ഒ​റ്റ ക്ലി​ക്കി​ൽ ആം​ബു​ല​ൻ​സ്​ സേ​വ​നം ഇ​നി അ​രി​കി​ൽ

മ​സ്ക​ത്ത്​: അ​ടി​യ​ന്ത​ര സാ​ഹ​ച​ര്യ​ങ്ങ​ളെ കു​റി​ച്ച്​ പെ​ട്ടെ​ന്ന്​ റി​പ്പോ​ർ​ട്ട്​ ചെ​യ്യാ​ൻ സ്വ​ദേ​ശി​ക​ളെ​യും വി​ദേ​ശി​ക​ളെ​യും പ്രാ​പ്​​ത​മാ​ക്കു​ന്ന 'നി​ദ'​ഇ​ല​ക്​​ട്രോ​ണി​ക് ആ​പ്ലി​ക്കേ​ഷ​നു​മാ​യി സി​വി​ൽ ഡി​ഫ​ൻ​സ്​ ആ​ൻ​ഡ്​ ആം​ബു​ല​ൻ​സ്​ അ​തോ​റി​റ്റി (സി.​ഡി.​എ.​എ). ആ​പ്ലി​ക്കേ​ഷ​ൻ ഉ​പ​യോ​ഗി​ക്കു​ന്ന ആ​ളു​ക​ളി​ലേ​ക്ക് ഒ​റ്റ ക്ലി​ക്കി​ലൂ​ടെ ആം​ബു​ല​ൻ​സ് (എ​സ്.​ഒ.​എ​സ്) ല​ഭ്യ​മാ​ക്കു​ന്ന രീ​തി​യി​ലാ​ണ്​ ഇ​ത്​ സ​ജ്ജീ​ക​രി​ച്ച​ത്. സം​സാ​രി​ക്കാ​ൻ ക​ഴി​യാ​ത്ത​വ​രെ​യും കേ​ൾ​വി വൈ​ക​ല്യ​മു​ള്ള ആ​ളു​ക​ളെ​യു​മാ​ണ്​ ഇ​ത് ല​ക്ഷ്യ​മി​ടു​ന്ന​ത്.

അ​പ​ക​ട​ങ്ങ​ൾ, പ​രി​ക്കു​ക​ൾ, നാ​ശ​ന​ഷ്ട​ങ്ങ​ൾ, കെ​ട്ടി​ട​ങ്ങ​ളു​ടെ​യും മ​റ്റും ത​ക​ർ​ച്ച, തീ​പി​ടി​ത്ത​ങ്ങ​ൾ, മു​ങ്ങി​മ​ര​ണം തു​ട​ങ്ങി​യ അ​ടി​യ​ന്ത​ര സാ​ഹ​ച​ര്യ​ങ്ങ​ൾ ആ​പ്പി​ലൂ​​ടെ റി​പ്പോ​ർ​ട്ട് ചെ​യ്യാം. ഏ​റ്റ​വും അ​ടു​ത്തു​ള്ള സി​വി​ൽ ഡി​ഫ​ൻ​സ്, ആം​ബു​ല​ൻ​സ് കേ​ന്ദ്രം, സ​മീ​പ​ത്തു​ള്ള ആ​രോ​ഗ്യ സ്ഥാ​പ​നം എ​ന്നി​വ ക​ണ്ടെ​ത്താ​ൻ സ​ഹാ​യി​ക്കു​ന്ന ഒ​രു ഇ​ന്റ​റാ​ക്ടി​വ് മാ​പ്പും ഇ​തി​ൽ സ​ജ്ജീ​ക​രി​ച്ചി​ട്ടു​ണ്ട്.

വി​വി​ധ മേ​ഖ​ല​ക​ളി​ൽ സു​ൽ​ത്താ​നേ​റ്റ്​ സാ​ക്ഷ്യം​വ​ഹി​ച്ച ഡി​ജി​റ്റ​ൽ വി​ക​സ​ന​ത്തി​ന്റെ ചു​വ​ടു​പി​ടി​ച്ചാ​ണ്​ സി​വി​ൽ സി​വി​ൽ ഡി​ഫ​ൻ​സ് ആ​ൻ​ഡ് ആം​ബു​ല​ൻ​സ് അ​തോ​റി​റ്റി ആ​പ് പു​റ​ത്തി​റ​ക്കി​യ​ത്. സ​മൂ​ഹ​ത്തി​ലെ വി​വി​ധ വി​ഭാ​ഗ​ങ്ങ​ളു​മാ​യി നേ​രി​ട്ട്​ ആ​ശ​യ​വി​നി​മ​യം ന​ട​ത്താ​നും മി​ക​ച്ച സേ​വ​നം ന​ൽ​കാ​നു​മാ​ണ്​ അ​ധി​കൃ​ത​ർ ഇ​തി​ലൂ​​ടെ ല​ക്ഷ്യ​മി​ടു​ന്ന​ത്.