്കി​നി ആ​ത്മ​വി​ശു​ദ്ധി​യു​ടെ​യും പാ​പ​വി​മ​ലീ​ക​ര​ണ​ത്തി​ന്‍റെ​യും നാ​ളു​ക​ൾ. പ​ക​ല​ന്തി​യോ​ള​മു​ള്ള വ്ര​ത​ശു​ദ്ധീ​ക​ര​ണ​ത്തി​ലൂ​ടെ​യും രാ​വേ​റെ നീ​ളു​ന്ന പ്രാ​ർ​ഥ​ന​യി​ലൂ​ടെ​യും ആ​ത്മാ​വി​ൽ പ​റ്റി​പ്പി​ടി​ച്ച ക്ലാ​വു​ക​ൾ ക​ഴു​കി വെ​ളു​പ്പി​ക്കാ​ൻ ക​രു​ത്തു പ​ക​രു​ന്ന ദി​ന​രാ​ത്ര​ങ്ങ​ൾ. ന​ന്മ​യും സ​ഹാ​നു​ഭൂ​തി​യും നി​റ​ഞ്ഞ വി​ശു​ദ്ധ ദി​ന​രാ​ത്ര​ങ്ങ​ളെ ഇ​രു കൈ​യും നീ​ട്ടി സ്വാ​ഗ​തം ചെ​യ്യു​ക​യാ​ണ് വി​ശ്വാ​സി​ക​ൾ.

ദൈ​വ​ത്തി​നു​വേ​ണ്ടി പ​ക​ൽ മു​ഴു​വ​ൻ പ​ട്ടി​ണി സ​ഹി​ച്ച് മ​ന​സ്സും ശ​രീ​ര​വും പാ​ക​പ്പെ​ടു​ത്താ​നും ദാ​ന​ധ​ർ​മ​ത്തി​ലൂ​ടെ​യും പ​ര​സ​ഹാ​യ​ത്തി​ലൂ​ടെ​യും സ​ഹാ​നു​ഭൂ​തി​യൂ​ട ജീ​വി​ത​മാ​തൃ​ക​ക​ൾ പ​ടു​ക്കാ​നും ക​ഴി​യു​ന്ന പു​ണ്യ​കാ​ലം. ജി​ബ്രീ​ൽ മാ​ലാ​ഖ​യും മ​ല​ക്കാ​യി​ര​ങ്ങ​ളും മ​ണ്ണി​ലി​റ​ങ്ങു​ക​യും വി​ശ്വാ​സി​ക​ൾ​ക്ക് സ​മാ​ധാ​നം നേ​രു​ക​യും ചെ​യ്യു​ന്ന ലൈ​ല​ത്തു​ൽ ഖ​ദ്റും പു​ണ്യ​മു​ഹൂ​ർ​ത്ത​ങ്ങ​ളും അ​നു​ഗൃ​ഹീ​ത​മാ​ക്കി​യ പു​ണ്യ​രാ​വു​ക​ൾ. അ​ങ്ങ​നെ അ​ള​വ​റ്റ അ​നു​ഗ്ര​ഹ​വു​മാ​യി പു​ണ്യ​ങ്ങ​ളു​ടെ പൂ​ക്കാ​ലം വ​ര​വാ​യി. റ​മ​ദാ​നി​ലെ പു​ണ്യ​ങ്ങ​ൾ​ക്ക് ഏ​റെ മ​ട​ങ്ങ് പ്ര​തി​ഫ​ല​മാ​ണ് നാ​ഥ​ന്‍റെ വാ​ഗ്ദാ​നം. ദാ​ന​ങ്ങ​ൾ​ക്ക് കു​ന്നോ​ളം അ​നു​ഗ്ര​ഹ​ങ്ങ​ളാ​ണ് ദൈ​വം തി​രി​ച്ചു​ന​ൽ​കു​ന്ന​ത്. ഓ​രോ ന​ന്മ​യു​ടെ വി​ത്തു​ക​ളും ഒ​രാ​യി​രം ക​തി​രു​ക​ളാ​യി വി​ള​യു​മെ​ന്നാ​ണ് തി​രു​വ​ച​നം. ന​ന്മ​യും തി​ന്മ​യും ഏ​റ്റു​മു​ട്ടി ന​ന്മ മ​നു​ഷ്യ​ച​രി​ത്ര​ത്തി​ലെ എ​ക്കാ​ല​ത്തെ​യും വ​ലി​യ വി​ജ​യം നേ​ടി​യ ബ​ദ​റി​ന്‍റെ ഓ​ർ​മ​ദി​നം അ​തി​ലൊ​ന്നാ​ണ്.

