സാ​ഹ​സി​ക വി​നോ​ദ​സ​ഞ്ചാ​ര​ത്തി​ന്റെ ആ​ഗോ​ള കേ​ന്ദ്ര​മാ​കാ​ൻ ഒ​മാ​ൻ

മ​സ്ക​ത്ത്: സാ​ഹ​സി​ക വി​നോ​ദ​സ​ഞ്ചാ​ര​ത്തി​ന്റെ ആ​ഗോ​ള കേ​ന്ദ്ര​മാ​യി മാ​റാ​ൻ ഒ​മാ​ൻ ഒ​രു​ങ്ങു​ന്നു. രാ​ജ്യ​ത്തി​ന്റെ പ്ര​കൃ​തി​ദ​ത്ത​വും സാം​സ്കാ​രി​ക​വു​മാ​യ സ​വി​ശേ​ഷ​ത​ക​ളാ​ണ് സു​ൽ​ത്താ​നേ​റ്റി​ലേ​ക്ക് സാ​ഹ​സി​ക സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന പ്ര​ധാ​ന ഘ​ട​കം.

ഒ​മാ​നി​ലെ പ​ർ​വ​ത​നി​ര​ക​ൾ, വൈ​വി​ധ്യ​മാ​ർ​ന്ന ഭൂ​പ്ര​കൃ​തി, സ​മ്പ​ന്ന​മാ​യ പൈ​തൃ​കം എ​ന്നി​വ സാ​ഹ​സി​ക വി​നോ​ദ​സ​ഞ്ചാ​ര​ത്തി​ൽ കു​തി​ച്ചു​ചാ​ട്ട​ത്തി​ന് ആ​ക്കം കൂ​ട്ടു​ന്ന​താ​ണെ​ന്ന് പൈ​തൃ​ക, ടൂ​റി​സം മ​ന്ത്രാ​ല​യം പ​റ​യു​ന്നു. ഹൈ​ക്കി​ങ്, സി​പ്പ് ലൈ​നി​ങ് മു​ത​ൽ കേ​വി​ങ്‍വ​രെ സ​ന്ദ​ർ​ശ​ക​ർ​ക്ക് സ​മ്മാ​നി​ക്കു​ന്ന​ത് വേ​റി​ട്ട​കാ​ഴ്ച​യാ​ണ്. രാ​ജ്യ​ത്തി​ന്റെ സ​വി​ശേ​ഷ​മാ​യ ഭൂ​മി​ശാ​സ്ത്ര​വും സാ​ഹ​സി​ക യ​ത്രി​ക​ർ​ക്ക് ഹ​രം പ​ക​രു​ന്ന​താ​ണ്. കി​ഴ​ക്ക​ൻ, പ​ടി​ഞ്ഞാ​റ​ൻ അ​ൽ ഹ​ജ​ർ പ​ർ​വ​ത​നി​ര​ക​ൾ, ദോ​ഫാ​ർ, മു​സ​ന്ദം തു​ട​ങ്ങി​യ പ്ര​ദേ​ശ​ങ്ങ​ളു​ടെ മ​നോ​ഹാ​രി​ത​യും ഏ​വ​രു​ടെ​യും മ​നം​ക​വ​രും.

ആ​ഗോ​ള സാ​ഹ​സി​ക കേ​ന്ദ്ര​മെ​ന്ന നി​ല​യി​ൽ ഒ​മാ​ന്റെ ആ​ക​ർ​ഷ​ണം വ​ർ​ധി​പ്പി​ക്കു​ന്ന​തി​ൽ ടൂ​റി​സം ഓ​ഫ​റു​ക​ൾ വൈ​വി​ധ്യ​വ​ത്ക​രി​ക്കു​ക എ​ന്ന​താ​ണ് പ്ര​ധാ​ന ല​ക്ഷ്യ​മെ​ന്ന് മ​ന്ത്രാ​ല​യ​ത്ത​ിലെ പ്രൊ​ഡ​ക്റ്റ് ഡെ​വലെ​പ്മെ​ന്റ് മേ​ധാ​വി യൂ​സ​ഫ് ബി​ൻ റാ​ഷി​ദ് അ​ൽ ഹ​റാ​സി പ​റ​ഞ്ഞു.

