ഒമാനിൽ കൂടുതൽ സ്വദേശി അധ്യാപകരെ നിയമിക്കും

മസ്​കത്ത്​: അധ്യാപനരംഗത്ത്​ കൂടുതൽ സ്വദേശികളെ നിയമിക്കാനുള്ള തീരുമാനവുമായി തൊഴിൽ മന്ത്രാലയം. 997 തൊഴിലവസരങ്ങളാണ്​ പുതുതായി പ്രഖ്യാപിച്ചത്​.

ഫസ്​റ്റ്​​ ഫീൽഡ്​ അധ്യാപകരുടെ ഒഴിവുകളാണ്​ കൂടുതലും. 492 ഒഴിവുകളാണ്​ ഈ വിഭാഗത്തിലുള്ളത്​. അറബിക്കിൽ 68ഉം കെമിസ്​ട്രിയിൽ 26ഉം കണക്കിൽ 203ഉം ഫിസിക്​സിൽ 34ഉം ബയോളജിയിൽ 67ഉം മ്യൂസിക്​ സ്​കിൽസിൽ 107ഉം അധ്യാപകരുടെ ഒഴിവുകളുണ്ട്​. അധ്യാപന രംഗത്ത്​ സ്വദേശികളെ നിയമിക്കാനുള്ള തീരുമാനത്തി‍െൻറ ഭാഗമായാണ്​ നടപടിയെന്ന്​ തൊഴിൽ മന്ത്രാലയം അറിയിച്ചു. അധ്യാപനരംഗത്തെ സ്വദേശിവത്​കരണം തുടർന്നുവരുന്ന നടപടിയാണ്​. നിരവധി വിദേശികൾ ഇതിനകം തൊഴിൽ നഷ്​ടപ്പെട്ട്​ മടങ്ങിയിട്ടുണ്ട്​. മലയാളികളും മടങ്ങിയവരിൽ ഉൾപ്പെടും.