കൊച്ചിയിലേക്കുള്ള യാത്രക്കാർ മസ്​കത്ത്​ വിമാനത്താവളത്തിൽ എത്തി

മസ്​കത്ത്​: ഒമാനിൽ കുടുങ്ങിയ പ്രവാസികളെ തിരിച്ചെത്തിക്കുന്നതിനായുള്ള കേന്ദ്ര സർക്കാർ പദ്ധതിയുടെ ഭാഗമായ പ്രത്യേക വിമാന സർവീസിനുള്ള ഒരുക്കങ്ങൾ തുടങ്ങി. 12 മണിയോടെ തന്നെ യാത്രക്കാർ എല്ലാവരും മസ്​കത്ത്​ അന്താരാഷ്​ട്ര വിമാനത്താവളത്തിൽ എത്തി. ബോർഡിങ്​ പാസ്​ ലഭിച്ചവരെല്ലാം സാമൂഹിക അകലം പാലിച്ച്​ എമിഗ്രേഷൻ ഉൾപ്പെടെ തുടർ നടപടികൾക്കായി കാത്തുനിൽക്കുകയാണ്​. 

സാമൂഹിക അകലം പാലിച്ചാണ്​ നടപടികൾ. ഒമാൻ സമയം വൈകുന്നേരം 4.15നാണ്​ വിമാനം മസ്​കത്തിൽ നിന്ന്​ പുറപ്പെടുക. 177 മുതിർന്നവരും നാല്​ കൈക്കുഞ്ഞുങ്ങളുമാണ്​ വിമാനത്തിലെ യാത്രക്കാരായി ഉള്ളത്​. യാത്രക്കാരിൽ 77 പേർ അടിയന്തിര ചികിത്സ ആവശ്യമുള്ളവരാണ്​. ഗർഭിണികളും വയോധികരുമായി 48 പേരും ഉണ്ട്​. ജോലി നഷ്​ടപ്പെട്ടതടക്കം പ്രയാസങ്ങളിൽ പെട്ട 22 തൊഴിലാളികളുമാണ്​ ആദ്യ വിമാനത്തിലെ യാത്രക്കാർ. 

തെർമൽ പരിശോധനകൾ നടത്തിയാണ്​ യാത്രക്കാരെ വിമാനത്തിൽ കയറ്റുക. യാത്രക്കാർക്കായി സാനി​െറ്റെസറുകൾ, ഗ്ലൗസ്​, സ്​നാക്​സ്​ തുടങ്ങിയ സാധനങ്ങൾ അടങ്ങിയ കിറ്റുകൾ വിതരണം ചെയ്​തു. എംബസി ഉദ്യോഗസ്​ഥർക്ക്​ ഒപ്പം സന്നദ്ധ പ്രവർത്തകരും യാത്രക്കാരെ സഹായിക്കാനായി എത്തിയിരുന്നു.