ഒമാനിൽ വിസ കാലാവധി കഴിഞ്ഞവർക്ക്​ ആശങ്ക വേണ്ട -റോയൽ ഒമാൻ പൊലീസ്​

മസ്​കത്ത്​: വരും നാളുകളിൽ ഒമാൻ വിസ കാലാവധി കഴിയുന്ന റസിഡൻറ്​ കാർഡ്​ ഉടമകളായ വിദേശികൾക്ക്​ യാതൊരു ആശങ്കയും വ േണ്ടതില്ലെന്ന്​ ​ റോയൽ ഒമാൻ പൊലീസ്​ അറിയിച്ചു. നിലവിൽ രാജ്യത്തുള്ള ഇത്തരക്കാരുടെ താമസം നിയമപരമായി തന്നെ പര ിഗണിക്കും. ഇവർ അനധികൃത താമസത്തിന്​ ഉള്ള പിഴ അടക്കേണ്ടി വരില്ല. കോവിഡ്​ ഭീതിയകന്ന്​ കാര്യങ്ങൾ സാധാരണ നിലയിലായ ാൽ താമസാനുമതി പുതുക്കി നൽകുന്നതിന്​ സമയം അനുവദിക്കും.

അവധിക്ക്​ നാട്ടിൽ പോയി തിരികെ വരാൻ കഴിയാത്തവരിൽ വിസ കാലാവധി കഴിയുന്നവരുണ്ടെങ്കിൽ വെബ്​സൈറ്റ്​ വഴി പുതുക്കുന്ന സംവിധാനം ഏർപ്പെടുത്താനാണ്​ പരിഗണനയെന്ന്​ ആർ.ഒ.പി ഉദ്യോഗസ്​ഥരെ ഉദ്ധരിച്ച്​ പ്രാദേശിക മാധ്യമങ്ങൾ റിപ്പോർട്ട്​ ചെയ്​തു. മറ്റ്​ നടപടിക്രമങ്ങൾ ഒമാനിൽ തിരികെയെത്തിയിട്ട്​ പൂർത്തിയാക്കിയാൽ മതിയാകും. അവധിക്ക്​ നാട്ടിൽ പോയ നിരവധി പേരാണ്​ ഒമാൻ വിദേശികൾക്ക്​ പ്രവേശന വിലക്ക്​ ഏർപ്പെടുത്തിയിട്ടുള്ളതിനാൽ വിവിധ രാജ്യങ്ങളിൽ കുടുങ്ങി കിടക്കുന്നത്​.

വിസിറ്റ്​, ബിസിനസ്​ മറ്റ്​ ഷോർട്ട്​ ടേം വിസകളിൽ എത്തി രാജ്യത്ത്​ കുടുങ്ങിപോയവർക്കും ആശങ്ക വേണ്ടതില്ല. വിമാന സർവീസ്​ റദ്ദാക്കിയതിനാലും വിമാനത്താവളം അടച്ചതിനാലുമാണ്​ പലർക്കും രാജ്യം വിടാൻ കഴിയാതെ പോയത്​. ഇവരെയും അനധികൃത താമസക്കാരായി പരിഗണിക്കില്ല. ഒാവർസ്​റ്റേക്കുള്ള പിഴ അടക്കേണ്ടിയും വരില്ല. കോവിഡിനെ തുടർന്നുള്ള നിയന്ത്രണങ്ങൾ നിലവിൽ വന്ന ശേഷം വിസ കാലാവധി കഴിയുന്നവർക്ക്​ സാധ്യമാകുന്ന എല്ലാ കാര്യങ്ങളും അനുവദിച്ച്​ നൽകും. ഇൗ വിഷയത്തിൽ നടപടികൾക്ക്​ രൂപം നൽകി വരുകയാണ്​. ഇതു സംബന്ധിച്ച റോയൽ ഒമാൻ പൊലീസി​​​െൻറ ഒൗദ്യോഗിക പ്രഖ്യാപനം അടുത്ത ദിവസങ്ങളിൽ പുറത്തുവരും. നാട്ടിൽ കുടുങ്ങി കിടക്കുന്നവർക്കും തിരികെ പോകാനാകാതെ ഒമാനിൽ കഴിയുന്നവർക്കും ഏറെ ആശ്വാസം നൽകുന്നതാണ്​ ആർ.ഒ.പി വൃത്തങ്ങളെ ഉദ്ധരിച്ചുള്ള റിപ്പോർട്ടുകൾ.