Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightOmanchevron_rightരാത്രി സഞ്ചാര വിലക്ക്​ ...

രാത്രി സഞ്ചാര വിലക്ക്​ ഒരാഴ്​ച പിന്നിട്ടു; നിയമ ലംഘനങ്ങൾ കുറവ്​

text_fields
bookmark_border
രാത്രി സഞ്ചാര വിലക്ക്​ ഒരാഴ്​ച പിന്നിട്ടു; നിയമ ലംഘനങ്ങൾ കുറവ്​
cancel
camera_alt

റോയൽ ഒമാൻ പൊലീസ്​ അംഗങ്ങൾ രാത്രി ​പട്രോളിങ്ങിനിടെ

മസ്​കത്ത്​: കോവിഡ്​ വ്യാപനം തടയാൻ ലക്ഷ്യമിട്ട്​ നടപ്പാക്കിയ രാത്രി സഞ്ചാര വിലക്ക്​ ഒരാഴ്​ച പിന്നിട്ടു. സഞ്ചാര വിലക്ക്​ ലംഘിച്ചതുമായി ബന്ധപ്പെട്ട്​ വളരെ കുറവ്​ നിയമലംഘനങ്ങൾ മാത്രമാണ്​ പിന്നിട്ട ദിവസങ്ങളിൽ റിപ്പോർട്ട്​ ചെയ്​തത്​. സഞ്ചാര വിലക്കി​െൻറ ലംഘനത്തെ തുടർന്ന്​ റൂവിയിലെ പ്രമുഖ കഫേക്ക്​ കഴിഞ്ഞ ദിവസം ആയിരത്തിലധികം റിയാലി​െൻറ പിഴ ചുമത്തി. രാത്രി എട്ടുമണിയായിട്ടും കടയിൽ ജീവനക്കാർ ഉണ്ടായിരുന്നതിനെ തുടർന്നാണ്​ പൊലീസ്​ പിഴ ചുമത്തിയത്​. ജീവനക്കാർക്ക്​ എട്ടുമണിക്ക്​ മുമ്പ്​ താമസ സ്​ഥലത്ത്​ എത്താൻ സാധിക്കുന്ന വിധത്തിൽ സ്​ഥാപനങ്ങളുടെ പ്രവർത്തനം ക്രമീകരിക്കണമെന്നാണ്​ പൊലീസ്​ നിർദേശം നൽകിയിട്ടുള്ളത്​.

രാത്രി സഞ്ചാര വിലക്ക്​ സംബന്ധിച്ച നിയമം ലംഘിച്ചതിന്​ ബുറൈമിയിൽ സ്വദേശിക്കും സൂറിൽ എട്ട്​ വിദേശികൾക്കും കോടതി ശിക്ഷ വിധിച്ചിരുന്നു. ഇവരുടെ ചിത്രങ്ങൾ പബ്ലിക്​ പ്രോസിക്യൂഷൻ പ്രസിദ്ധീകരിക്കുകയും ചെയ്​തിരുന്നു. ഒത്തുചേരൽ, മുഖാവരണം ധരിക്കാതിരിക്കൽ തുടങ്ങിയ സുരക്ഷാ നിയമങ്ങൾ പാലിക്കാതിരിക്കുന്നവരെ കണ്ടെത്തുന്നതിനായുള്ള പരിശോധനയും ശക്​തമാക്കിയിട്ടുണ്ട്​. സുപ്രീം കമ്മിറ്റി നിർദേശം ലംഘിച്ച്​ ഒത്തുചേരൽ നടത്തിയ ഒരുസംഘം വിദേശികൾ അൽ വുസ്​ത ഗവർണറേറ്റിൽ പിടിയിലായതായി റോയൽ ഒമാൻ പൊലീസ്​ ശനിയാഴ്​ച രാവിലെ അറിയിച്ചു. വെള്ളിയാഴ്​ച വടക്കൻ ശർഖിയ ഗവർണറേറ്റിലും മുൻകരുതൽ ലംഘിച്ച്​ ഒത്തുചേർന്ന ഒരുസംഘം വിദേശികൾ പിടിയിലായിരുന്നു. സുപ്രീംകമ്മിറ്റി നിർദേശങ്ങൾ ലംഘിച്ചതിന്​ ഇവർക്കെതിരെ നിയമ നടപടികൾ പൂർത്തിയായിവരുകയാണെന്ന്​ പൊലീസ്​ അറിയിച്ചു. മാസ്​കുകൾ കൃത്യമായി ധരിക്കാത്തവർക്കും കർശനമായി പിഴ ചുമത്തുന്നുണ്ട്​. കുറഞ്ഞ വേതനക്കാരായ പലർക്കും അശ്രദ്ധമൂലം ഇങ്ങനെ പിഴ ലഭിച്ചിട്ടുണ്ട്​.

