മ​ഴ: ക​ര​ക​യ​റാ​ൻ കൈ​കോ​ർ​ത്ത്..

മ​സ്ക​ത്ത്​: തു​ട​ർ​ച്ച​യാ​യി പെ​യ്ത മ​ഴ ക​ഴി​ഞ്ഞ ര​ണ്ടു​​ദി​വ​സ​ങ്ങ​ളാ​യി ഒ​ഴി​ഞ്ഞ​തോ​ടെ ജ​ന​ജീ​വി​തം സാ​ധാ​ര​ണ നി​ല​യി​ലേ​ക്കു​ പ​തി​യെ നീങ്ങി​ത്തു​ട​ങ്ങി. തെ​ക്ക്​-​വ​ട​ക്ക്​ ബാ​ത്തി​ന, ബു​റൈ​മി, മ​സ്‌​ക​ത്ത്, തെ​ക്ക്​-​വ​ട​ക്ക്​ ശ​ർ​ഖി​യ, ദാ​ഖി​ലി​യ, ദാ​ഹി​റ എ​ന്നീ ഗ​വ​ർ​ണ​റേ​റ്റു​ക​ളി​ലെ വി​വി​ധ മു​നി​സി​പ്പാ​ലി​റ്റി​കളുടെ നേ​തൃ​ത്വത്തി​ൽ ഊ​ർ​ജി​ത ശു​ചീ​ക​ര​ണ പ്ര​വ​ർ​ത്ത​ന​ങ്ങ​ളാ​ണ്​ ന​ട​ത്തി​വ​രു​ന്ന​ത്.

റോ​ഡു​ക​ളി​ലേ​ക്കു​​വീ​ണ ക​ല്ലു​ക​ളും മ​ണ്ണു​ക​ളും മു​നി​സി​പ്പാ​ലി​റ്റി അ​ധി​കൃ​ത​രു​ടെ നേ​തൃ​ത്വ​ത്തി​ൽ യു​ദ്ധ​കാ​ല അ​ടി​സ്ഥാ​ന​ത്തി​ൽ നീ​ക്കി പ്ര​ധാ​ന പാ​ത​ക​​ളെ​ല്ലാം ഗ​താ​ഗ​ത​യോ​ഗ്യ​മാ​ക്കി വാ​ഹ​ന​ങ്ങ​ൾ​ക്കാ​യി തു​റ​ന്നു​കൊ​ടു​ത്തി​ട്ടു​ണ്ട്. വാ​ദി​ക​ൾ കു​ത്തി​യൊ​ലി​ച്ച്​ റോ​ഡു​ക​ൾ പ​ല​തും ഒ​ലി​ച്ചു​പോ​കു​ക​യും ചി​ല​തൊ​ക്കെ അ​പ്പാ​ടെ ത​ക​രു​ക​യും ചെ​യ്​​തി​ട്ടു​ണ്ട്. ഇ​തു മൂ​ലം ബു​റൈ​മി​യി​ലെ ഉ​ൾ പ്ര​ദേ​ശ​ങ്ങ​ൾ പ​ല​തും ഒ​റ്റ​പ്പെ​ട്ടു​ കി​ട​ക്കു​ന്ന സ്ഥി​തി​യാ​ണെ​ന്ന്​ സാ​മൂ​ഹിക പ്ര​വ​ർ​ത്ത​ക​ർ പ​റ​ഞ്ഞു. ക​ട​ക​ളി​ലും വീ​ടു​ക​ളി​ലും ച​ളി അ​ടി​ഞ്ഞു​കൂ​ടി കി​ട​ക്കു​ക​യാ​ണ്. ഇ​വ സ​ന്ന​ദ്ധ പ്ര​വ​ർ​ത്ത​ക​രു​ടെ​യും മ​റ്റും കൂ​ട്ടാ​യ്​​മ​യി​ൽ നീ​ക്കി​ത്തു​ട​ങ്ങി​യി​ട്ടു​ണ്ട്. എ​ന്നാ​ൽ, ഈ ​വീ​ടു​ക​ളി​ൽ പ​ല​തി​ലും പ​ഴ​യ​തു​പോ​ലെ താ​മ​സം ആ​രം​ഭി​ക്കാ​ൻ ദി​വ​സ​ങ്ങ​ളെ​ടു​ക്കു​മെ​ന്ന്​ സ​ന്ന​ദ്ധ പ്ര​വ​ർ​ത്ത​ക​ർ പ​റ​യു​ന്നു.

