ഒ​മാ​ൻ പ​ച്ച​ക്ക​റി സീ​സ​ൺ അ​വ​സാ​നി​ക്കു​ന്നു; വി​ല വ​ർ​ധി​ക്കും

മ​സ്ക​ത്ത്: ചൂ​ട് വ​ർ​ധി​ച്ച​തോ​ടെ ഒ​മാ​ൻ പ​ച്ച​ക്ക​റി സീ​സ​ൺ അ​വ​സാ​നി​ക്കു​ന്നു. ഇ​തോ​ടെ ത​ക്കാ​ളി ഒ​ഴി​കെ​യു​ള്ള മ​റ്റെ​ല്ലാ പ​ച്ച​ക്ക​റി ഇ​ന​ങ്ങ​ളും മാ​ർ​ക്ക​റ്റി​ൽ​നി​ന്ന് ഒ​ഴി​വാ​യി. ഒ​മാ​ൻ ത​ക്കാ​ളി അ​ടു​ത്ത​മാ​സം ആ​ദ്യ​ത്തോ​ടെ മാ​ർ​ക്ക​റ്റി​ൽ​നി​ന്ന് അ​പ്ര​ത്യ​ക്ഷ​മാ​വും. ഇ​പ്പോ​ൾ ത​ക്കാ​ളി കൃ​ഷി അ​തി​ന്റെ അ​വ​സാ​ന ഘ​ട്ട​ത്തി​ലേ​ക്ക് നീ​ങ്ങു​ക​യാ​ണ്. അ​തി​നാ​ൽ ഉ​ൽ​പാ​ദ​ന​വും കു​റ​ഞ്ഞു വ​രു​ക​യാ​ണ്. ജൂ​ൺ അ​ഞ്ചോ​ടെ ത​ക്കാ​ളി ഉ​ൽ​പാ​ദ​നം പൂ​ർ​ണ​മാ​യി നി​ല​ക്കും. ഇ​തോ​ടെ ഒ​മാ​നി​ൽ ത​ക്കാ​ളി അ​ട​ക്ക​മു​ള്ള പ​ച്ച​ക്ക​റി​ക​ളു​ടെ വി​ല വ​ർ​ധി​ക്കും.

നി​ല​വി​ൽ ഒ​മാ​ൻ മാ​ർ​ക്ക​റ്റി​ൽ ഒ​മാ​ൻ ത​ക്കാ​ളി​ക്കൊ​പ്പം ഇ​റാ​ൻ, ജോ​ർ​ഡ​ൻ എ​ന്നീ രാ​ജ്യ​ങ്ങ​ളു​ടെ ത​ക്കാ​ളി വി​പ​ണി​യി​ലു​ണ്ട്. ഇ​തോ​ടൊ​പ്പം ഒ​മാ​നി ത​ക്കാ​ളി കൂ​ടി വി​പ​ണി​യി​ലു​ള്ള​തി​നാ​ൽ കു​റ​ഞ്ഞ വി​ല​ക്കാ​ണ് ത​ക്കാ​ളി ല​ഭി​ക്കു​ന്ന​ത്. മ​റ്റ് രാ​ജ്യ​ങ്ങ​ളെ​ക്കാ​ൾ ഒ​മാ​ൻ ത​ക്കാ​ളി​ക്ക് വി​ല​യും കു​റ​വാ​ണ്. മ​റ്റ് രാ​ജ്യ​ങ്ങ​ളി​ൽ​നി​ന്ന് ത​ക്കാ​ളി​യും മ​റ്റ് പ​ച്ച​ക്ക​റി​ക​ളും എ​ത്തി​ക്കു​ന്ന​തി​ന് ഗാ​ത​ഗാ​ത​ചെ​ല​വ് അ​ട​ക്കം വ​ർ​ധി​ക്കു​ന്ന​താ​ണ് വി​ല​യെ ബാ​ധി​ക്കു​ന്ന​ത്. ഇ​റാ​ൻ, ജോ​ർ​ഡ​ൻ, എ​ന്നി​വ​ക്കൊ​പ്പം സി​റി​യ​ൻ ത​ക്കാ​ളി​യും മ​റ്റ് പ​ച്ച​ക്ക​റി​ക​ളും വി​പ​ണി​യി​ലു​ണ്ടാ​വും.ഒ​മാ​ൻ പ​ച്ച​ക്ക​റി സീ​സ​ൺ ആ​രം​ഭി​ക്കു​ന്ന​ത് ന​വം​ബ​ർ പ​കു​തി​യോ​ടെ​യാ​ണ്.

