ര​ക്തം ക​ട്ട​പി​ടി​ക്കാ​തിരിക്കാൻ ആ​ൽ​ഫാ​വാ​ക് സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് ഒ​മാ​ൻ

മ​സ്ക​ത്ത്: ര​ക്തം ക​ട്ട​പി​ടി​ക്കു​ന്ന​തി​നു​ള്ള ചി​കി​ത്സ​ക്കാ​യി ആ​ൽ​ഫാ​വാ​ക് സാ​ങ്കേ​തി​ക​വി​ദ്യ ഉ​പ​യോ​ഗി​ക്കു​ന്ന ജി.​സി.​സി​യി​ലെ ആ​ദ്യ ആ​തു​രാ​ല​യ​മാ​യി ഒ​മാ​നി​ലെ റോ​യ​ൽ ആ​ശു​പ​ത്രി. നൂ​ത​ന അ​മേ​രി​ക്ക​ൻ ആ​ൽ​ഫാ​വാ​ക് സം​വി​ധാ​നം റോ​യ​ൽ ആ​ശു​പ​ത്രി​യി​ലെ നാ​ഷ​ന​ൽ ഹാ​ർ​ട്ട് സെ​ന്റ​ർ ആ​ണ് ഉ​പ​യാ​ഗി​ച്ച​ത്. ആ​ധു​നി​ക മെ​ഡി​ക്ക​ൽ സൗ​ക​ര്യ​ങ്ങ​ൾ ന​ൽ​കു​ന്ന​തി​നും സു​ൽ​ത്താ​നേ​റ്റി​ൽ ലോ​കോ​ത്ത​ര ഹൃ​ദ​യ ചി​കി​ത്സ സേ​വ​ന​ങ്ങ​ൾ ഒ​രു​ക്കു​ന്ന​തി​നു​മു​ള്ള കേ​ന്ദ്ര​ത്തി​ന്റെ തു​ട​ർ​ച്ച​യാ​യ ശ്ര​മ​ങ്ങ​ളു​ടെ ഭാ​ഗ​മാ​ണ് ഈ ​നീ​ക്കം.

പ​ൾ​മ​ണ​റി എം​ബോ​ളി​സ​വും വെ​ന​സ് ത്രോം​ബോ​ബോ​ളി​സ​വും ചി​കി​ത്സി​ക്കു​ന്ന​തി​നു​ള്ള അ​ത്യാ​ധു​നി​ക ഇ​ന്റ​ർ​വെ​ൻ​ഷ​ന​ൽ സാ​ങ്കേ​തി​ക​വി​ദ്യ​യാ​ണ് ആ​ൽ​ഫ​വാ​ക് സി​സ്റ്റം. തു​റ​ന്ന ശ​സ്ത്ര​ക്രി​യ​യു​ടെ ആ​വ​ശ്യ​മി​ല്ലാ​തെ വ​ലി​യ സി​ര​ക​ളി​ൽ​നി​ന്ന് ര​ക്തം ക​ട്ട​പി​ടി​ക്കു​ന്ന​ത് കാ​ര്യ​ക്ഷ​മ​മാ​യി നീ​ക്കം​ചെ​യ്യാ​ൻ ഇ​ത് പ്രാ​പ്ത​മാ​ക്കു​ന്നു.

പ​ര​മ്പ​രാ​ഗ​ത ചി​കി​ത്സ മാ​തൃ​ക​ക​ളി​ലെ ഗു​ണ​പ​ര​മാ​യ മാ​റ്റ​ത്തെ ഇ​ത് പ്ര​തി​നി​ധീ​ക​രി​ക്കു​ന്നു. ചി​കി​ത്സ സ​ങ്കീ​ർ​ണ​ത​ക​ൾ ഗ​ണ്യ​മാ​യി കു​റ​യ്ക്കു​ന്ന​തി​നൊ​പ്പം രോ​ഗി​ക​ൾ​ക്ക് വേ​ഗ​ത്തി​ൽ സു​ഖം പ്രാ​പി​ക്കാ​നു​ള്ള അ​വ​സ​രം ഇ​ത് ന​ൽ​കു​ന്നു. ഏ​റ്റ​വും പു​തി​യ മെ​ഡി​ക്ക​ൽ പു​രോ​ഗ​തി​ക​ൾ സ്വീ​ക​രി​ക്കാ​നും ഹൃ​ദ​യ പ​രി​ച​ര​ണ​ത്തി​ൽ പ്ര​ധാ​ന കേ​ന്ദ്ര​മാ​യി മാ​റാ​നു​ള്ള റോ​യ​ൽ ഹോ​സ്പി​റ്റ​ലി​ന്റെ ത​ന്ത്ര​ത്തി​ന്റെ പ്ര​തി​ഫ​ല​ന​മാ​ണ് ആ​ൽ​ഫ​വാ​ക് അ​വ​ത​രി​പ്പി​ക്കു​ന്ന​തെ​ന്ന് ഇ​ന്റ​ർ​വെ​ൻ​ഷ​ന​ൽ റേ​ഡി​യോ​ള​ജി വി​ഭാ​ഗ​ത്തി​ലെ സ്പെ​ഷ്യ​ലൈ​സ്ഡ് മെ​ഡി​ക്ക​ൽ സം​ഘം പ​റ​ഞ്ഞു.

