വി​വി​ധ പ്ര​ദേ​ശ​ങ്ങ​ളി​ൽ മ​ഴ

മ​സ്ക​ത്ത്​: ന്യൂ​ന​മ​ർ​ദ​ത്തി​ന്‍റെ ഭാ​ഗ​മാ​യി രാ​ജ്യ​ത്തെ വി​വി​ധ പ്ര​ദേ​ശ​ങ്ങ​ളി​ൽ ചൊ​വ്വാ​ഴ്ച ക​ന​ത്ത മ​ഴ ല​ഭി​ച്ചു. കാ​റ്റി​ന്‍റെ​യും ഇ​ടി​യു​ടെ​യും അ​ക​മ്പ​ടി​യോ​ടെ​യാ​ണ്​ മ​ഴ കോ​രി ച്ചൊരി​യു​ന്ന​ത്. അ​നി​ഷ്ട സം​ഭ​വ​ങ്ങ​ളൊ​ന്നും എ​വി​ടെ​നി​ന്നും റി​പ്പോ​ർ​ട്ട്​ ചെ​യ്തി​ട്ടി​ല്ല.

വാ​ദി​ക​ൾ നി​റ​ഞ്ഞൊ​ഴു​കി. ആ​ലി​പ്പ​ഴ​വും വ​ർ​ഷി​ച്ചു. രാ​വി​ലെ പ​തി​യെ തു​ട​ങ്ങി​യ മ​ഴ ഉ​ച്ച​യോ​ടെ​യാ​ണ്​ ശ​ക്തി​യാ​ർ​ജി​ച്ച​ത്. ഉ​ൾ​പ്ര​ദേ​ശ​ങ്ങ​ളി​ലെ റോ​ഡു​ക​ളി​ൽ വെ​ള്ളം ക​യ​റി ചെ​റി​യ​തോ​തി​ൽ ഗ​താ​ഗ​ത ത​ട​സ്സ​വും നേ​രി​ട്ടു. ജ​ബ​ൽ അ​ഖ്​​ദ​ർ, നി​സ്​​വ വി​ലാ​യ​ത്തി​ലെ ബ​ർ​ക​ത്തു​ൽ മൗ​സ, ഇ​ബ്ര, മു​ദൈ​ബി, സ​മാ​ഇ​ൽ, വ​ട​ക്ക​ൻ ശ​ർ​ഖി​യ ഗ​വ​ർ​ണ​റേ​റ്റി​ലെ അ​ൽ​ഖാ​ബി​ൽ എ​ന്നി​വി​ട​ങ്ങ​ളി​ലാ​ണ്​ സാ​മാ​ന്യം ഭേ​ദ​പ്പെ​ട്ട മ​ഴ ല​ഭി​ച്ച​ത്.

അ​തേ​സ​മ​യം, വ്യാ​ഴാ​ഴ്ച​വ​രെ ബു​റൈ​മി, വ​ട​ക്ക്​-​തെ​ക്ക്​ ബാ​ത്തി​ന, ദാ​ഹി​റ, മ​സ്‌​ക​ത്ത്, ദാ​ഖി​ലി​യ, തെ​ക്ക്​-​വ​ട​ക്ക്​ ശ​ർ​ഖി​യ, മു​സ​ന്ദം എ​ന്നീ ഗ​വ​ർ​ണ​​റേ​റ്റു​ക​ളി​ൽ മ​ഴ ല​ഭി​ക്കു​മെ​ന്നാ​ണ്​ കാ​ലാ​വ​സ്ഥ നി​രീ​ക്ഷ​ണ കേ​ന്ദ്ര​ത്തി​ന്‍റെ മു​ന്ന​റി​യി​പ്പി​ൽ പ​റ​യു​ന്ന​ത്. ബു​ധ​നാ​ഴ്ച അ​ൽ​ഹ​ജ​ർ പ​ർ​വ​ത നി​ര​ക​ളി​ലും അ​വ​യു​ടെ സ​മീ​പ പ്ര​ദേ​ശ​ങ്ങ​ളി​ലും അ​ഞ്ചുമു​ത​ൽ 20 മി​ല്ലി​മീ​റ്റ​ർ​വ​രെ മ​ഴ പെ​യ്​​തേ​ക്കും.

ഇ​ത്​ ഒ​മാ​ൻ ക​ട​ലി​​ന്‍റെ തീ​ര പ്ര​ദേ​ശ​ങ്ങ​ളി​ലേ​ക്കും വ്യാ​പി​ച്ചേ​ക്കും. വ്യാ​ഴാ​ഴ്ച വി​വി​ധ ഇ​ട​ങ്ങ​ളി​ലാ​യി അ​ഞ്ച്​​മു​ത​ൽ 15 മി​ല്ലി​മീ​റ്റ​ർ​വ​രെ മ​ഴ​യും മ​ണി​ക്കൂ​റി​ൽ 27മു​ത​ൽ 64 കീ.​മീ​റ്റ​ർ വേ​ഗ​ത​യി​ൽ കാ​റ്റും വീ​ശി​യേ​ക്കും. മ​ഴ​യു​ടെ പാ​ശ്ചാ​ത്ത​ല​ത്തി​ൽ എ​ല്ലാ​വ​രും ജാ​ഗ്ര​ത പു​ല​ർ​ത്ത​ണ​മെ​ന്ന്​ സി​വി​ൽ ഏ​വി​യേ​ഷ​ൻ അ​തോ​റി​റ്റി ആ​വ​ശ്യ​പ്പെ​ട്ടു.