വി​മാ​ന നി​ര​ക്ക്​ കു​റ​ക്ക​ണ​മെ​ന്ന്​ പാ​ർ​ല​മെ​ന്‍റ്​ സ്ഥി​രം സ​മി​തി ശിപാ​ർ​ശ; വാനോളം പ്രതീക്ഷയിൽ പ്രവാസികൾ

മ​സ്ക​ത്ത്​: ഗ​ൾ​ഫ്​ മേ​ഖ​ല​യി​ലേ​ക്കു​ള്ള ഉ​യ​ർ​ന്ന വി​മാ​ന ടി​ക്ക​റ്റ്​ നി​ര​ക്ക്​ കു​റ​ക്കാ​ൻ നി​ര​ന്ത​ര​മാ​യ ശ്ര​മം കേ​ന്ദ്ര സ​ർ​ക്കാ​റി​ന്‍റെ ഭാ​ഗ​ത്തു​നി​ന്നു​ണ്ടാ​ക​ണ​മെ​ന്ന വി​ദേ​ശ​കാ​ര്യ​വു​മാ​യി ബ​ന്ധ​പ്പെ​ട്ട പാ​ല​ർ​മെ​ന്‍റ്​ സ്ഥി​രം സ​മി​തി ശിപാ​ർ‍ശ​​യി​ൽ പ്ര​തീ​ക്ഷ​യ​ർ​പ്പി​ച്ച്​ പ്ര​വാ​സി​ക​ൾ.

ഗ​ൾ​ഫി​ലെ ഇ​ന്ത്യ​ൻ എം​ബ​സി​ക​ൾ വ്യോ​മ​യാ​ന മ​ന്ത്രാ​ല​യ​വു​മാ​യി സ​ഹ​ക​രി​ച്ചു വി​മാ​ന ക​മ്പ​നി​ക​ളു​മാ​യി സ്ഥി​രം ച​ർ​ച്ച ന​ട​ത്ത​ണ​മെ​ന്നാ​ണ്​ ക​മ്മി​റ്റി​യു​ടെ പ്ര​ധാ​ന ശിപാ​ർ​ശ. വി​വി​ധ രാ​ജ്യ​ങ്ങ​ളു​മാ​യി വ്യോ​മ​യാ​ന​രം​ഗ​വു​മാ​യി ബ​ന്ധ​പ്പെ​ട്ടു ഇ​ന്ത്യ ഒ​പ്പു​വെ​ച്ചി​രി​ക്കു​ന്ന ക​രാ​ർ കാ​ലാ​നു​സൃ​ത​മാ​യി വി​ല​യി​രു​ത്ത​ണ​മെ​ന്നും ബി.​ജെ.​പി ലോ​ക്സ​ഭാം​ഗ​മാ​യ പി.​പി. ചൗ​ധ​രി അ​ധ്യ​ക്ഷ​നാ​യ സ​മി​തി ചൂ​ണ്ടി​ക്കാ​ട്ടി​യി​ട്ടു​ണ്ട്.