മേ​യ് അ​വ​സാ​ന​ത്തോ​ടെ സീ​സ​ൺ അ​വ​സാ​നി​ക്കു​ക​യും ചെ​യ്യും. ഒ​മാ​നി​ൽ എ​ല്ലാ പ​ച്ച​ക്ക​റി ഇ​ന​ങ്ങ​ളും വ്യാ​പ​ക​മാ​യി കൃ​ഷി ചെ​യ്യു​ന്നു​ണ്ട്. ത​ക്കാ​ളി​യാ​ണ് പ്ര​ധാ​ന കൃ​ഷി​യെ​ങ്കി​ലും വെ​ണ്ട, കു​മ്പ​ളം, ക​ദ്ദു, പ​ച്ച​മു​ള​ക്, കാ​ബേ​ജ്, ക​ക്കി​രി, മ​ത്ത​ൻ, വെ​ള്ള​രി അ​ട​ക്ക​മു​ള്ള ഏ​താ​ണ്ടെ​ല്ലാ പ​ച്ച​ക്ക​റി​ക​ളും ഒ​മാ​നി​ൽ കൃ​ഷി ചെ​യ്യു​ന്നു​ണ്ട്. കാ​ലാ​വ​സ്ഥ​യും മ​റ്റ് ഘ​ട​ക​ങ്ങ​ളും അ​നു​കൂ​ല​മാ​യാ​ൽ ഒ​മാ​നി​ൽ ന​ല്ല ഉ​ൽ​പാ​ദ​ന​വും ഉ​ണ്ടാ​വാ​റു​ണ്ട്. അ​തി​നാ​ൽ ന​വം​ബ​ർ മു​ത​ലു​ള്ള ഒ​മാ​ൻ പ​ച്ച​ക്ക​റി സീ​സ​ണി​ൽ പ​ച്ച​ക്ക​റി​ക്ക് ന​ന്നാ​യി വി​ല കു​റ​യു​ക​യും ചെ​യ്യും. ഇ​ക്കാ​ല​യ​ള​വി​ൽ മ​റ്റ് രാ​ജ്യ​ങ്ങ​ളി​ൽ​നി​ന്നു​ള്ള ഇ​റ​ക്കു​മ​തി​യും കു​റ​വാ​യി​രി​ക്കും. ഒ​മാ​ൻ കാ​ർ​ഷി​ക മ​ന്ത്രാ​ല​യം അ​ധി​കൃ​ത​ർ ഒ​മാ​നി​ൽ കീ​ട​നാ​ശി​നി​ക​ൾ​ക്ക് നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യ​യോ​ടെ ഒ​മാ​നി​ലെ പ​ച്ച​ക്ക​റി​ക​ളി​ൽ കീ​ട​നാ​ശി​നി അ​ള​വ് ന​ന്നാ​യി കു​റ​ഞ്ഞി​രു​ന്നു. ഒ​മാ​നി​ൽ നി​ര​വ​ധി കീ​ട​നാ​ശി​ക​ൾ​ക്ക് നി​രോ​ധ​ന​വും നി​ല​വി​ലു​ണ്ട്.

അ​തി​നാ​ൽ അം​ഗീ​കൃ​ത​മാ​യ വീ​ര്യം കു​റ​ഞ്ഞ കീ​ട​നാ​ശി​നി​ക​ൾ മാ​ത്ര​മാ​ണ് ഇ​പ്പോ​ൾ ഒ​മാ​നി​ൽ ഉ​പ​യോ​ഗി​ക്കു​ന്ന​ത്. ഇ​ത് ഒ​മാ​ൻ പ​ച്ച​ക്ക​റി​യു​ടെ ഗു​ണ​നി​വാ​രം വ​ർ​ധി​പ്പി​ക്കാ​ൻ സ​ഹാ​യ​ക​മാ​യി​ട്ടു​ണ്ട്. ഏ​താ​യാ​ലും ഒ​മാ​ൻ പ​ച്ച​ക്ക​റി വി​പ​ണി​യി​ൽ​നി​ന്ന് ഒ​ഴി​യു​ന്ന​ത് സാ​ധാ​ര​ണ​ക്കാ​രു​ടെ ജീ​വി​ത ബ​ജ​റ്റ് ഉ​യ​ർ​ത്തും.

ഒ​മാ​ൻ പ​ച്ച​ക്ക​റി സീ​സ​ൺ അ​വ​സാ​നി​ക്കു​ന്ന​ത് ഹോ​ട്ട​ൽ മേ​ഖ​ല​യി​ലു​ള്ള​വ​രെ​യും ബാ​ധി​ക്കും. ചെ​റു​കി​ട ഹോ​ട്ട​ലു​ക​ളെ​യാ​ണ് വി​ല വ​ർ​ധ​ന കൂ​ടു​ത​ൽ ബാ​ധി​ക്കു​ക.