സഞ്ചാരവിലക്ക്​ പാലിക്കുന്നുണ്ടെന്ന്​ ഉറപ്പാക്കാൻ പ്രധാന റോഡുകളിലടക്കം രാത്രി എട്ടുമുതൽ പൊലീസ്​ പട്രോളിങ്​ നടത്തുന്നുണ്ട്​. പൊലീസ്​ ഹെലികോപ്​ടറി​െൻറയും ഡ്രോണുകളുടെയും സേവനവും ഉപയോഗിക്കുന്നുണ്ട്​. രാത്രി ഏഴുമുതൽ തന്നെ കടകൾ അടക്കുന്നതിനുള്ള നടപടികൾ ആരംഭിക്കും. സ്ഥാപനത്തി​െൻറ കണക്കുകളും മറ്റും ശരിയാക്കി ജീവനക്കാർക്ക് എട്ട്​ മണിക്ക് മുമ്പ് വീടണയേണ്ടതിനാലാണിത്. കെട്ടിടങ്ങളുടെയും താമസ ഇടങ്ങളുടെയും പാർക്കിങ്ങുകൾ വൈകീട്ട്​ ഏഴു മുതൽ തന്നെ നിറയും. മാലിന്യ വസ്തുക്കൾ നിക്ഷേപിക്കാൻ പോലും പുറത്തിറങ്ങരുതെന്ന്​ പൊലീസ്​ നിർദേശം നൽകിയിട്ടുണ്ട്​. രാത്രി ഭക്ഷണത്തിന് ഹോട്ടലുകളെ ആശ്രയിച്ചിരുന്നവർക്കും കർഫ്യൂ പ്രയാസകരമാണ്​. എന്നിരുന്നാലും നേരത്തേ ഭക്ഷണം കഴിക്കുക, നേരത്തേ ഉറങ്ങുക തുടങ്ങിയ നല്ല ജീവിത ശീലങ്ങൾ നടപ്പാക്കാൻ രണ്ടാമത്തെ രാത്രികാല സഞ്ചാരവിലക്ക്​ സഹായിക്കുന്നുണ്ടെന്ന്​ സ്വദേശികളും വിദേശികളും പറയുന്നു. എന്തായാലും ഒമാൻ സർക്കാർ കർശനമായി നടപ്പാക്കുന്ന രാത്രികാല കർഫ്യൂവിനെ പിന്തുണക്കുന്നവരാണ് ജനങ്ങൾ. കോവിഡ്​ വൈറസി​െൻറ ഇൻക്യുബേഷൻ പിരീഡ്​ രണ്ടാഴ്​ചയാണ്​. അതിനാൽ, സഞ്ചാരവിലക്ക്​ അവസാനിക്കുന്ന ഒക്​ടോബർ 24ന്​ ശേഷമാണ്​ രോഗവ്യാപനം തടയാൻ ഇത്​ എത്രമാത്രം സഹായിച്ചുവെന്ന വിവരം വ്യക്​തമാവുകയുള്ളൂ. രോഗവ്യാപനം തടയാൻ ഫലപ്രദമാണെന്ന്​ കാണുന്ന പക്ഷം രാത്രി സഞ്ചാരവിലക്ക്​ നീട്ടാനും സാധ്യതയുണ്ടെന്ന്​ വിലയിരുത്തപ്പെടുന്നു.

Show Full Article
TAGS:night curfew Violations oman news 
Next Story