കോവിഡ്​ വ്യാപനം: സമ്പൂർണ ലോക്​ഡൗണിനുള്ള സാധ്യത തള്ളികളയാതെ ആരോഗ്യ മന്ത്രി

മസ്​കത്ത്​: രാജ്യത്ത്​ കോവിഡ്​ വ്യാപനം വീണ്ടും ഉയരുന്നതി​െൻറ പശ്​ചാത്തലത്തിൽ സമ്പൂർണ ലോക്​ഡൗൺ ഏർപ്പെടുത്തുന്നതിനുള്ള സാധ്യതകൾ തള്ളികളയാതെ ആരോഗ്യമന്ത്രി. സമ്പൂർണ ലോക്​ഡൗൺ ഏർപ്പെടുത്തുന്നത്​ രാജ്യത്തി​െൻറ സമ്പദ്​ഘടനക്ക്​ വലിയ ആഘാതമേൽപ്പിക്കുമെന്ന്​ ഡോ. അഹമ്മദ്​ അൽ സഇൗദി പറഞ്ഞു. എന്നാൽ എന്ത്​ തന്നെ പ്രത്യാഘാതം നേരിടേണ്ടിവന്നാലും ജനങ്ങളുടെ ജീവൻ സംരക്ഷിക്കപ്പെടുന്നുണ്ടെന്ന്​ ഉറപ്പാക്കുകയാണ്​ വേണ്ടതെന്നാണ്​ സുൽത്താ​െൻറ നിർദേശമെന്നും ആരോഗ്യ മന്ത്രി വ്യാഴാഴ്​ച നടന്ന സുപ്രീം കമ്മിറ്റി വാർത്താസമ്മേളനത്തിൽ ചോദ്യത്തിന്​ ഉത്തരമായി പറഞ്ഞു.

പ്രതിരോധ നടപടികൾ പാലിക്കുന്നതിൽ ആരും വിമുഖത കാണിക്കരുത്​. രോഗവ്യാപനം തടയാനുള്ള ഉത്തരവാദിത്വം ഒാരോ വ്യക്​തിയിലും അർപ്പിതമാണ്​. മുൻ കരുതൽ സംബന്ധിച്ച സുപ്രീം കമ്മിറ്റി നിർദേശങ്ങൾ ലംഘിക്കുന്നവർക്കെതിരെ സർക്കാർ ഒരിക്കലും ക്ഷമിക്കില്ലെന്നും കർശന നടപടി ഉറപ്പാക്കുമെന്നും ഡോ. അൽ സഇൗദി ഒാർമിപ്പിച്ചു.

തീവ്ര പരിചരണ വിഭാഗത്തിൽ പ്രവേശിപ്പിക്കപ്പെടുന്നവരുടെ എണ്ണം ഏറ്റവും ഉയർന്ന തോതിൽ തുടരുന്നതാണ്​ ആശങ്കാജനകം​. ബുധനാഴ്​ച മാത്രം 14 പേരെ കൂടി തീവ്ര പരിചരണ വിഭാഗത്തിൽ പ്രവേശിപ്പിച്ചു. ഇതോടെ തീവ്ര പരിചരണ വിഭാഗത്തിൽ ചികിത്സയിലുള്ളവരുടെ എണ്ണം 216 ആയി ഉയർന്നു. ഇതിൽ 147പേരും വെൻറിലേറ്ററിലാണ്​ ഉള്ളത്​. കഴിഞ്ഞയാഴ്​ചയിൽ മരണപ്പെട്ടവരിൽ 83 ശതമാനം പേരും തീവ്ര പരിചരണ വിഭാഗത്തിൽ ചികിൽസയിലിരുന്നവരാണ്​. ഇതുവരെ മരിച്ചവരിൽ തീവ്രപരിചരണ വിഭാഗത്തിൽ ചികിൽസയിലിരുന്നവരുടെ എണ്ണം 75 മുതൽ 85 ശതമാനം വരെയാണെന്നും ഡോ.അൽ സഇൗദി പറഞ്ഞു. തീവ്ര പരിചരണ വിഭാഗത്തിലുള്ളവരുടെ എണ്ണം കൂടിയ നിരക്കിലായതിനാൽ മരണനിരക്ക്​ കുറയു​മെന്ന്​ കരുതാൻ കഴിയില്ല.

