പു​തി​യ ആ​ഗോ​ള സാ​മ്പ​ത്തി​ക ഉ​ട​മ്പ​ടി ഉ​ച്ച​കോ​ടി​യി​ൽ ഒ​മാ​ൻ പ​ങ്കെ​ടു​ത്തു

മ​സ്ക​ത്ത്​: പാ​രി​സി​ൽ ആ​രം​ഭി​ച്ച ര​ണ്ട്​ ദി​വ​സ​ത്തെ പു​തി​യ ആ​ഗോ​ള സാ​മ്പ​ത്തി​ക ഉ​ട​മ്പ​ടി​ക്കാ​യു​ള്ള ഉ​ച്ച​കോ​ടി​യി​ൽ സു​ൽ​ത്താ​നേ​റ്റ് പ​​ങ്കെ​ടു​ത്തു. ഒ​മാ​നെ പ്ര​തി​നി​ധീ​ക​രി​ച്ച്​ ധ​ന​മ​ന്ത്രാ​ല​യ​മാ​ണ്​ പ​രി​പാ​ടി​യി​ൽ സം​ബ​ന്ധി​ച്ച​ത്. ഒ​മാ​ൻ പ്ര​തി​നി​ധി സം​ഘ​ത്തെ ധ​ന​കാ​ര്യ​മ​ന്ത്രി സു​ൽ​ത്താ​ൻ സ​ലിം അ​ൽ ഹ​ബ്സി​യാ​ണ്​ ന​യി​ച്ച​ത്. ആ​ഗോ​ള വെ​ല്ലു​വി​ളി​ക​ളാ​യ ദാ​രി​ദ്ര്യം, കാ​ലാ​വ​സ്ഥ വ്യ​തി​യാ​നം, ജൈ​വ വൈ​വി​ധ്യ ന​ഷ്ടം എ​ന്നി​വ​യെ ചെ​റു​ക്കു​ന്ന​തി​നാ​യി പു​തി​യ ഒ​രു സാ​മ്പ​ത്തി​ക വ്യ​വ​സ്ഥ​ക്ക്​ അ​ടി​ത്ത​റ​യി​ടു​ക​യാ​ണ് ഉ​ച്ച​കോ​ടി ല​ക്ഷ്യ​മി​ടു​ന്ന​ത്.

ബ​ഹു​മു​ഖ വി​ക​സ​ന ബാ​ങ്കു​ക​ളെ പ​രി​ഷ്ക​രി​ക്കു​ക, വി​ക​സ്വ​ര രാ​ജ്യ​ങ്ങ​ളി​ലെ ക​ട പ്ര​തി​സ​ന്ധി പ​രി​ഹ​രി​ക്കു​ക, കാ​ലാ​വ​സ്ഥ വ്യ​തി​യാ​നം പ​രി​ഹ​രി​ക്കു​ന്ന​തി​നു​ള്ള സാ​മ്പ​ത്തി​ക ന​ട​പ​ടി​ക​ൾ ആ​രം​ഭി​ക്കു​ക, താ​ഴ്ന്ന വ​രു​മാ​ന​മു​ള്ള രാ​ജ്യ​ങ്ങ​ളി​ലെ വി​ക​സ​ന​ത്തി​ന്റെ ഉ​ത്ത​ര​വാ​ദി​ത്തം പ​ങ്കി​ടാ​ൻ സ്വ​കാ​ര്യ മേ​ഖ​ല​യെ പി​ന്തു​ണ​ക്കു​ക തു​ട​ങ്ങി​യ വി​വി​ധ വി​ഷ​യ​ങ്ങ​ൾ ഉ​ച്ച​കോ​ടി ച​ർ​ച്ച​ചെ​യ്തു. ലോ​ക​ത്തി​ന്റെ വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള നേ​താ​ക്ക​ൾ, സ​ർ​ക്കാ​ർ ത​ല​വ​ന്മാ​ർ, മ​ന്ത്രി​മാ​ർ, അ​ന്താ​രാ​ഷ്ട്ര സം​ഘ​ട​ന​ക​ളു​ടെ ത​ല​വ​ന്മാ​ർ, സാ​മ്പ​ത്തി​ക വി​ദ​ഗ്ധ​ർ, വി​ദ​ഗ്ധ​ർ തു​ട​ങ്ങി​യ​വ​രാ​യി​രു​ന്നു ഉ​ച്ച​കോ​ടി​യി​ൽ പ​​ങ്കെ​ടു​ത്തി​രു​ന്ന​ത്.