കോ​വി​ഡ്​ നി​ഴ​ലി​ൽ​നി​ന്ന്​ മു​ക്ത​മാ​യി ത​നി​മ​യോ​ടെ വ്ര​തം അ​നു​ഷ്ഠി​ക്കാ​ൻ ക​ഴി​യു​മെ​ന്ന നി​ർ​വൃ​തി​യി​ലാ​ണ്​ ഈ ​വ​ർ​ഷം വി​ശ്വാ​സി​ക​ൾ. വി​വി​ധ ഇ​ട​ങ്ങ​ളി​ൽ ഇ​ഫ്താ​ർ ടെ​ന്‍റു​ക​ളും ഒ​രു​ങ്ങി​യി​ട്ടു​ണ്ട്. എ​ന്നാ​ൽ, കോ​വി​ഡി​നു​ മു​മ്പു​ള്ള​തു​പോ​ലെ അ​ത്ര വ്യാ​പ​ക​മ​ല്ലാ​ത്ത​ത്​ മ​ല​യാ​ളി​ക​ള​ട​ക്ക​മു​ള്ള പ്ര​വാ​സി​ക​ൾ​ക്ക് പ്ര​യാ​സ​മു​ണ്ടാ​ക്കും. ആ​ദ്യ​കാ​ല​ങ്ങ​ളി​ൽ കു​ടും​ബ​ങ്ങ​​ള​ട​ക്കം ഇ​ത്ത​രം ടെ​ന്‍റു​ക​ളെ​ത്തി നോ​മ്പു​തു​റ​യി​ൽ പ​ങ്കാ​ളി​ക​ളാ​യി​രു​ന്നു. ന​ഗ​ര​ത്തി​ലെ സൂ​പ്പ​ർ, ഹൈ​പ്പ​ർ മാ​ർ​ക്ക​റ്റു​ക​ളി​ലും ന​ല്ല തി​ര​ക്കാ​ണ്​ ക​​ഴി​ഞ്ഞ ദി​വ​സം അ​നു​ഭ​വ​പ്പെ​ട്ട​ത്. റ​മ​ദാ​നി​ന്​ മു​​ന്നോ​ടി​യാ​യു​ള്ള അ​വ​സാ​ന​വ​ട്ട ഒ​രു​ക്ക​ത്തി​നാ​യി സ്വ​ദേ​ശി​ക​ളും വി​ദേ​ശി​ക​ളും കു​ടും​ബ​വു​മൊ​ത്താ​യി​രു​ന്നു ഇ​ത്ത​രം സ്ഥാ​പ​ന​ങ്ങ​ളി​ൽ എ​ത്തി​യി​രു​ന്ന​ത്. റ​മ​ദാ​നി​നോ​ട​നു​ബ​ന്ധി​ച്ച്​ ​പ്ര​ത്യേ​ക ഓ​ഫ​റു​ക​ൾ പ്ര​ഖ്യാ​പി​ച്ച​ത്​ സാ​ധാ​ര​ണ​ക്കാ​ർ​ക്ക്​ ആ​ശ്വാ​സ​മാ​യി​ട്ടു​ണ്ട്.ഭ​ക്ഷ്യ​വ​സ്തു​ക്ക​ളു​ടെ ല​ഭ്യ​ത ഉ​റ​പ്പു​വ​രു​ത്തു​ന്ന​തി​ന് മു​നി​സി​പ്പാ​ലി​റ്റി​ക​ളു​ടെ​യും ഉ​പ​ഭോ​ക്​​തൃ സം​ര​ക്ഷ​ണ അ​തോ​റി​റ്റി​യു​ടെ​​യും നേ​തൃ​ത്വ​ത്തി​ൽ പ​രി​ശോ​ധ​ന​യും ന​ട​ത്തു​ന്നു​ണ്ട്.