മു​ഴു​വ​ൻ ടാ​ക്​​സി​ക​ളി​ലും വൈ​കാ​തെ മീ​റ്റ​ർ ഘ​ടി​പ്പി​ക്കും

മസ്കത്ത്: രാജ്യത്ത് സർവിസ് നടത്തുന്ന മുഴുവൻ ടാക്സികളിലും മീറ്റർ ഘടിപ്പിക്കുന്നത് ആലോചനയിൽ. ഇതുസംബന്ധിച്ച നിർദേശങ്ങൾ അവലോകനം ചെയ്തുവരുകയാണെന്ന് ഗതാഗത വാർത്താവിനിമയ മന്ത്രാലയം അറിയിച്ചു. മറ്റു ഗൾഫ് രാഷ്ട്രങ്ങൾക്ക് സമാനമായ മീറ്റർ ടാക്സി സംവിധാനമാണ് സർക്കാറിെൻറ മുന്നിലുള്ളതെന്നും മന്ത്രാലയം ട്വിറ്ററിൽ അറിയിച്ചു. 

ഹോട്ടലുകളിൽ നിന്നും സുൽത്താൻ ഖാബൂസ് തുറമുഖത്തുനിന്നും നിലവിൽ സർവിസ് നടത്തുന്ന ടാക്സികൾ മർഹബ ടാക്സി ശൃംഖലയിലും വിമാനത്താവളത്തിൽനിന്നും മാളുകളിൽനിന്നും സർവിസ് നടത്തുന്ന ടാക്സി വാഹനങ്ങൾ മുവാസലാത്ത് ശൃംഖലയിലും ചേരണമെന്ന് മന്ത്രാലയം ആവശ്യപ്പെട്ടു. 
ടാക്സി നടത്തുന്നവർ ചേരാത്ത പക്ഷം ടാക്സികളുള്ള ഏതൊരു സ്വദേശിയെയും രണ്ടു കമ്പനികൾക്കും തെരഞ്ഞെടുക്കാം. ഇൗ നാലു സ്ഥലങ്ങൾക്കും പുറമെ ഒാൺ കാൾ സേവനങ്ങളും ഇരു മീറ്റർ ടാക്സി കമ്പനികളും നൽകുന്നുണ്ട്. 

ഒൗദ്യോഗിക ഉദ്ഘാടനം നടത്തിയിട്ടില്ലെങ്കിലും മർഹബ ടാക്സി കഴിഞ്ഞയാഴ്ച മുതൽ സർവിസ് ആരംഭിച്ചിരുന്നു. മുവാസലാത്ത് ടാക്സികളും വൈകാതെ നിരത്തിലിറങ്ങും. മുവാസലാത്ത് ടാക്സികളും അടുത്തിടെ നടന്ന ചടങ്ങിൽ അനാവരണം ചെയ്തിരുന്നു. ടുറിസം അടക്കം വിവിധ മേഖലകളുടെ വളർച്ചക്ക് സഹായകമായ മേഖലയാണ് ടാക്സി സർവിസുകളെന്ന് ഗതാഗത വാർത്താവിനിമയ മന്ത്രാലയം അറിയിച്ചു. സ്വദേശികൾക്ക് കൂടുതൽ തൊഴിലവസരങ്ങൾ ഇൗ മേഖലയിൽ ലഭ്യമാകും. ആപ് ബുക്കിങ് അടക്കം നൂതന സാേങ്കതിക വിദ്യകൾ നടപ്പാക്കുന്നത് വഴി ടാക്സി  ഡ്രൈവർമാർക്ക് റോഡുകളിൽ ഉപഭോക്താക്കളെ കാത്തുനിൽക്കേണ്ടിവരില്ല. ഇതുവഴി അവർക്ക് കൂടുതൽ ഉപഭോക്താക്കളെ ലഭ്യമാവുകയും ചെയ്യും. 

രാജ്യത്തെ ടാക്സി സർവിസ് മേഖല ക്രമപ്പെടുത്തണമെന്ന ആവശ്യത്തിന് ഏറെ പഴക്കമുണ്ട്. നേരത്തേ ടാക്സിക്കാർ ഏകീകൃത നിരക്കുകൾ അല്ല ഇൗടാക്കിയിരുന്നത്. ടൂറിസം മേഖലയുടെ വളർച്ചയെ ഇത് ബാധിക്കുമെന്നതിനാലാണ് സർക്കാർ കഴിഞ്ഞവർഷം മീറ്റർ ടാക്സി കമ്പനികൾക്ക് ലൈസൻസ് നൽകിയത്. മുവാസലാത്ത് ബസുകൾ സർവിസ് വ്യാപിപ്പിച്ചതും ടാക്സി മേഖലക്ക് നിലവിൽ തിരിച്ചടിയായ സ്ഥിതിയാണ്. ബസ് സർവിസ് ഉയർത്തുന്ന വെല്ലുവിളി മൂലം മസ്കത്തിൽ ഏതാണ്ട് ഏകീകൃത നിരക്കുകളാണ് ടാക്സിക്കാർ ഇൗടാക്കുന്നത്. എല്ലാം ടാക്സികളിലും മീറ്റർ ഘടിപ്പിക്കുന്നത് ഉൾപ്രദേശങ്ങളിലേക്കുള്ള യാത്രക്കാർക്കും അനുഗ്രഹമാകും.