സാ​ഹ​സി​ക വി​നോ​ദ​സ​ഞ്ചാ​ര​ത്തി​ൽ താ​ൽ​പ​ര്യ​മു​ള്ള നി​ര​വ​ധി ആ​ളു​ക​ളെ​യും എ​ല്ലാ​ത്ത​രം സാ​ഹ​സി​ക​രെ​യും ആ​ക​ർ​ഷി​ക്കു​ന്ന രാ​ജ്യ​ങ്ങ​ളി​ൽ ഒ​ന്നാ​ണ് സു​ൽ​ത്താ​നേ​റ്റ് എ​ന്ന് അ​ദ്ദേ​ഹം ഒ​മാ​ൻ വാ​ർ​ത്ത ഏ​ജ​ൻ​സി​യോ​ട് പ​റ​ഞ്ഞു. അ​തി​ന്റെ സ​വി​ശേ​ഷ​മാ​യ പ്ര​കൃ​തി​ദ​ത്ത​വും ഭൂ​മി​ശാ​സ്ത്ര​പ​ര​വു​മാ​യ വൈ​വി​ധ്യം കാ​ര​ണം, സാ​ഹ​സി​ക​രും സാ​ഹ​സി​ക വി​നോ​ദ​സ​ഞ്ചാ​രം പ​രി​ശീ​ലി​ക്കാ​ൻ ആ​ഗ്ര​ഹി​ക്കു​ന്ന വി​നോ​ദ​സ​ഞ്ചാ​രി​ക​ളും ഇ​വി​ടേ​ക്ക് ആ​ക​ർ​ഷി​ക്കു​ന്നു.

വ​ർ​ധി​ച്ചു​വ​രു​ന്ന ഈ ​ആ​വ​ശ്യം നി​റ​വേ​റ്റു​ന്ന​തി​നാ​യി, അ​ടി​സ്ഥാ​ന സൗ​ക​ര്യ​ങ്ങ​ളും സു​ര​ക്ഷ​യും ന​ൽ​കു​ന്നതി​ന് മ​ന്ത്രാ​ല​യം ശ​ക്ത​മാ​യ ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ട്. പ്ര​ത്യേ​കി​ച്ച് മ​സ്ക​ത്തി​ലും അ​ൽ ഹ​ജ​ർ ശ്രേ​ണി​യി​ലും, വി​നോ​ദ​സ​ഞ്ചാ​രി​ക​ളെ സു​ര​ക്ഷാ പ്രോ​ട്ടോ​ക്കോ​ളു​ക​ളെ​ക്കു​റി​ച്ചും ഈ ​ഭൂ​പ്ര​കൃ​തി​ക​ളു​ടെ പ്രാ​ധാ​ന്യ​ത്തെ​ക്കു​റി​ച്ചും ബോ​ധ​വ​ത്ക​രി​ക്കാ​ൻ സ​ഹാ​യി​ക്കു​ന്ന​തി​നാ​യി 73 ദി​ശാ​സൂ​ച​ന അ​ട​യാ​ള​ങ്ങ​ളും 30 വി​വ​ര സൂ​ച​ന അ​ട​യാ​ള​ങ്ങ​ളും സ്ഥാ​പി​ച്ചി​ട്ടു​ണ്ട്.

ഒ​മാ​ന്റെ സാ​ഹ​സി​ക ടൂ​റി​സം വി​ക​സ​നം മി​ക​ച്ച അ​ന്താ​രാ​ഷ്ട്ര രീ​തി​ക​ളി​ലൂ​ടെ​യാ​ണ് രൂ​പ​പ്പെ​ടു​ന്ന​ത്. എ​ല്ലാ സാ​ഹ​സി​ക പ്ര​വ​ർ​ത്ത​ന​ങ്ങ​ൾ​ക്കും ശ​ക്ത​മാ​യ നി​യ​മ​പ​ര​വും സു​ര​ക്ഷാ​പ​ര​വു​മാ​യ ച​ട്ട​ക്കൂ​ട് നി​ർ​മ്മി​ക്കു​ന്ന​തി​നാ​യി ആ​ഗോ​ള​ത​ല​ത്തി​ൽ ഏ​റ്റ​വും ഫ​ല​പ്ര​ദ​മാ​യ ഒ​ന്നാ​യി ക​ണ​ക്കാ​ക്ക​പ്പെ​ടു​ന്ന ന്യൂ​സി​ല​ൻ​ഡ് മാ​തൃ​ക മ​ന്ത്രാ​ല​യം പ​ഠി​ച്ചു. യാ​ത്ര സം​ഘാ​ട​ക​ർ​ക്കാ​യി ഇ​പ്പോ​ൾ ഒ​രു ലൈ​സ​ൻ​സി​ങ് സം​വി​ധാ​നം നി​ല​വി​ലു​ണ്ട്.

