ഒമാനിൽ 18 പേർക്ക്​ കൂടി കോവിഡ്​

മസ്​കത്ത്​: ഒമാനിൽ 18 പേർക്ക്​ കൂടി കോവിഡ്​ 19 സ്​ഥിരീകരിച്ചു. ഇതിൽ 11 പേർക്കും നേരത്തേ രോഗബാധിതരായവരുമായുള്ള സ മ്പർക്കത്തിലൂടെയാണ്​ വൈറസ്​ ബാധയേറ്റത്​.

അഞ്ചു പേർ ബ്രിട്ടനിലേക്കും യു.എ.ഇയിലേക്ക്​ യാത്ര ചെയ്​തവരാണ്​. രണ്ടുപേരുടെ കേസുകൾ അന്വേഷണത്തിലാണ്​. ഇതോടെ ഒമാനിൽ വൈറസ്​ ബാധിതരായവരുടെ എണ്ണം 84 ആയി ഉയർന്നു.

17 പേർ ഇതിനകം രോഗ വിമുക്​തി നേടിയതായും ആരോഗ്യ മന്ത്രാലയം അറിയിച്ചു. രോഗ വ്യാപനം തടയാൻ സുപ്രീം കമ്മിറ്റി നിർദേശിച്ച തലത്തിലുള്ള സാമൂഹിക അകലം എല്ലാവരും പാലിക്കണമെന്ന്​ ആരോഗ്യ മന്ത്രാലയം അറിയിച്ചു.