പ്രാ​ദേ​ശി​ക, അ​ന്ത​ർ​ദേ​ശീ​യ മെ​ഡി​ക്ക​ൽ സ​മൂ​ഹ​ത്തി​ൽ ആ​ശു​പ​ത്രി​യു​ടെ പ​ദ​വി മെ​ച്ച​പ്പെ​ടു​ത്തു​ന്ന​തി​നു​ള്ള ഒ​മാ​ന്റെ വി​ശാ​ല​മാ​യ കാ​ഴ്ച​പ്പാ​ടു​മാ​യി ഇ​ത് യോ​ജി​ക്കു​ന്നു. എ​ക്സ്-​റേ മാ​ർ​ഗ​നി​ർ​ദേ​ശ​ത്തി​ൽ ഫെ​മ​റ​ൽ സി​ര​യി​ലേ​ക്ക് ഒ​രു ക​ത്തീ​റ്റ​ർ ഘടിപ്പിച്ചാണ് ഈ ​ന​ട​പ​ടി​ക്ര​മം ന​ട​ത്തു​ന്ന​തെ​ന്നും ര​ക്ത​ന​ഷ്ടം കു​റ​ക്കു​ന്ന ഒ​രു പ്ര​ത്യേ​ക നി​യ​ന്ത്ര​ണ ഉ​പ​ക​ര​ണം ഉ​പ​യോ​ഗി​ച്ച് ര​ക്തം ക​ട്ട​പി​ടി​ക്കു​ന്ന​ത് നീ​ക്കം ചെ​യ്യു​മെ​ന്നും സം​ഘം വി​ശ​ദീ​ക​രി​ച്ചു.

തു​റ​ന്ന ശ​സ്ത്ര​ക്രി​യ​യി​ൽ നി​ര​വ​ധി മ​ണി​ക്കൂ​റു​ക​ൾ ആ​വ​ശ്യ​മാ​ണ്. ഈ ​നൂ​ത​ന ചി​കി​ത്സ സം​വി​ധാ​ന​ത്തി​ൽ ഏ​ക​ദേ​ശം 30 മു​ത​ൽ 60 മി​നി​റ്റ് വ​രെ എ​ടു​ക്കു​ക​യു​ള്ളു. രോ​ഗി​ക്ക് 24 മ​ണി​ക്കൂ​റി​നു​ള്ളി​ൽ തീ​വ്ര​പ​രി​ച​ര​ണ​ത്തി​ൽ​നി​ന്ന് പു​റ​ത്തു​പോ​കാ​നും സാ​ധി​ക്കും. ര​ക്തം ക​ട്ട​പി​ടി​ക്കു​ന്ന​ത് നീ​ക്കം ചെ​യ്യു​ന്ന​തി​ൽ ഈ ​സാ​ങ്കേ​തി​ക​വി​ദ്യ 90 ശ​ത​മാ​ന​ത്തി​ല​ധി​കം വി​ജ​യ​ശ​ത​മാ​നം കൈ​വ​രി​ച്ച​താ​യും സ​ങ്കീ​ർ​ണ​ത​ക​ളി​ലും ര​ക്ത​സ്രാ​വ​ത്തി​ലും ഗ​ണ്യ​മാ​യ കു​റ​വ് വ​രു​ത്തി​യ​താ​യും മെ​ഡി​ക്ക​ൽ സം​ഘം റി​പ്പോ​ർ​ട്ട് ചെ​യ്തു.

ശ​സ്ത്ര​ക്രി​യ​ക്ക് അ​നു​യോ​ജ്യ​ര​ല്ലാ​ത്ത രോ​ഗി​ക​ൾ​ക്ക് ഏ​റെ ഗു​ണം ചെ​യ്യു​ന്ന​താ​ണ് ഈ ​സം​വി​ധാ​നം. ഒ​മാ​നി​ലെ ആ​രോ​ഗ്യ സേ​വ​ന​ങ്ങ​ളു​ടെ ഗു​ണ​പ​ര​മാ​യ പ​രി​വ​ർ​ത്ത​ന​ത്തി​ലെ ഒ​രു നാ​ഴി​ക​ക്ക​ല്ലാ​ണ് ആ​ൽ​ഫ​വാ​ക് സം​വി​ധാ​ന​മെ​ന്ന് മെ​ഡി​ക്ക​ൽ സം​ഘം ഊ​ന്നി​പ്പ​റ​ഞ്ഞു.