കോവിഡ്​: ഒമാനിൽ ഒരു പ്രവാസി മരിച്ചു

മസ്​കത്ത്​: കോവിഡ്​ ബാധിച്ച്​ ചൊവ്വാഴ്​ച ഒമാനിൽ ഒരു വിദേശി മരിച്ചു. 57വയസുകാരനായ പ്രവാസിയാണ്​ മരിച്ചതെന്ന്​ ഒമാൻ ആരോഗ്യ മന്ത്രാലയം അറിയിച്ചു. മരിച്ചയാൾ ഏത്​ രാജ്യക്കാരൻ ആണെന്ന വിവരം വ്യക്​തമല്ല.  ഇതോടെ ഒമാനിൽ കോവിഡ്​ ബാധിച്ച്​ മരിച്ചവരുടെ എണ്ണം 26 ആയി. ഇതുവരെ മരിച്ചവരിൽ   രണ്ട്​ മലയാളികളടക്കം 18 പേർ പ്രവാസികളും എട്ടുപേർ സ്വദേശികളുമാണ്​.