രോഗമുക്​തി നിരക്ക്​ 87 ശതമാനമാണ്​. പ്രതിരോധ നടപടികൾ പാലിക്കാത്തതിനാലാണ്​ രോഗമുക്​തി നിരക്ക്​ കുറയാൻ കാരണം. ഒത്തുചേരലുകൾക്കുള്ള വിലക്ക്​ ഇപ്പോഴും നിലനിൽക്കുന്നുണ്ട്​. നിയമലംഘനങ്ങൾ ശ്രദ്ധയിൽ പെടുന്നവർ റിപ്പോർട്ട്​ ചെയ്യുകയും വേണം. കുറ്റകൃത്യങ്ങൾ റിപ്പോർട്ട്​ ചെയ്യുന്നത്​ ദേശീയ ഉത്തരവാദിത്വമാണ്​. അധികൃതരെ അറിയിക്കാതിരിക്കുന്നത്​ മറ്റൊരു കുറ്റകൃത്യമാണെന്നും ആരോഗ്യ മന്ത്രി പറഞ്ഞു.

ഡോക്​ടർമാർ അടക്കം ആരോഗ്യ പ്രവർത്തകർ കടുത്ത മാനസിക സമ്മർദത്തിലാണുള്ളത്​. ഒരു ഗവർണറേറ്റിലെ ആരോഗ്യ ജീവനക്കാർ കഴിഞ്ഞ ആറുമാസത്തിനിടെ ഒരു അവധിപോലും എടുത്തിട്ടില്ല. മൊത്തം രോഗബാധിതരുടെ ഒരു ശതമാനത്തിൽ താഴെയാണ്​ മരണനിരക്ക്​. എന്നിരുന്നാലും മരണങ്ങൾ വേദനയുണ്ടാക്കുന്നതും കൃത്യമായ പ്രതിരോധ നടപടികൾ പാലിച്ചാൽ നിയന്ത്രിക്കാവുന്നതാണെന്നും ആരോഗ്യ മന്ത്രി പറഞ്ഞു. മരണപ്പെടുന്നവരിൽ സ്​ത്രീകളെ അപേക്ഷിച്ച്​ പുരുഷന്മാരാണ്​ കൂടുതൽ. അസുഖം ശരീരത്തിലെ നിരവധി അവയവങ്ങളെ കേടുവരുത്തുന്നുണ്ടെന്നും ആരോഗ്യ മന്ത്രി പറഞ്ഞു.

രോഗബാധിതരുടെ എണ്ണത്തിലെ വർധന നിമിത്തം ​െഎ.സി.യുവിലേക്ക്​ അടക്കം കൂടുതൽ ആരോഗ്യ പ്രവർത്തകരെ റിക്രൂട്ട്​ ചെയ്യേണ്ട അവസ്​ഥയാണ്​. സുൽത്താ​െൻറ അകമഴിഞ്ഞ പിന്തുണ ഇക്കാര്യത്തിൽ ആരോഗ്യ വകുപ്പിന്​ ഉണ്ടെങ്കിലും പരിചയ സമ്പന്നരായ ജീവനക്കാരെ ലഭിക്കാത്ത സാഹചര്യമാണുള്ളത്​. മികച്ച സേവനമാണ്​ ആരോഗ്യ പ്രവർത്തകർ ചെയ്യുന്നത്​. എന്നിരുന്നാലും തുടർച്ചയായുള്ളതും സമ്മർദമുള്ളതുമായ ജോലി പലരിലും ആരോഗ്യ പ്രശ്​നങ്ങൾക്ക്​ വഴിയൊരുക്കുന്നുണ്ടെന്ന്​ മന്ത്രി പറഞ്ഞു.

വൈറസ്​ അതിവേഗം വ്യാപിപ്പിക്കുകയാണ്​. പല രാജ്യങ്ങളിലെയും പോലെ മൂന്നാം വരവി​െൻറ സാധ്യത നിലനിൽക്കുകയാണ്​. എല്ലാവരും സഹകരിച്ച്​ പ്രവർത്തിച്ചാലേ രോഗഭീഷണി ഒഴിവാക്കാൻ സാധിക്കുകയുള്ളൂ. ​ലോകാരോഗ്യ സംഘടനയുടെ നേതൃത്വത്തിലുള്ള കോവാക്​സ്​ കൂട്ടായ്​മയിലെ ആദ്യ രാജ്യങ്ങളിലൊന്ന്​ ഒമാനാണ്​. വാക്​സിൻ നിർമാതാക്കളുമായി നിരന്തരം ബന്ധം പുലർത്തിവരുന്നുണ്ട്​.

