പു​തു​താ​യി ചു​മ​ത​​ല​യേ​ൽ​ക്കു​ന്ന അംബാസഡർമാർ അംഗീകാരപത്രങ്ങൾ ഒമാൻ സുൽത്താന്​ കൈമാറി

മ​സ്ക​ത്ത്​: ഒ​മാ​നി​ൽ പു​തു​താ​യി ചു​മ​ത​​ല​യേ​ൽ​ക്കു​ന്ന വി​വി​ധ രാ​ജ്യ​ങ്ങ​ളു​ടെ അം​ബാ​സ​ഡ​ർമാർ ത​ങ്ങ​ളു​ടെ അം​ഗീ​കാ​ര​പ​ത്ര​ങ്ങ​ൾ സു​ൽ​ത്താ​ൻ ഹൈ​തം ബി​ൻ താ​രി​ഖി​ന്​ കൈ​മാ​റി. ക​ഴി​ഞ്ഞ​ദി​വ​സം അ​ൽ​ബ​റ​ക്ക ​കൊ​ട്ടാ​ര​ത്തി​ൽ ന​ട​ന്ന ച​ട​ങ്ങി​ലാ​ണ്​ അം​ബാ​സ​ഡ​ർ​മാ​ർ ത​ങ്ങ​ളു​ടെ യോ​ഗ്യ​ത പ​ത്ര​ങ്ങ​ൾ സു​ൽ​ത്താ​ന്​ സ​മ​ർ​പ്പി​ച്ച​ത്. നൈ​ജീ​രി​യ, പോ​ള​ണ്ട്, വ​ത്തി​ക്കാ​ൻ, വെ​നീ​സ്വേ​ല, ദ​ക്ഷി​ണാ​ഫ്രി​ക്ക, ഡെ​ന്മാ​ർ​ക്ക് തു​ട​ങ്ങി​യ രാ​ജ്യ​ങ്ങ​ളു​ടെ അം​ഗീ​കാ​ര​പ​ത്ര​മാ​ണ്​ സു​ൽ​ത്താ​ൻ സ്വീ​ക​രി​ച്ച​ത്.

സു​ൽ​ത്താ​നു​മാ​യു​ള്ള കൂ​ടി​ക്കാ​ഴ്ച​യി​ൽ അം​ബാ​സ​ഡ​ർ​മാ​ർ ത​ങ്ങ​ളു​ടെ രാ​ജ്യ​ങ്ങ​ളി​ലെ നേ​താ​ക്ക​ളു​ടെ ആ​ശം​സ​ക​ൾ കൈ​മാ​റു​ക​യും സു​ൽ​ത്താ​ന്‍റെ ജ്ഞാ​ന​പൂ​ർ​വ​ക​മാ​യ നേ​തൃ​ത്വ​ത്തി​ന്​ കീ​ഴി​ൽ ഒ​മാ​നി ജ​ന​ത​ക്ക് കൂ​ടു​ത​ൽ പു​രോ​ഗ​തി​യും സ​മൃ​ദ്ധി​യും കൈ​വ​രി​ക്ക​ട്ടെ​യെ​ന്നും ആ​ശം​സി​ച്ചു.

സു​ൽ​ത്താ​ന്​ യോ​ഗ്യ​താ​പ​ത്ര​ങ്ങ​ൾ സ​മ​ർ​പ്പി​ക്കാ​ൻ പ​റ്റി​യ​തി​ൽ അം​ബാ​സ​ഡ​ർ​മാ​ർ ത​ങ്ങ​ളു​ടെ സ്​​നേ​ഹ​വും ബ​ഹു​മാ​ന​വും പ്ര​ക​ടി​പ്പി​ക്കു​ക​യും ചെ​യ്തു. ഒ​മാ​നി ജ​ന​ത​യു​ടെ​യും ത​ങ്ങ​ളു​ടെ രാ​ജ്യ​ങ്ങ​ളി​ലെ പൗ​ര​ന്മാ​രു​ടെ​യും സം​യു​ക്ത താ​ൽ​പ​ര്യ​ങ്ങ​ൾ സേ​വി​ക്കു​ന്ന രീ​തി​യി​ൽ വി​വി​ധ മേ​ഖ​ല​ക​ളി​ൽ ബ​ന്ധം പ്രോ​ത്സാ​ഹി​പ്പി​ക്കു​ന്ന​തി​ന് ആ​ത്മാ​ർ​ഥ​മാ​യ ശ്ര​മ​ങ്ങ​ൾ ന​ട​ത്തു​മെ​ന്നും അ​വ​ർ പ​റ​ഞ്ഞു.

അം​ബാ​സ​ഡ​ർ​മാ​രെ സ്വാ​ഗ​തം​ചെ​യ്ത ​സു​ൽ​ത്താ​ൻ, അ​വ​രു​ടെ നേ​താ​ക്ക​ളു​ടെ ആ​ശം​സ​ക​ൾ​ക്കും ന​ന്ദി അ​റി​യി​ച്ചു. സ്ഥാ​ന​പ​തി​മാ​രു​ടെ ക​ട​മ​ക​ൾ നി​ർ​വ​ഹി​ക്കാ​ൻ സ​ർ​ക്കാ​റി​ൽ​നി​ന്നും ഒ​മാ​നി ജ​ന​ത​യി​ൽ​നി​ന്നും എ​ല്ലാ പി​ന്തു​ണ​യും ല​ഭി​ക്കു​മെ​ന്നും സു​ൽ​ത്താ​ൻ ഉ​റ​പ്പു​ന​ൽ​കു​ക​യും ചെ​യ്തു.

അം​ഗീ​കാ​ര​പ​ത്ര സ​മ​ർ​പ്പ​ണ ച​ട​ങ്ങി​ൽ ദി​വാ​ൻ ഓ​ഫ് റോ​യ​ൽ കോ​ർ​ട്ട് മ​ന്ത്രി, വി​ദേ​ശ​കാ​ര്യ മ​ന്ത്രി, ഒ​മാ​ൻ റോ​യ​ൽ ഗാ​ർ​ഡ് ക​മാ​ൻ​ഡ​ർ, റോ​യ​ൽ പ്രോ​ട്ടോ​ക്കോ​ളു​ക​ളു​ടെ ത​ല​വ​ൻ, സു​ൽ​ത്താ​ന്റെ സൈ​നി​ക സ​ഹാ​യി​ക​ൾ എ​ന്നി​വ​ർ പ​ങ്കെ​ടു​ത്തു.