ബി​മ​ൽ ച​ക്ര​ബ​ർ​ത്തി​ക്ക്​ നാ​ട​ണ​യ​ണം, എ​ങ്ങ​നെ​യെ​ന്ന​റി​യി​ല്ല 

ബു​റൈ​മി​: ക​ടു​ത്ത പ്ര​മേ​ഹ​ബാ​ധ​യെ തു​ട​ർ​ന്ന്​ കാ​ൽ മു​റി​ച്ചു​ക​ള​ഞ്ഞ ബം​ഗ്ലാ​ദേ​ശ്​ സ്വ​ദേ​ശി നാ​ട​ണ​യാ​ൻ സു​മ​ന​സ്സു​ക​ളു​ടെ ക​നി​വ്​ തേ​ടു​ന്നു. ബു​റൈ​മി​യി​ൽ ത​യ്യ​ൽ​ക്കാ​ര​നാ​യ ബി​മ​ൽ ച​ക്ര​ബ​ർ​ത്തി എ​ന്ന 41കാ​ര​നാ​ണ്​ ദു​രി​ത​ക്ക​ട​ലി​ൽ ക​ഴി​യു​ന്ന​ത്. ക​ഴി​ഞ്ഞ 13 വ​ർ​ഷ​മാ​യി ബു​റൈ​മി​യി​ൽ ജോ​ലി ചെ​യ്​​തു​വ​രു​ക​യാ​യി​രു​ന്നു ഇ​ദ്ദേ​ഹം. 

പ്ര​മേ​ഹ​ത്തെ തു​ട​ർ​ന്ന്​ ്വ്ര​ണ​ങ്ങ​ൾ പ​ഴു​ത്ത്​ മു​ക​ളി​ലേ​ക്ക് വ്യാ​പി​ച്ച​തി​നാ​ൽ ര​ണ്ടാ​ഴ്ച മു​മ്പാ​ണ്​ ബു​റൈ​മി ആ​ശു​പ​ത്രി​യി​ൽ ശ​സ്​​ത്ര​ക്രി​യ ന​ട​ത്തി കാ​ൽ തു​ട​യു​ടെ തൊ​ട്ടു​താ​ഴെ ​െവ​ച്ച് മു​റി​ച്ച​ത്. ക​ടം വാ​ങ്ങി​യാ​ണ് ചി​കി​ത്സ ചെ​ല​വു​ക​ൾ ന​ട​ത്തി​യി​രു​ന്ന​ത്. ചി​ല സം​ഘ​ട​ന​ക​ളും വ്യ​ക്തി​ക​ളും സ​ഹാ​യി​ച്ചി​ട്ടും 500 റി​യാ​ലി​നു മു​ക​ളി​ൽ ബാ​ധ്യ​ത ഇ​പ്പോ​ൾ ഉ​ണ്ട്. ഈ ​അ​വ​സ്ഥ​യി​ൽ ജോ​ലി​യി​ൽ തു​ട​രാ​ൻ ക​ഴി​യാ​ത്ത​തി​നാ​ൽ എ​ത്ര​യും പെ​ട്ടെ​ന്ന് നാ​ട്ടി​ലേ​ക്ക് തി​രി​ച്ചെ​ത്ത​ണ​മെ​ന്നാ​ണ്​ ആ​ഗ്ര​ഹം. ക​ട​ബാ​ധ്യ​ത തീ​ർ​ത്താ​ൽ മാ​ത്ര​മേ പാ​സ്​​പോ​ർ​ട്ട്​ തി​രി​കെ ല​ഭി​ക്കൂ. സു​മ​ന​സ്സു​ക​ൾ സ​ഹാ​യി​ക്കു​മെ​ന്ന പ്ര​ത്യാ​ശ​യി​ൽ ക​ഴി​യു​ക​യാ​ണ് ബി​മ​ൽ ച​ക്ര​ബ​ർ​ത്തി.