ഒമാനിൽ ഒരാൾക്ക്​ കൂടി കോവിഡ്​

മസ്​കത്ത്​: ഒമാനിൽ ഒരാൾക്ക്​ കൂടി കോവിഡ് സ്ഥിരീകരിച്ചു. ഇറാനിലേക്ക്​ യാത്ര ചെയ്​തയാൾക്കാണ്​ വൈറസ്​ ബാധ. ഇയാള ുടെ ആരോഗ്യനില തൃപ്തികരമാണെന്ന്​ മന്ത്രാലയം അറിയിച്ചു. ഇതോടെ ഒമാനിൽ രോഗം സ്​ഥിരീകരിച്ചവരുടെ എണ്ണം 20 ആയി ഉയർന ്നു.

ഒമ്പത്​ പേരുടെ രോഗം ഭേദമായതായി ആരോഗ്യവകുപ്പ്​ നേരത്തേ അറിയിച്ചിരുന്നു. ഇറാനിലേക്ക്​ യാത്ര ചെയ്​ത 18 പേർക്കും ഇറ്റലിയിലേക്ക്​ യാത്ര ചെയ്​ത ഒരാൾക്കുമാണ്​ രോഗം സ്​ഥിരീകരിച്ചത്​. ഒരാൾക്ക്​ എങ്ങനെയാണ്​ രോഗം ബാധിച്ചത്​ എന്നറിയാനുള്ള പരിശോധനകൾ നടന്നുവരുകയാണ്​.

അതിനിടെ രോഗവ്യാപനം തടയുന്നതിനുള്ള നടപടികളുടെ ഭാഗമായി പ്രഖ്യാപിച്ച താൽക്കാലിക ടൂറിസ്​റ്റ്​ വിസാ വിലക്ക്​ ഞായറാഴ്​ച മുതൽ പ്രാബല്യത്തിൽ വരും. ഞായറാഴ്ച മുതൽ ഒരു രാജ്യക്കാർക്കും ഇ^വിസ നൽകുകയോ, വിസ ഒാൺ അറൈവൽ സൗകര്യം ലഭ്യമാക്കുകയോ ഇല്ല.

അതേസമയം ഇതിനകം അനുവദിച്ച വിസ കൈവശമുള്ളവർക്ക്​ യാത്ര ചെയ്യാം. ഇവർ അതിർത്തികളിൽ കൊറോണ രോഗബാധിതരല്ലെന്ന്​ തെളിയിക്കുന്ന വൈദ്യപരിശോധനക്ക്​ വിധേയാകേണ്ടിവരും. പരിശോധനയിൽ ലക്ഷണങ്ങൾ കണ്ടെത്തുന്ന പക്ഷം ക്വാറ​ൈൻറൻ നടപടികൾക്ക്​ വിധേയരാവണം.

ഒമാനിൽനിന്ന്​ യാത്ര വിലക്ക്​ നിലവിലുള്ള ചൈന, ദക്ഷിണ ​കൊറിയ, ഇറ്റലി, ഇറാൻ, ഇൗജിപ്​ത് എന്നീ​ അഞ്ച്​ രാജ്യങ്ങളിലേക്ക്​ യാത്ര ചെയ്​തവരാകരുത്​ ഇവരെന്ന നിബന്ധനയുമുണ്ട്​. ഇൗ അഞ്ച്​ രാജ്യങ്ങളിൽ നിന്നുള്ളവരുടെ യാത്ര വിലക്കിൽ മാറ്റമില്ലെന്നും അധികൃതർ അറിയിച്ചു.