ഒമാനിൽ പുതുതായി രോഗം സ്​ഥിരീകരിച്ചവരിൽ കൂടുതൽ മലയാളികൾ •തിങ്കളാഴ്​ച 128 പേർക്ക്​

മസ്​കത്ത്​: ഒമാനിലെ കോവിഡ്​ ബാധയുടെ കേന്ദ്രസ്​ഥാനമായ മത്രയിൽ പരിശോധന ഉൗർജിതമാക്കിയതോടെ രോഗികളുടെ എണ്ണ വും ഉയരുന്നു. തിങ്കളാഴ്​ച 128 പേർക്കാണ്​ കോവിഡ്​ സ്​ഥിരീകരിച്ചത്​. കഴിഞ്ഞ ഫെബ്രുവരി 24ന്​ രോഗബാധ സ്​ഥിരീകരിച്ച ശേഷം ഇതാദ്യമായാണ്​ രാജ്യത്ത്​ ഒറ്റദിവസം നൂറിലധികം പേർക്ക്​ രോഗം സ്​ഥിരീകരിക്കുന്നത്​. ഇതോടെ രാജ്യത്ത്​ മെ ാത്തം കോവിഡ്​ സ്​ഥിരീകരിച്ചവരുടെ എണ്ണം 727 ആയി ഉയർന്നു.

പ​ുതുതായി രോഗം സ്​ഥിരീകരിച്ചവരിൽ മുപ്പതോളം മലയാ ളികളുമുണ്ട്​. അസുഖം സുഖപ്പെട്ടവരുടെ എണ്ണം 124 ആയി ഉയരുകയും ചെയ്​തു. പുതുതായി 15 പേർക്കാണ്​ അസുഖം സുഖപ്പെട്ടത്​. രോഗബാധിതരിൽ രണ്ട്​ സ്വദേശികളും രണ്ട്​ വിദേശികളുമാണ്​ മരിച്ചത്​. 41ഉം 37ഉം വയസ്സുള്ള വിദേശികളാണ്​ മരിച്ചത്​. ഇതിൽ 41കാരൻ ബംഗ്ലാദേശിയാണ്​. പുതുതായി രോഗം സ്​ഥിരീകരിച്ച മലയാളികളടക്കമുള്ളവരെ ആരോഗ്യ വകുപ്പി​​െൻറ ​െഎസൊലേഷൻ കേന്ദ്രങ്ങളിലേക്ക്​ മാറ്റി. റൂവിയിലും പരിസരത്തുമുള്ള ​െഎസൊലേഷൻ കേന്ദ്രങ്ങൾ നിറഞ്ഞതിനാൽ നഗരത്തിൽ നിന്ന്​ കിലോമീറ്ററുകൾ അകലെയുള്ള മിസ്​ഫയി​േലക്കാണ്​ ഇവരെ കൊണ്ടുപോയത്​.

പരിശോധനക്കും ചികിത്സക്കും തിരിച്ചറിയൽ കാർഡുകൾ ആവശ്യമില്ലെന്ന്​ ആരോഗ്യ വകുപ്പ്​ വിവിധ ഭാഷകളിൽ അറിയിപ്പ്​ നൽകിയതിനാൽ ബംഗ്ലാദേശ്​ സ്വദേശികൾ പരിശോധനക്ക്​ കൂടുതലായി മുന്നോട്ടുവരുന്നുണ്ട്​. സിബ്​ലത്ത്​ മത്ര, മത്ര ഹെൽത്ത്​ സ​െൻറർ, വാലി ഒാഫിസിന്​ സമീപമുള്ള ക്യാമ്പ്​ എന്നിവിടങ്ങളിലായുള്ള പരിശോധന ക്യാമ്പുകളിലാണ്​ വിദേശികൾ കൂടുതലായി എത്തുന്നത്​. പനിയും തൊണ്ടവേദനയുമടക്കം കോവിഡ്​ ലക്ഷണങ്ങളുള്ളവരുടെ സാമ്പിളുകൾ മാത്രമാണ്​ ശേഖരിക്കുന്നത്​.

രാവിലെ ഒമ്പതു​ മുതൽ രാത്രി ഒരു മണി വരെയാണ്​ ക്യാമ്പുകൾ പ്രവർത്തിക്കുന്നത്​. സ്വാബ്​ ശേഖരിച്ച ശേഷം ബോഷറിലെ സെൻട്രൽ ലാബിലാണ്​ പരിശോധന നടത്തുന്നത്​. പരമാവധി രണ്ടു​ദിവസത്തിനുള്ളിൽ പരിശോധന ഫലം ലഭ്യമാകുന്നുണ്ട്​. സാമ്പിളുകൾ നൽകുന്നവർ ഫലം വരുന്നതു​വരെ താമസസ്​ഥലത്ത്​ അറ്റാച്ച്​ഡ്​ ബാത്ത്​റൂമോടെയുള്ള സ്​ഥലത്ത്​ ​െഎസൊലേഷൻ സൗകര്യത്തിൽ കഴിയണം. ഫലം വന്നശേഷമാണ്​ ​െഎസൊലേഷനിലേക്ക്​ മാറ്റുക. സുരക്ഷിതത്വം ഉറപ്പാക്കാൻ സാമൂഹിക അകലം പാലിക്കൽ, വീടുകളിൽ തുടരൽ, കൈകൾ സോപ്പും വെള്ളവുമുപയോഗിച്ച്​ കഴുകൽ, മാസ്​ക്​ ധരിക്കൽ എന്നിവ ഉറപ്പാക്കണമെന്നും ആരോഗ്യമന്ത്രാലയം ഒാർമിപ്പിച്ചു.