പ്ര​വാ​സി സ​മൂ​ഹ​ത്തി​ന്‍റെ വ​ർ​ഷ​ങ്ങ​ളാ​യു​ള്ള ആ​വ​ശ്യ​മാ​ണ്​ വി​മാ​ന ടി​ക്ക​റ്റ്​ നി​ര​ക്കി​ള​വ്. ഇ​തി​നാ​യി പ്ര​വാ​സി സം​ഘ​ട​ന​ക​ൾ മു​ട്ടാ​ത്ത​വാ​തി​ലു​ക​ളി​ല്ല. കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളി​ൽ നി​ര​ന്ത​രം സ​മ്മ​ർ​ദ്ദം ചെ​ലു​ത്തി​യെ​ങ്കി​ലും ആ​കാ​ശ ലോ​ബി​യു​ടെ ശ​ക്ത​മാ​യ ​ഇ​ട​പെ​ട​ൽ മൂ​ലം അ​വ​യൊ​ന്നും ഫ​ലം ക​ണ്ടി​രു​ന്നി​ല്ല. ടി​ക്ക​റ്റ്​ നി​ര​ക്ക്​ തീ​രു​മാ​നി​ക്കാ​നു​ള്ള അ​വ​കാ​ശം വി​മാ​ന ക​മ്പ​നി​ക​ൾ​ക്കാ​ണെ​ന്ന്​ കേ​ന്ദ്രം വ്യ​ക്ത​മാ​ക്കു​ക​യും ചെ​യ്തി​രു​ന്നു. എ​ന്നാ​ൽ, നി​ര​ന്ത​ര അ​ഭ്യ​ർ​ഥ​ന​മാ​നി​ച്ചു​ വി​ഷ​യം പ​ഠി​ക്കാ​ൻ പാ​ർ​ല​മെ​ന്‍റ​റി സ്ഥി​രം സ​മി​തി​യെ നി​യോ​ഗി​ച്ചി​രു​ന്നു. സ​മി​തി ന​ൽ​കി​യ ശിപാ​ർ​ശ​യി​ലെ പ്ര​ധാ​ന ആ​വ​ശ്യ​ങ്ങ​ളി​ലൊ​ന്ന് വി​മാ​ന ടി​ക്ക​റ്റ്​ നി​ര​ക്ക്​ കു​റ​ക്കാ​ൻ ഇ​ട​പെ​ട​ണ​മെ​ന്ന​താ​ണ്. ഇ​താ​ണി​പ്പോ​ൾ വീ​ണ്ടും പ്ര​തീ​ക്ഷ ന​ൽ​കു​ന്ന​ത്.

കോ​വി​ഡ്​ മൂ​ലം ജോ​ലി ന​ഷ്ട​പ്പെ​ട്ടു​ തി​രി​ച്ചെ​ത്തി​യ പ്ര​വാ​സി​ക​ളു​ടെ പു​ന​ര​ധി​വാ​സ​ത്തി​നാ​യി സ​മ​ഗ്ര പ​ദ്ധ​തി ന​ട​പ്പി​ലാ​ക്കു​ക, പ്ര​വാ​സി​ക​ളു​ടെ മൃ​ത​ദേ​ഹ​ങ്ങ​ൾ നാ​ട്ടി​ലെ​ത്തി​ക്കു​ന്ന​തി​നു​ള്ള ന​ട​പ​ടി​ക​ൾ ല​ളി​ത​മാ​ക്കു​ക, ഗ​ൾ​ഫ്​ രാ​ജ്യ​ങ്ങ​ളി​ൽ ത​ന്‍റേ​ത​ല്ലാ​ത്ത കാ​ര​ണ​ത്താ​ൽ ജ​യി​ൽ ശി​ക്ഷ അ​ട​ക്ക​മു​ള്ള ശി​ക്ഷാ​ന​ട​പ​ടി​ക​ൾ നേ​രി​ടു​ന്ന​വ​രു​ടെ ചെ​റി​യ പി​ഴ​ത്തു​ക ന​ൽ​കാ​ൻ ഇ​ന്ത്യ​ൻ ക​മ്യൂ​ണി​റ്റി വെ​ൽ​ഫെ​യ​ർ ഫ​ണ്ട്​ (ഐ.​സി.​ഡ​ബ്ല്യു.​എ​ഫ്) ഉ​പ​യോ​ഗി​ക്കു​ക, അ​ന​ധി​കൃ​ത റി​ക്രൂ​ട്ട്​​മെ​ന്‍റ്​ ഏ​ജ​ൻ​സി​ക​ളെ പി​ഴു​തെ​റി​യാ​നാ​യി പ​രി​ശോ​ധ​ന​യും ശി​ക്ഷ ന​ട​പ​ടി​ക​ളും ക​ർ​ശ​ന​മാ​ക്കു​കതു​ട​ങ്ങി​യ​വ​യാ​ണ്​ മ​റ്റു​ ശിപാ​ർ​ശ​ക​ൾ.