മിഷൻ വിങ്​സ്​ ഒാഫ്​ കംപാഷൻ: പുരുഷോത്തം കാഞ്ചി എക്​സ്​ചേഞ്ച് പത്ത്​ ടിക്കറ്റുകൾ നൽകും 

മസ്​കത്ത്​: ഗ​ൾ​ഫ്​ മാ​ധ്യ​മവും മീ​ഡി​യ​വണ്ണും  ചേർന്നൊരുക്കുന്ന ‘മി​ഷ​ൻ വി​ങ്​​സ്​ ഒാ​ഫ്​ കം​പാ​ഷ​ൻ പദ്ധതിയിൽ ഒമാനിലെ ആദ്യ ധനവിനിമയ സ്​ഥാപനമായ പുരുഷോത്തം കാഞ്ചി എക്​സ്​ചേഞ്ചും പങ്കാളികളാകും. പത്ത്​ പേർക്കുള്ള ടിക്കറ്റുകളാണ്​  പുരുഷോത്തം കാഞ്ചി എക്​സ്​ചേഞ്ച്​ നൽകുക. സാമൂഹിക ഉത്തരവാദിത്വ പദ്ധതിയിൽ ഉൾപ്പെടുത്തിയാണ്​ സഹായം നൽകുന്നത്​.

പ്രവാസികൾ ഇന്ന്​ വല്ലാത്ത പ്രയാസത്തി​​െൻറ പിടിയിലാണ്​. ഇൗ ഘട്ടത്തിൽ ഇവർക്ക്​ സഹായം നൽകുന്നത്​ മഹത്തരമായ കാര്യമാണെന്ന്​ ജനറൽ മാനേജർ സുപിൻ ജയിംസ് പറഞ്ഞു. നാലുപതിറ്റാണ്ടി​​െൻറ പഴക്കമുള്ള തങ്ങളുടെ സ്​ഥാപനത്തി​​െൻറ വളർച്ചക്ക്​ പിന്നിൽ ഇന്ത്യൻ പ്രവാസികളുടെ പിന്തുണ വിസ്​മരിക്കാൻ കഴിയാത്തതാണ്​. ഇത്രകാലം പിന്തുണ നൽകിയ ഉപഭോക്​താക്കളോടുള്ള കടമ നിറവേറ്റുന്നതി​​െൻറ കൂടി ഭാഗമാണ്​ ഇൗ സഹായമെന്നും സുപിൻ ജെയിംസ്​ പറയുന്നു.

കോവിഡ്​ പ്രതിസന്ധിയിൽ നാട്ടിലേക്ക്​ മടങ്ങുന്നവർക്ക്​ സർവീസ്​ ചാർജ്​ ഇളവോടെ പുരുഷോത്തം കാഞ്ചി എക്​സ്​ചേഞ്ച്​ വഴി പണമയക്കാവുന്നതാണ്​. ഡോക്​ടർമാരും നഴ്​സുമാരുമടക്കം ആരോഗ്യ പ്രവർത്തകർക്ക്​ കോവിഡ്​ കാലത്ത്​ നാട്ടിലേക്ക്​ പണമയക്കാൻ സർവീസ്​ ചാർജ്​ ഉണ്ടായിരിക്കില്ലെന്നും സുപിൻ ജെയിംസ്​ പറഞ്ഞു.