മ​ത്ര ജി​ദാ​നി​ല്‍ പൈ​പ്പ് പൊ​ട്ടി ജ​ലവി​ത​ര​ണം ത​ട​സ്സ​പ്പെ​ട്ടു

മ​ത്ര: ജി​ദാ​നി​ല്‍ പ്ര​ധാ​ന ജ​ല​വി​ത​ര​ണ പൈ​പ്പ് പൊ​ട്ടി​യ​തി​നെ തു​ട​ര്‍ന്ന് ബു​ധ​നാ​ഴ്ച രാ​വി​ലെ മു​ത​ല്‍ മ​ത്ര​യി​ല്‍ ജ​ല വി​ത​ര​ണം ത​ട​സ്സ​പ്പെ​ട്ടു. ജല വിതരണം രാത്രി വൈകിയും പൂര്‍വ സ്ഥിതിയില്‍ ആയില്ല.

പള്ളികളിലും വെള്ളമില്ല. മ​ത്ര ജി​ദാ​ന്‍ സൂ​ഖി​ലും പ​രി​സ​ര പ്ര​ദേ​ശ​ങ്ങ​ളി​ലേ​ക്കു​മു​ള്ള ജ​ല​വി​ത​ര​ണം ന​ട​ക്കു​ന്ന പ്ര​ധാ​ന പൈ​പ്പാ​ണ് പൊ​ട്ടി​യ​ത്. തു​ട​ര്‍ന്ന് സൂ​ഖി​ലൂ​ടെ മ​ണി​ക്കൂ​റു​ക​ളോ​ളം വെ​ള്ളം പ​ര​ന്നൊ​ഴു​കി. സൂ​ഖി​ന്‍റെ ര​ണ്ടാം ഗേ​റ്റി​ലൂ​ടെ പോ​ര്‍ബ​മ്പ സൂ​ഖി​ലൂ​ടെ വെ​ള്ള​മൊ​ഴു​കി​യ​ത് കാ​ല്‍ ന​ട​യാ​ത്ര​ക്കാ​ര്‍ക്കും സ​ഞ്ചാ​രി​ക​ള്‍ക്കും ക​ച്ച​വ​ട​ക്കാ​ര്‍ക്കും ദു​രി​ത​മാ​യി. ക​ഴി​ഞ്ഞ ദി​വ​സ​ങ്ങ​ളി​ല്‍ മ​ഴ പെ​യ്ത​പ്പോ​ഴും വാ​ദി​യാ​യി വെ​ള്ളം ഒ​ഴു​കി​യ ഭാ​ഗ​ത്തു​കൂ​ടെ ത​ന്നെ​യാ​ണ് പൈ​പ്പു​ക​ള്‍ പൊ​ട്ടി​യാ​ലും നീ​രൊ​ഴു​കി എ​ത്താ​റു​ള്ള​ത്. ഫ്ലാ​റ്റു​ക​ള​ട​ക്കം താ​മ​സ​യി​ട​ങ്ങ​ളി​ലു​മു​ള്ള സ​പ്ലൈ നി​ല​ച്ച​തി​നാ​ല്‍ സം​ഭ​ര​ണ ടാ​ങ്കു​ക​ളി​ലെ വെ​ള്ള​വും നേ​ര​ത്തേത​ന്നെ കാ​ലി​യാ​യ​ത് പ്ര​യാ​സ​ങ്ങ​ള്‍ സൃ​ഷ്ടി​ച്ചു.ജി​ദാ​ന്‍ റോ​ഡി​ന് മ​ധ്യ​ത്തി​ല്‍ ആ​ഴ​ത്തി​ലു​ള്ള അ​ടി​ഭാ​ഗ​ത്തു​കൂ​ടി​യാ​ണ് ജ​ല​വി​ത​ര​ണ പൈ​പ്പു​ക​ള്‍ പോ​കു​ന്ന​ത്.

ഇ​വ കു​ഴി​ച്ച്‌ മ​ണ്ണ് നീ​ക്കി​യാ​ണ് പൊ​ട്ടി​യ പൈ​പ്പു​ക​ള്‍ മാ​റ്റു​ന്ന പ​ണി​ക​ള്‍ പു​രോ​ഗ​മി​ക്കു​ന്ന​ത്. ജി​ദാ​ന്‍ റോ​ഡി​ലൂ​ടെ​യു​ള്ള ഗ​താ​ഗ​തം വ​ഴി തി​രി​ച്ചു​വി​ട്ട് മ​ണി​ക്കൂ​റു​ക​ള്‍ നീ​ണ്ട അ​റ്റ​കു​റ്റപ്പ​ണി​ക​ള്‍ തു​ട​രു​ക​യാ​ണ്.