ഒമാ‍െൻറ വരുമാനം 19 ശതമാനം കുറഞ്ഞു

മസ്​കത്ത്​: ഒമാ‍െൻറ പൊതുവരുമാനത്തിൽ കുറവ്​. മേയ്​ അവസാനം വരെ കാലയളവിൽ 3.55 ശതകോടി റിയാലാണ്​ പൊതുവരുമാനം. മുൻ വർഷം സമാന കാലയളവിനെ അപേക്ഷിച്ച്​ 18.86 ശതമാനത്തി‍െൻറ കുറവാണ്​ വരുമാനത്തിലുണ്ടായത്​. എണ്ണവിലയിലെ ഇടിവും ഉൽപാദനത്തിലെ കുറവുമാണ്​ വരുമാനത്തിൽ പ്രതിഫലിച്ചത്​. എണ്ണയിൽനിന്നുള്ള വരുമാനത്തിൽ 23.06 ശതമാനത്തി‍െൻറയും പ്രകൃതിവാതകത്തിൽനിന്നുള്ള വരുമാനത്തിൽ 7.08 ശതമാനത്തി‍െൻറയും കുറവാണ്​ ഉണ്ടായത്​.

ചെലവ്​ ചുരുക്കൽ നടപടികൾ തുടരുന്നതി‍െൻറ ഭാഗമായി പൊതുചെലവിൽ കുറവ്​ ദൃശ്യമാണ്​. 4.44 ശതകോടി റിയാലാണ്​ ഇക്കാലയളവിലെ പൊതുചെലവ്​. കഴിഞ്ഞ വർഷം സമാന കാലയളവിനെ അപേക്ഷിച്ച്​ പൊതുചെലവിൽ 2.92 ശതമാനത്തി‍െൻറ കുറവ്​ ദൃശ്യമാണ്​. 890.2 ദശലക്ഷം റിയാലാണ്​ ബജറ്റ്​ കമ്മിയെന്നും ധനകാര്യ മന്ത്രാലയം പുറത്തുവിട്ട സ്ഥിതി വിവര കണക്കുകൾ കാണിക്കുന്നു.

എണ്ണ മേഖലയുടെ വരുമാനവും ചെലവുകളും കൈകാര്യം ചെയ്യുന്നതിനായുള്ള എനർജി ഡെവലപ്​മെൻറ്​​ ഒമാൻ രൂപവത്​കരണ ഘട്ടത്തിലായതിനാൽ ചെലവുകൾ ബജറ്റിലാണ് ഉൾക്കൊള്ളിച്ചിരിക്കുന്നത്​. 663.6 ദശലക്ഷം റിയാലാണ്​ ഈയിനത്തിൽ ചെലവ്​ വന്നിരിക്കുന്നത്​. സർക്കാർ വകുപ്പുകളുടെ ചെലവുകളിൽ നിയന്ത്രണം വരുത്തുന്നതിനായി ഇലക്​ട്രോണിക്​ സംവിധാനം വികസിപ്പിച്ചെടുക്കുന്ന നടപടികൾ നടന്നുവരുകയാണെന്നും ധനകാര്യ മന്ത്രാലയത്തി‍െൻറ റിപ്പോർട്ടിൽ പറയുന്നു.