ഏ​റ്റ​വും കൂ​ടു​ത​ൽ ആ​ൾ ന​ഷ്ട​വും നാ​ശ​വും വ​രു​ത്തി​യ​ത്​ വ​ട​ക്ക​ൻ ശ​ർ​ഖി​യ ഗ​വ​ർ​ണ​റേ​റ്റി​ലാ​ണ്. ഇ​വി​ടെ മീ​റ്റ​റു​ക​ളോ​ളം ദൂ​ര​ത്തി​ലാ​ണ്​ പ​ല​യി​ട​ത്തും റോ​ഡു​ക​ൾ ത​ക​ർ​ന്നു​​കി​ട​ക്കു​ന്ന​ത്. പ​ക​ർ​ച്ച​വ്യാ​ധി​ക​ൾ പ​ട​ർ​ന്നു​​പി​ടി​ക്കാ​തി​രി​ക്കാ​ൻ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ളി​ൽ പാ​ലി​​ക്കേ​ണ്ട മാ​ർ​ഗ നി​ർ​ദേ​ശ​ങ്ങ​ൾ ആ​രോ​ഗ്യ പ്ര​വ​ർ​ത്ത​ക​ർ ന​ൽ​കിവ​രു​ന്നു​ണ്ട്. മ​ഴ കു​റ​​ഞ്ഞെ​ങ്കി​ലും പ​ല ഗ​വ​ർ​ണ​റേ​റ്റു​ക​ളി​ലും ഇ​പ്പോ​ഴും വാ​ദി​ക​ൾ നി​റ​ഞ്ഞൊ​ഴു​കു​ന്നു​ണ്ട്. വാ​രാ​ന്ത്യ അ​വ​ധി ദി​ന​ങ്ങ​ളാ​യ വെ​ള്ളി​യാ​ഴ്ച​യും ശ​നി​യാ​ഴ്ച​യും കൂ​ടു​ത​ൽ സ​ന്ന​ദ്ധ പ്ര​വ​ർ​ത്ത​ക​ർ മ​ഴബാ​ധി​ത മേ​ഖ​ല​ക​ളി​ലേ​ക്കൊ​ഴു​കും. ഇ​തോ​ടെ സേ​വ​ന പ്ര​വ​ർ​ത്ത​ക​ർ​ക്ക്​ കൂ​ടു​ത​ൽ വേ​ഗ​ത കൈ​വ​രി​ക​യും ചെ​യ്യും.

അ​തേ​സ​മ​യം, അ​വ​ശ്യ സാ​ധ​ന​ങ്ങ​ൾ​ക്ക്​ പ്ര​യാ​സ​ങ്ങ​ൾ നേ​രി​ടു​ന്ന വാ​ദി ബ​നി ഖാ​ലി​ദ്​ വി​ലാ​യ​ത്ത് നി​വാ​സി​ക​ൾ​ക്ക് ആ​ർ.​ഒ.​പി​യു​ടെ ഹെ​ലി​കോ​പ്​​ട​ർ വ​ഴി ഇ​വ എ​ത്തി​ച്ചു.

റോ​യ​ൽ ഒ​മാ​ൻ പൊ​ലീ​സ്, റോ​യ​ൽ ആ​ർ​മി ഓ​ഫ് ഒ​മാ​ൻ, സി​വി​ൽ ഡി​ഫ​ൻ​സ് ആ​ൻ​ഡ് ആം​ബു​ല​ൻ​സ് ഡി​പ്പാ​ർ​ട്മെ​ന്‍റ് എ​ന്നി​വ​യു​ടെ ഫീ​ൽ​ഡ് ടീ​മു​ക​ൾ മാ​ഹൂ​ത്​ വി​ലാ​യ​ത്തി​ലെ വാ​ദി അ​ൽ സെ​യി​ലി​ൽ കു​ടു​ങ്ങി​യ 23 പേ​രെ ര​ക്ഷ​പ്പെ​ടു​ത്തി. എ​ല്ലാ​വ​രു​ടെ​യും ആ​രോ​ഗ്യ​സ്ഥി​തി തൃ​പ്തി​ക​ര​മാ​ണെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി.

മ​ഴ​ക്ക് ശ​മ​നം വ​ന്ന​തി​നാ​ൽ, അ​ടി​യ​ന്ത​ര സേ​വ​ന​ത്തി​ന്‍റെ പ്ര​വ​ർ​ത്ത​ന​ങ്ങ​ൾ അ​വ​സാ​നി​പ്പി​ച്ച​താ​യി എ​മ​ർ​ജ​ൻ​സി മാ​നേ​ജ്‌​മെ​ന്‍റ് നാ​ഷ​ന​ൽ ക​മ്മി​റ്റി അ​റി​യി​ച്ചു. ബ​ന്ധ​പ്പെ​ട്ട അ​ധി​കൃ​ത​ർ ഓ​രോ പ്ര​ദേ​ശ​ങ്ങ​ളി​​ലെ​യും നാ​ശ​ന​ഷ്ട​ങ്ങ​ളു​ടെ ക​ണ​ക്കെ​ടു​പ്പു​ക​ൾ ന​ട​ത്തി​ക്കൊ​ണ്ടി​രി​ക്കു​ക​യാ​ണ്.