ഒമാൻ പോസ്റ്റിെൻറ ഇലക്ട്രോണിക് പേയ്മെൻറ് സംവിധാനം പ്രവർത്തനക്ഷമമായി
text_fieldsമസ്കത്ത്: ഒമാൻ പോസ്റ്റിെൻറ ഇലക്ട്രോണിക് പേയ്മെൻറ് സംവിധാനം പ്രവർത്തനക്ഷമമായി. തവാനി ടെക്നോളജീസുമായി ചേർന്നാണ് സംവിധാനം പ്രവർത്തിക്കുക. പുതിയ സേവനങ്ങൾക്കൊപ്പം വരുമാനമാർഗങ്ങളും കണ്ടെത്താൻ ഒമാൻ പോസ്റ്റ് തുടർന്നുവരുന്ന ശ്രമങ്ങളുടെ ഭാഗമായാണ് പുതിയ സേവനം. ഇ-കോമേഴ്സ് രംഗത്ത് ചുവടുറപ്പിക്കുകയാണ് പുതിയ സേവനത്തിലൂടെ ഒമാൻ പോസ്റ്റ് ലക്ഷ്യമിടുന്നത്.
ഇ-കോമേഴ്സ് രംഗത്തിെൻറ വളർച്ച മുൻനിർത്തിയാണ് പുതിയ സേവനമെന്ന് ഒമാൻ പോസ്റ്റ് സി.ഇ.ഒ അബ്ദുൽമാലിക്ക് അൽ ബലൂഷി പറഞ്ഞു. 2020ഒാടെ ഡിജിറ്റൽ പേയ്മെൻറിെൻറ മൂല്യം 726 ശതകോടി ഡോളർ ആയി തീരുമെന്നാണ് ഇൗയിടെ നടന്ന പഠനം കാണിക്കുന്നത്. ഉപഭോക്താക്കളുടെ വർധിച്ച ആവശ്യം മുൻനിർത്തിയാണ് തവാനി ടെക്നോളജീസുമായി ചേർന്ന് നൂതന ഇലക്ട്രോണിക് പേയ്മെൻറ് സേവനം തുടങ്ങിയത്. ഇ-കോമേഴ്സിനും ചരക്കുഗതാഗത മേഖലക്കും അനുയോജ്യമായ നിലവാരത്തോടെയാണ് പേയ്മെൻറ് പ്ലാറ്റ്ഫോം.
വേഗവും സുരക്ഷയും കാര്യക്ഷമതയും ഉറപ്പാക്കുന്ന പേയ്മെൻറ് സംവിധാനം ഉപഭോക്താക്കൾക്ക് മികച്ച അനുഭവമാണ് നൽകുകയെന്നും അബ്ദുൽമാലിക്ക് അൽ ബലൂഷി പറഞ്ഞു. ഒമാൻ പോസ്റ്റ് ഉപഭോക്താക്കൾക്ക് ഉപയോഗിക്കാൻ ഏറ്റവും എളുപ്പവും എല്ലായ്പോഴും പ്രവർത്തിക്കുന്നതുമാകും തങ്ങളുടെ ആപ്പെന്ന് തവാനി ടെക്നോളജീസ് സ്ഥാപകനും സി.ഇ.ഒയുമായ മാജിദ് ഫാഇൽ അൽ അംറി പറഞ്ഞു. ഉപഭോക്താക്കൾക്കും കച്ചവടക്കാരനും ഉയർന്ന നിലവാരത്തിലുള്ള സുരക്ഷ ഉറപ്പുനൽകുന്ന ആപ് ബദൽ പേയ്മെൻറ് സംവിധാനമായി മാറുമെന്നാണ് പ്രതീക്ഷയെന്നും സി.ഇ.ഒ പറഞ്ഞു.
കാഷ്, ക്രെഡിറ്റ്, ഡെബിറ്റ് കാർഡ് പേയ്മെൻറുകൾക്ക് ബദലാണ് തവാനി ഇ-പേയ്മെൻറ് ആപ്ലിക്കേഷൻ. 2017ൽ അവതരിപ്പിച്ച മൊബൈൽ ആപ്പിൽ അടുത്തിടെ സുരക്ഷക്കായി ഫേസ് െഎ.ഡി, ഫിംഗർ പ്രിൻറ് സംവിധാനങ്ങളും ഏർപ്പെടുത്തിയിട്ടുണ്ട്. അന്താരാഷ്ട്ര വിപണി ലക്ഷ്യമിട്ടുള്ള ഇ-കോമേഴ്സ് സേവനങ്ങൾക്ക് പുറമെ കത്തുകളുമായി ബന്ധപ്പെട്ട തനത് സേവനങ്ങളിലും വൈവിധ്യവത്കരണം കൊണ്ടുവരാൻ ഒമാൻ പോസ്റ്റിന് സാധിച്ചിട്ടുണ്ട്. പാർസൽ സേവനങ്ങളിലും വർധന കമ്പനി വർധന കൈവരിച്ചിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.