കൗതുക ചെപ്പ്​ തുറന്ന്​ ഒമാൻ സയൻസ്​ ഫെസ്റ്റിവെലിന്​ തുടക്കം

മ​സ്ക​ത്ത്​: ശാ​സ്ത്ര കൗ​തു​ക​ങ്ങ​ളു​​ടെ ചെ​പ്പു തു​റ​ന്ന്​ ഒ​മാ​ൻ സ​യ​ൻ​സ്​ ഫെ​സ്റ്റി​വെ​ലി​ന്‍റെ മൂ​ന്നാം​പ​തി​പ്പി​ന്​​ തു​ട​ക്ക​മാ​യി. ഒ​മാ​ൻ ക​ൺ​വെ​ൻ​ഷ​ൻ ആ​ൻ​ഡ്​ എ​ക്സി​ബി​ഷ​ൻ ​സെ​ന്‍റ​റി​ൽ ന​ട​ന്ന ഉ​ദ്​​ഘാ​ട​ന ച​ട​ങ്ങി​ൽ ഗ​താ​ഗ​ത, വാ​ർ​ത്ത വി​നി​മ​യ, വി​വ​ര സാ​േ​ങ്ക​തി​ക മ​ന്ത്രി എ​ൻ​ജി. സ​ഈ​ദ്​ ബി​ൻ ഹ​മൂ​ദ് അ​ൽ മ​വാ​ലി, വി​ദ്യാ​ഭ്യാ​സ മ​ന്ത്രി ഡോ. ​മ​ദീ​ഹ ബി​ൻ​ത് അ​ഹ​മ്മ​ദ് അ​ൽ ഷൈ​ബാ​നി​യ എ​ന്നി​വ​ർ പ​​ങ്കെ​ടു​ത്തു. ആ​റു​ദി​വ​സ​ങ്ങ​ളി​ലാ​യി നീ​ണ്ടു​നി​ൽ​ക്കു​ന്ന മേ​ള​യി​ലൂ​ടെ സ​യ​ൻ​സ്, ഇ​ന്ന​വേ​ഷ​ൻ, ശാ​സ്ത്ര ഗ​വേ​ഷ​ണം തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ട്​ വി​ദ്യാ​ർ​ഥി​ക​ളോ​ടും ശാ​സ്ത്ര കു​തു​കി​ക​ളോ​ടും ക്രി​യാ​ത്​​മ​ക​മാ​യി സം​വ​ദി​ക്കു​ക എ​ന്ന​താ​ണ്​ ല​ക്ഷ്യ​മി​ടു​ന്ന​ത്​.

ശാ​സ്ത്ര​മേ​ഖ​ല​യി​ലെ ആ​ഗോ​ള ട്ര​ൻ​ഡു​ക​ളും മ​റ്റും മ​ന​സ്സി​ലാ​ക്കാ​നും മേ​ള​യി​ലൂ​ടെ സാ​ധി​ക്കും. ജീ​വി​ത​ത്തി​ൽ ശാ​സ്ത്ര​ത്തി​ന്റെ പ്രാ​ധാ​ന്യ​ത്തെ കു​റി​ച്ച്​ അ​റി​യാ​നും ശാ​സ്ത്രീ​യ വി​ഷ​യ​ങ്ങ​ളി​ൽ പ​ഠ​നം തു​ട​രാ​ൻ വി​ദ്യാ​ർ​ഥി​ക​ളെ പ്രോ​ത്സാ​ഹി​പ്പി​ക്കു​ക എ​ന്ന​തും മേ​ള​യി​ലൂ​ടെ ല​ക്ഷ്യ​മി​ടു​ന്നു​ണ്ട്. ഫെ​സ്റ്റി​വ​ലി​ൽ 110 സ​ർ​ക്കാ​ർ, സ്വ​കാ​ര്യ, സൈ​നി​ക, സി​വി​ൽ സ്ഥാ​പ​ന​ങ്ങ​ളും ബോ​ഡി​ക​ളും അ​സോ​സി​യേ​ഷ​നു​ക​ളും പ​​ങ്കെ​ടു​ക്കു​ന്നു​ണ്ട്.

