പൊ​ണ്ണ​ത്ത​ടി​​യെ ച​വി​ട്ടി​യ​ക​റ്റാം...

മ​സ്​​ക​ത്ത്​: അ​മി​ത​വ​ണ്ണ​ത്തി​നെ​തി​രെ സൈ​ക്കി​ളി​ൽ ബോ​ധ​വ​ത്​​ക​ര​ണ​വു​മാ​യി ഒ​മാ​നി യു​വാ​വ്. സൂ​ർ നി​വാ​സി​യാ​യ 25കാ​ര​നാ​യ നാ​സ​ർ ബി​ൻ ഹി​ലാ​ൽ റാ​ഷി​ദ് അ​ൽ മു​ഹൈ​ജ്‌​രി​യാ​ണ്​ 2000 കി​ലോ​മീ​റ്റ​റി​ല​ധി​കം സൈ​ക്കി​ൾ ച​വി​ട്ടി അ​മി​ത​വ​ണ്ണ​​ത്തി​െൻറ അ​പ​ക​ട​ങ്ങ​ളെ​ക്കു​റി​ച്ച് ബോ​ധ​വ​ത്​​ക​ര​ണം ന​ട​ത്തി​യ​ത്.

ഒ​ക്‌​ടോ​ബ​ർ 26ന് ​ദോ​ഫാ​റി​ൽ തു​ട​ങ്ങി​യ യാ​ത്ര ന​വം​ബ​ർ 18ന് ​ഖ​സ​ബി​ലാ​ണ്​ അ​വ​സാ​നി​ച്ച​ത്. ഇ​തി​നി​ടെ മി​ർ​ബ​ത്ത്, സ​ദാ, ഹാ​സി​ക്, ഷാ​ലിം, ഹ​ലാ​നി​യ​ത്ത് ദ്വീ​പു​ക​ൾ, ദു​കം, മ​ഹൂ​ത്, സു​ർ, ബൗ​ഷ​ർ, ഖു​രി​യ​ത്ത്, സ​ഹം, ഷി​നാ​സ് തു​ട​ങ്ങി​യ വി​ലാ​യ​ത്തു​ക​ളി​ലൂ​ടെ​യും യാ​ത്ര ചെ​യ്തു​വെ​ന്ന്​ മു​ഹൈ​ജ്‌​രി പ​റ​ഞ്ഞു. 2010ലാ​ണ്​ ഇ​ദ്ദേ​ഹം സൈ​ക്ലി​ങ്​ ടൂ​റു​ക​ൾ ആ​രം​ഭി​ക്കു​ന്ന​ത്. നാ​ലു​ ദീ​ർ​ഘ​ദൂ​ര യാ​ത്ര​ക​ളാ​ണ്​ ഇ​തു​വ​രെ ന​ട​ത്തി​യ​ത്. അ​തി​ൽ ഏ​റ്റ​വും ദൈ​ർ​ഘ്യ​മേ​റി​യ​ത്​ ഇ​പ്രാ​വ​ശ്യ​ത്തേ​താ​യി​രു​ന്നു. ഒ​രു ദി​വ​സം 80 മു​ത​ൽ 100 ക​ലോ​മീ​റ്റ​ർ​വ​രെ യാ​ത്ര ചെ​യ്​​ത്​ ആ​ളു​ക​ൾ തി​ങ്ങി​ക്കൂ​ടു​ന്ന മാ​ർ​ക്ക​റ്റു​ക​ളി​ലും മ​റ്റു​മാ​യി​രു​ന്നു ബോ​ധ​വ​ത്​​ക​ര​ണം ന​ട​ത്തി​യി​രു​ന്ന​ത്. രാ​വി​ലെ എ​ട്ടു​മു​ത​ൽ വൈ​കീ​ട്ട്​ അ​ഞ്ചു​വ​രെ ന​ട​ന്ന യാ​​ത്ര​യി​ൽ ക​ഴി​യു​ന്ന​ത്ര ആ​ളു​ക​ളെ കാ​ണാ​നും സ​ന്ദേ​ശം പ്ര​ച​രി​പ്പി​ക്കാ​നും ശ്ര​ദ്ധി​ച്ചി​രു​ന്നു. ഒ​മാ​നി​ലെ ജ​ന​സം​ഖ്യ​യു​ടെ 65 ശ​ത​മാ​ന​വും പൊ​ണ്ണ​ത്ത​ടി​കൊ​ണ്ട് ബു​ദ്ധി​മു​ട്ടു​ന്ന​വ​രാ​ണെ​ന്ന്​ ആ​രോ​ഗ്യ മ​ന്ത്രാ​ല​യം പു​റ​ത്തി​റ​ക്കി​യ ഏ​റ്റ​വും പു​തി​യ സ്ഥി​തി​വി​വ​ര​ക്ക​ണ​ക്കു​ക​ൾ കാ​ണി​ക്കു​ന്നു​വെ​ന്ന്​ അ​ദ്ദേ​ഹം പ​റ​ഞ്ഞു.

ബോ​ധ​വ​ത്​​ക​ര​ണ യാ​ത്ര​ക​ൾ​ക്ക്​ സാ​മ്പ​ത്തി​കം ഒ​രു പ്ര​ധാ​ന വെ​ല്ലു​വി​ളി​യാ​​ണ്​. ആ​ഭ്യ​ന്ത​ര ടൂ​റി​സം പ്രോ​ത്സാ​ഹി​പ്പി​ക്കു​ന്ന​തി​നും ക​ട​ൽ​ത്തീ​ര ശു​ചി​ത്വ​ത്തെ​ക്കു​റി​ച്ച് അ​വ​ബോ​ധം സൃ​ഷ്​​ടി​ക്കാ​നു​മാ​യി ഭാ​വി​യി​ൽ ഇ​ത്ത​രം യാ​ത്ര​ക​ൾ ന​ട​ത്താ​നും ഇ​ദ്ദേ​ഹം ഉ​ദ്ദേ​ശി​ക്കു​ന്നു​ണ്ട്.