സമുദ്രപൈതൃകം പ്രോത്സാഹിപ്പിക്കൽ; കരാറായി

മ​സ്ക​ത്ത്: സ​മു​ദ്ര പൈ​തൃ​കം പ്രോ​ത്സാ​ഹി​പ്പി​ക്കു​ന്ന​തി​ന് ഒ​മാ​ൻ എ​ൽ.​എ​ൻ.​ജി​യു​ടെ ഡെ​വ​ല​പ്‌​മെ​ന്റ് ഫൗ​ണ്ടേ​ഷ​ൻ ഒ​മാ​ൻ മാ​രി​ടൈം സ്‌​പോ​ർ​ട്‌​സ് ക​മ്മി​റ്റി​യു​മാ​യി (ഒ.​എം.​എ​സ്‌.​സി) ധാ​ര​ണ​പ​ത്ര​ത്തി​ൽ ഒ​പ്പു​വെ​ച്ചു. ഒ​മാ​ന്റെ സ​മു​ദ്ര​പൈ​തൃ​കം പു​ന​രു​ജ്ജീ​വി​പ്പി​ക്കു​ന്ന​തി​നൊ​പ്പം സ​മു​ദ്ര കാ​യി​ക​വി​നോ​ദ​ങ്ങ​ളെ പി​ന്തു​ണ​ക്കു​ന്ന​തി​നും വി​ക​സി​പ്പി​ക്കു​ന്ന​തി​നു​മു​ള്ള ശ്ര​മ​ങ്ങ​ളു​ടെ ഭാ​ഗ​മാ​ണി​ത്. വൈ​വി​ധ്യ​മാ​ർ​ന്ന സ​മൂ​ഹ ഗ്രൂ​പ്പു​ക​ളെ സ​മു​ദ്ര-​തീം കാ​യി​ക, സാം​സ്കാ​രി​ക പ​രി​പാ​ടി​ക​ളി​ൽ പ​ങ്കെ​ടു​ക്കാ​ൻ പ്രാ​പ്ത​രാ​ക്കു​ക എ​ന്ന​തും ക​രാ​ർ ല​ക്ഷ്യ​മാ​ണ്.

ഇ​രു​ക​ക്ഷി​ക​ളും ത​മ്മി​ലു​ള്ള ത​ന്ത്ര​പ​ര​മാ​യ പ​ങ്കാ​ളി​ത്തം ശ​ക്തി​പ്പെ​ടു​ത്താ​നും പ​ര​മ്പ​രാ​ഗ​ത​വും ആ​ധു​നി​ക​വു​മാ​യ സ​മു​ദ്ര കാ​യി​ക വി​നോ​ദ​ങ്ങ​ളു​ടെ വ​ള​ർ​ച്ച​യെ പ​രി​പോ​ഷി​പ്പി​ക്കാ​നും ധാ​ര​ണ​പ​ത്രം ഉ​ദ്ദേ​ശി​ക്കു​ന്നു. ക​മ്മി​റ്റി സം​ഘ​ടി​പ്പി​ക്കു​ന്ന പ്ര​വ​ർ​ത്ത​ന​ങ്ങ​ളെ​യും സം​രം​ഭ​ങ്ങ​ളെ​യും പി​ന്തു​ണ​ക്കു​ക, സ്പോ​ൺ​സ​ർ ചെ​യ്യു​ക, സ്പോ​ർ​ട്സ് മാ​നേ​ജ്മെ​ന്റ്, സ​ന്ന​ദ്ധ​പ്ര​വ​ർ​ത്ത​നം, ഇ​വ​ന്റ് ഓ​ർ​ഗ​നൈ​സേ​ഷ​ൻ എ​ന്നി​വ​യി​ലെ വൈ​ദ​ഗ്ധ്യ​വും മി​ക​ച്ച രീ​തി​ക​ളും കൈ​മാ​റു​ക എ​ന്നി​വ​യാ​ണ് സ​ഹ​ക​ര​ണ​ത്തി​ന്റെ പ​രി​ധി​യി​ൽ ഉ​ൾ​പ്പെ​ടു​ന്ന​ത്.

കൂ​ടാ​തെ, ദേ​ശീ​യ കേ​ഡ​റു​ക​ൾ വി​ക​സി​പ്പി​ക്കു​ന്ന​തി​നും മാ​ധ്യ​മ, മാ​ർ​ക്ക​റ്റി​ങ് ഏ​കോ​പ​നം വ​ർ​ധി​പ്പി​ക്കു​ന്ന​തി​നും പ​ങ്കാ​ളി​ത്തം പ​രി​ശീ​ല​ന​പ​രി​പാ​ടി​ക​ൾ ന​ൽ​കും. ഒ​മാ​ന്റെ സ​മു​ദ്ര സ്വ​ത്വ​ത്തെ​യും പൈ​തൃ​ക​ത്തെ​യും പി​ന്തു​ണ​ക്കു​ന്ന​തി​നൊ​പ്പം പ്ര​ത്യേ​കി​ച്ച് യു​വാ​ക്ക​ളെ​യും കു​ടും​ബ​ങ്ങ​ളെ​യും ഈ ​മൂ​ല്യ​ങ്ങ​ളും പാ​ര​മ്പ​ര്യ​ങ്ങ​ളും ആ​ഘോ​ഷി​ക്കു​ന്ന പ​രി​പാ​ടി​ക​ളി​ൽ ഏ​ർ​പ്പെ​ടാ​ൻ ശാ​ക്തീ​ക​രി​ക്കു​ന്ന​തി​നാ​യു​ള്ള ഫൗ​ണ്ടേ​ഷ​ന്റെ പ്ര​തി​ബ​ദ്ധ​ത​യാ​ണ് ഈ ​ധാ​ര​ണ​പ​ത്ര​ത്തി​ലൂ​ടെ പ്ര​തി​ഫ​ലി​ക്കു​ന്ന​തെ​ന്ന് ഒ​മാ​ൻ എ​ൽ.​എ​ൻ.​ജി​യു​ടെ ഡെ​വ​ല​പ്‌​മെ​ന്റ് ഫൗ​ണ്ടേ​ഷ​ൻ സി.​ഇ.​ഒ ഡോ. ​ആ​മി​ർ ബി​ൻ നാ​സ​ർ അ​ൽ മ​താ​നി പ​റ​ഞ്ഞു.