സാ​ഹ​സി​ക ക​മ്പ​നി​ക​ൾ​ക്കാ​യി ഒ​രു റി​സ്ക്, സു​ര​ക്ഷാ ഓ​ഡി​റ്റ് സം​വി​ധാ​നം വി​ക​സി​പ്പി​ച്ചു​കൊ​ണ്ടി​രി​ക്കു​ന്നു. സു​ര​ക്ഷാ കൂ​ടു​ത​ൽ ശ​ക്തി​പ്പെ​ടു​ത്തു​ന്ന​തി​നാ​യി, പ്ര​തി​രോ​ധ മ​ന്ത്രാ​ല​യ​വു​മാ​യും ഒ​മാ​നി ഗൈ​ഡു​ക​ളെ പ​രി​ശീ​ലി​പ്പി​ക്കു​ന്ന​തി​നാ​യി റോ​യ​ൽ ആ​ർ​മി ഓ​ഫ് ഒ​മാ​ന്റെ സാ​ഹ​സി​ക പ​രി​ശീ​ല​ന കേ​ന്ദ്ര​വു​മാ​യും മ​ന്ത്രാ​ല​യം സ​ഹ​ക​രി​ക്കു​ന്നു.

സി​വി​ൽ ഡി​ഫ​ൻ​സ് ആ​ൻ​ഡ് ആം​ബു​ല​ൻ​സ് അ​തോ​റി​റ്റി​യു​മാ​യി സ​ഹ​ക​രി​ച്ച് പ്ര​ത്യേ​ക പ്ര​ഥ​മ​ശു​ശ്രൂ​ഷ, പ​ർ​വ​ത ര​ക്ഷാ പ​രി​പാ​ടി​ക​ളും ന​ട​ത്തു​ന്നു​ണ്ട്. ഒ​മാ​നി ടൂ​റി​സം പ്ര​ഫ​ഷ​ണ​ലു​ക​ൾ​ക്കാ​യി എ​ട്ട് കോ​ഴ്സു​ക​ൾ ഇ​തി​ന​കം പൂ​ർ​ത്തി​യാ​ക്കി. ക​ഴി​ഞ്ഞ​മേ​യ് മാ​സ​ത്തി​ൽ ഒ​മാ​ൻ സൗ​ദി ടൂ​റി​സം അ​തോ​റി​റ്റി​യി​ൽ നി​ന്നു​ള്ള ഒ​രു പ്ര​തി​നി​ധി സം​ഘം സു​ൽ​ത്ത​നേ​റ്റി​ൽ എ​ത്തു​ക​യു​ണ്ടാ​യി.

നി​യ​ന്ത്ര​ണ മാ​തൃ​ക പ്ര​ദ​ർ​ശി​പ്പി​ക്കു​ന്ന​തി​നും ഒ​മാ​നി, സൗ​ദി ക​മ്പ​നി​ക​ൾ ത​മ്മി​ലു​ള്ള അ​നു​ഭ​വ കൈ​മാ​റ്റം സു​ഗ​മ​മാ​ക്കു​ന്ന​തി​നും ഇ​ത് സ​ഹാ​യി​ച്ചു. ജ​ബ​ൽ അ​ഖ്ദ​ർ, അ​ൽ സു​ജാ​റ വി​ല്ലേ​ജ് തു​ട​ങ്ങി​യ സ്ഥ​ല​ങ്ങ​ളി​ലേ​ക്കു​ള്ള ഫീ​ൽ​ഡ് ടൂ​റു​ക​ൾ സ​ന്ദ​ർ​ശ​ന​ത്തി​ൽ ഉ​ൾ​പ്പെ​ട്ടി​രു​ന്നു. ഒ​മാ​ന്റെ സാ​ഹ​സി​ക ഓ​ഫ​റു​ക​ളും സു​ര​ക്ഷാ സം​വി​ധാ​ന​ങ്ങ​ളും നേ​രി​ട്ട് കാ​ണാ​ൻ ഇ​ത് സ​ഹാ​യി​ച്ചു.