ഒമാനിലെ വിമാനത്താവളങ്ങൾ ഒക്​ടോബർ ഒന്നുമുതൽ തുറക്കും

മസ്​കത്ത്​: ഒമാനിലെ വിമാനത്താവളങ്ങൾ ഒക്​ടോബറിൽ തുറക്കും. അന്താരാഷ്​ട്ര വിമാന സർവീസുകൾക്കായി ഒക്​ടോബർ ഒന്നുമുതൽ വിമാനത്താവളങ്ങൾ തുറക്കാൻ സുപ്രീം കമ്മിറ്റി യോഗമാണ്​ തീരുമാനിച്ചത്​. ലക്ഷ്യസ്​ഥാനങ്ങളിലെ ആരോഗ്യ വിവരങ്ങൾക്കനുസരിച്ചും മറ്റ്​ വിമാന കമ്പനികളുമായുള്ള ഉഭയകക്ഷി ധാരണക്കും അനുസരിച്ചായിരിക്കും ഒമാനിൽ നിന്നുള്ള അന്താരാഷ്​ട്ര സർവീസുകൾ ഷെഡ്യൂൾ ചെയ്യുകയെന്നും സുപ്രീം കമ്മിറ്റി അറിയിച്ചു. തിങ്കളാഴ്​ച നടന്ന യോഗത്തിൽ ആഭ്യന്തര മന്ത്രി സയ്യിദ്​ ഹമൂദ്​ ബിൻ ഫൈസൽ അൽ ബുസൈദി അധ്യക്ഷത വഹിച്ചു.