പ്രി​മി​യ​ർ ക​പ്പ്​ ട്വ​ന്‍റി20: ഒ​മാ​ന്​ കി​രീ​ട ന​ഷ്​​ടം; യു.​എ.​ഇ​ക്ക്​ ഏഷ്യാ​ക​പ്പ്​ യോ​ഗ്യ​ത

മ​സ്ക​ത്ത്​: പ്രി​മി​യ​ർ ക​പ്പ്​ ട്വ​ന്‍റി20 ടൂ​ർ​ണ​മെ​ന്‍റി​ൽ ഒ​മാ​ന്​ കി​രീ​ട ന​ഷ്​​ടം. കലാ​ശ​ക്ക​ളി​യി​ൽ ശ​ക്ത​രാ​യ യു.​എ.​ഇ​യോ​ട്​ 55 റ​ൺ​സി​നാ​ണ്​ അ​ടി​യ​റ​വ്​ പ​റ​ഞ്ഞ​ത്​. കി​രീ​ട​ത്തി​ൽ മു​ത്ത​മി​ട്ട യു.​എ.​ഇ അ​ടു​ത്ത​വ​ർ​ഷം ന​ട​ക്കു​ന്ന ഏ​ഷ്യ ക​പ്പി​ലേ​ക്ക്​ യോ​ഗ്യ​ത നേ​ടു​ക​യും ചെ​യ്​​തു. ഇ​ന്ത്യ, പാ​കി​സ്താ​ൻ, ശ്രീ​ല​ങ്ക, അ​ഫ്ഗാ​നി​സ്താ​ൻ, ബം​ഗ്ലാ​ദേ​ശ് എ​ന്നീ ടീ​മു​ക​ൾ നേ​ര​ത്തേ​ത​ന്നെ ​ഏ​ഷ്യ​ൻ ക​പ്പി​ലേ​ക്ക്​ സ്ഥാ​നം ഉ​റ​പ്പി​ച്ചി​രു​ന്നു. ഇ​തി​ലേ​ക്കു​ള്ള അ​വ​സാ​ന ടീ​മി​നെ ക​ണ്ടെ​ത്താ​നു​ള്ള പ​ര​മ്പ​ര കൂ​ടി​യാ​യി​രു​ന്നു പ്രി​മി​യ​ർ ക​പ്പ്​ ട്വ​ന്‍റി20.

അ​മീ​റാ​ത്ത്​ ക്രി​ക്ക​റ്റ്​ അ​ക്കാ​ദ​മി ​ഗ്രൗ​ണ്ടി​ൽ ന​ട​ന്ന ഫൈ​ന​ലി​ൽ തൊ​​ട്ട​തെ​ല്ലാം പി​​​ഴ​ച്ച ദി​വ​സ​മാ​യി​രു​ന്നു ഒ​മാ​ന്. ആ​ദ്യം ബാ​റ്റ്​ ചെ​യ്​​ത യു.​എ.​ഇ ക്യാ​പ്​​റ്റ​ൻ മു​ഹ​മ്മ​ദ്​ വ​സീ​മി​ന്‍റെ സെ​ഞ്ച്വ​റി മി​ക​വി​ൽ നാ​ല്​ വി​ക്ക​റ്റി​ന്​ 204 റ​ൺ​സി​ന്‍റെ വ​മ്പ​ൻ സ്​​കോ​റാ​ണ്​ പ​ടു​ത്തു​യ​ർ​ത്തി​യ​ത്. 57 ബാ​ളി​ൽ ഏ​ഴ്​ കൂറ്റ​ൻ സി​ക്സും ആ​റ്​ ബൗ​ണ്ട​റി​ക​ളും വ​സീ​മി​ന്‍റെ ബാ​റ്റി​ൽ​നി​ന്ന്​ പി​റ​ന്നു. ഒ​ടു​വി​ൽ ബി​ലാ​ൽ​ഖാ​ന്‍റെ ഓ​വ​റി​ൽ ക​ശ്യ​പ്​ പ്ര​ജാ​പ​തി​ക്ക്​ ക്യാ​ച്ച്​ ന​ൽ​കി ​ മ​ട​ങ്ങു​ക​യാ​യി​രു​ന്നു. അ​ലി​ഷാ​ൻ ഷ​റ​ഫു (34), ആ​സി​ഫ്​ ഖാ​ൻ (38) എ​ന്നി​വ​രും ഇ​മാ​റാ​ത്തി ബാ​റ്റി​ങ് നി​ര​യി​ൽ തി​ള​ങ്ങി.

മ​റു​പ​ടി ബാ​റ്റി​ങ്ങി​നി​റ​ങ്ങി​യ സു​ൽ​ത്താ​നേ​റ്റി​ന്​ വി​ക്ക​റ്റ്​ കീ​പ്പ​ർ പ്ര​തീ​ക്​ അ​ത്താ​വാ​ലെ (49), ഖാ​ലി​ദ്​ കെ​യി​ൽ (30), ഫ​യാ​സ്​ ഭ​ട്ട്​ (23*) എ​ന്നി​വ​രൊ​​​ഴി​കെ മ​റ്റു​ള്ള​വ​ർ​ക്കാ​ന്നും കാ​ര്യ​മാ​യി സം​ഭാ​വ​ന ന​ൽ​കാ​നാ​യി​ല്ല.

മു​ൻ​നി​ര ബാ​റ്റ​ർ​മാ​ർ എ​ളു​പ്പം മ​ട​ങ്ങി​യ​തും ബൗ​ള​ർ​മാ​രു​ടെ അ​ച്ച​ട​ക്ക​മി​ല്ലാ​യ്ത​മ​യു​മാ​ണ്​ സു​ൽ​ത്താ​നേ​റ്റി​ന്​ തി​രി​ച്ച​ടി​യാ​യ​ത്. സ്​​കോ​ർ​ ബോ​ർ​ഡ്​ അ​മ്പ​ത്​ തി​ക​യു​ംമു​മ്പേ ഒ​മാ​ന്‍റെ അ​ഞ്ചു​പേ​ർ പ​വി​ലി​യ​നി​ൽ എ​ത്തി​യി​രു​ന്നു.

യു.​എ.​ഇ​ക്കു​വേ​ണ്ടി ജു​നൈ​ദ്​ സി​ദ്ധീ​ഖ്​ 38 റ​ൺ​സ്​ വ​ഴ​ങ്ങി മൂ​ന്നും മു​ഹ​മ്മ​ദ്​ ഫാ​റൂ​ഖ്, അ​യാ​ൻ അ​ഫ്​​സ​ൽ ഖാ​ൻ എ​ന്നി​വ​ർ ര​ണ്ടൂവീ​തം വി​ക്ക​റ്റും നേ​ടി. സു​ൽ​ത്താ​​നേ​റ്റി​നു​വേ​ണ്ടി ബി​ലാ​ൽ ഖാ​ൻ ര​ണ്ട്​ വി​ക്ക​റ്റും എ​ടു​ത്തു. ടൂ​ർ​ണ​മെ​ന്‍റി​ലെ​യും ഫൈ​ന​ലി​ലെയും മി​ക​ച്ച ക​ളി​ക്കാ​ര​നാ​യി മു​ഹ​മ്മ​ദ്​ വ​സീ​മി​നെ തെ​ര​ഞ്ഞെ​ടു​ത്തു.