സ്​കൂളുകൾ നവംബർ ഒന്നിന്​ തുറക്കുന്നതുമായി ബന്ധപ്പെട്ട വിഷയം സുപ്രീം കമ്മിറ്റി പുനരവലോകനം ചെയ്​തുവരുകയാണ്​. ഇത്​ സംബന്ധിച്ച തീരുമാനം വൈകാതെ പ്രഖ്യാപിക്കും. മുൻകരുതൽ നടപടികൾ പാലിക്കാത്ത വ്യാപാര സ്​ഥാപനങ്ങൾ അടച്ചുപൂട്ടുന്ന കാര്യത്തിൽ മാറ്റമില്ല. രോഗവ്യാപനം തടയുന്നതിനായി ഇത്​ കർശനമായി നടപ്പിലാക്കും. ചില വാണിജ്യ പ്രവർത്തനങ്ങൾ അവസാനിപ്പിക്കുന്ന വിഷയത്തിൽ വൈകാതെ തീരുമാനമെടുക്കും. ചിലർ നിയമങ്ങൾ അനുസരിക്കാത്തതിനാൽ നിയമങ്ങൾ അനുസരിക്കുന്നവരും ശിക്ഷയേറ്റുവാങ്ങേണ്ട അവസ്​ഥയാകും. വാണിജ്യ പ്രവർത്തനങ്ങൾ അവസാനിപ്പിക്കാനുള്ള തീരുമാനം കൈകൊള്ളേണ്ടിവരില്ലെന്നാണ്​ പ്രതീക്ഷയെന്ന്​ മന്ത്രി പറഞ്ഞു.

3914 ആരോഗ്യ പ്രവർത്തകർ ഇതുവരെ രോഗബാധിതരായി. ഇതിൽ 577 പേർ ഡോക്​ടർമാരും 1831 നഴ്​സുമാരാണ്​ ഉള്ളത്​. 51 ശതമാനം ആരോഗ്യ പ്രവർത്തകർക്കും തൊഴിലിടത്തിന്​ പുറത്താണ്​ രോഗബാധയേറ്റത്​. കഴിഞ്ഞ ദിവസം മൂന്നാമതൊരു ആരോഗ്യ പ്രവർത്തക കൂടി മരണപ്പെട്ടു. വിമാനത്താവളത്തിൽ വന്നിറങ്ങുന്ന യാത്രക്കാർക്ക്​ നിരീക്ഷണത്തിന്​ ബ്രേസ്​ലെറ്റ്​ നൽകിവരുന്നുണ്ട്​. ഇവർ ക്വാറ​ൈൻറൻ വ്യവസ്​ഥ ലംഘിക്കുന്നത്​ ശ്രദ്ധയിൽ പെട്ടിട്ടുണ്ടെന്നും മന്ത്രി പറഞ്ഞു. എല്ലാവരും മൊബൈൽ ഫോണിൽ തറാസുദ്​ പ്ലസ്​ആപ്ലിക്കേഷൻ ഡൗൺലോഡ്​ ചെയ്യണം. ക്വാറ​ൈൻറൻ ലംഘിച്ച്​ ആരെങ്കിലും അടുത്ത്​ വരുന്ന പക്ഷം ഫോൺ മുന്നറിയിപ്പ്​ നൽകും.

വൈകുന്നേര സമയങ്ങളിലാണ്​ കൂടുതൽ ഒത്തുചേരലുകൾ നടക്കുന്നത്​. അതിനാലാണ്​ രാത്രി സഞ്ചാരവിലക്ക്​ ഏർപ്പെടുത്തിയത്​. പേരുകളും ചിത്രങ്ങളും പ്രസിദ്ധീകരിക്കുന്നത്​ വഴി നിയമലംഘനങ്ങൾ കുറയുമെന്നാണ്​ ചില രാജ്യങ്ങളുടെ അനുഭവങ്ങൾ വ്യക്​തമാക്കുന്നത്​. അതിനാലാണ്​ നിയമലംഘകരുടെ ചിത്രങ്ങളും ഫോ​േട്ടാകളും പ്രസിദ്ധീകരിക്കാൻ തീരുമാനിച്ച​െതന്ന്​ ആരോഗ്യ മന്ത്രി പറഞ്ഞു.