ശാ​സ്ത്ര സെ​മി​നാ​റു​ക​ൾ, നൂ​ത​നാ​ശ​യ​ങ്ങ​ളു​ടെ ശാ​സ്ത്രീ​യ പ്ര​ദ​ർ​ശ​ന​ങ്ങ​ൾ, പ​രീ​ക്ഷ​ണ​ങ്ങ​ൾ, ശാ​സ്ത്രീ​യ മ​ത്സ​ര​ങ്ങ​ൾ, പ്ര​ഭാ​ഷ​ണ​ങ്ങ​ൾ, ച​ർ​ച്ച​ക​ൾ തു​ട​ങ്ങി​യ​വ​യും ന​ട​ക്കും. 25 ശാ​സ്ത്ര സി​നി​മ​ക​ളും മേ​ള​യി​ൽ പ്ര​ദ​ർ​ശി​പ്പി​ക്കും. സ്റ്റെ​മ​സോ​ൺ കോ​ർ​ണ​ർ, ഹാ​ക്ക​ത്തോ​ണു​ക​ൾ, പ്രോ​ഗ്രാ​മി​ങ്, റോ​ബോ​ട്ടു​ക​ൾ, ഡ്രോ​ണു​ക​ൾ, വി​വി​ധ ശാ​സ്ത്ര മ​ത്സ​ര കോ​ർ​ണ​ർ എ​ന്നി​വ​യും മേ​ള​യു​ടെ ഭാ​ഗ​മാ​യി ഒ​രു​ക്കി​യി​ട്ടു​ണ്ട്. ഇ​വ​ന്റു​ക​ളു​ടെ എ​ണ്ണം, പ​ങ്കെ​ടു​ക്കു​ന്ന സ്ഥാ​പ​ന​ങ്ങ​ൾ, ദേ​ശീ​യ അ​ന്ത​ർ​ദേ​ശീ​യ പ്ര​തി​നി​ധി​ക​ൾ തു​ട​ങ്ങി​യ കാ​ര​ണ​ങ്ങ​ളാ​ൽ ഈ ​വ​ർ​ഷ​ത്തെ സ​യ​ൻ​സ്​ ഫെ​സ്റ്റി​വെ​ൽ വേ​റി​ട്ട്​ നി​ൽ​ക്കു​ന്ന​താ​ണെ​ന്ന്​​ ഫെ​സ്റ്റി​വ​ലി​ന്റെ സ​യ​ന്റി​ഫി​ക് ക​മ്മി​റ്റി മേ​ധാ​വി ഡോ. ​മാ​യി ബി​ൻ​ത് സ​ഈ​ദ്​ അ​ൽ അ​സ്രി​യ പ​റ​ഞ്ഞു.

സ്‌​കൂ​ൾ വി​ദ്യാ​ർ​ഥി​ക​ൾ, അ​ധ്യാ​പ​ക​ർ, ര​ക്ഷി​താ​ക്ക​ൾ, സ​ർ​ക്കാ​ർ, സ്വ​കാ​ര്യ ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, ഗ​വേ​ഷ​ക​ർ, ശാ​സ്ത്ര​ജ്ഞ​ർ, വി​ദ​ഗ്ധ​ർ, അ​ക്കാ​ദ​മി​ക് വി​ദ​ഗ്ധ​ർ, സ​ർ​ക്കാ​ർ, സൈ​നി​ക, സ്വ​കാ​ര്യ സ്ഥാ​പ​ന​ങ്ങ​ൾ, ശാ​സ്ത്ര സാ​ങ്കേ​തി​ക വി​ദ്യ​യു​മാ​യി ബ​ന്ധ​പ്പെ​ട്ട സ്ഥാ​പ​ന​ങ്ങ​ൾ, സി​വി​ൽ സൊ​സൈ​റ്റി സ്ഥാ​പ​ന​ങ്ങ​ൾ, വി​വി​ധ മേ​ഖ​ല​ക​ളി​ൽ​നി​ന്നു​ള്ള ശാ​സ്ത്ര​ത്തി​ൽ താ​ൽ​പ​ര്യ​മു​ള്ള​വ​ർ എ​ന്നി​വ​രെ​യാ​ണ് ഫെ​സ്റ്റി​വ​ൽ ല​ക്ഷ്യ​മി​ടു​ന്ന​ത്.