പ്രവാസികളുടെ പ്രശ്നങ്ങൾ പരിഹരിക്കാൻ ഇടപെടും –മുഖ്യമന്ത്രി
text_fieldsമസ്കത്ത്: കോവിഡ് വ്യാപനത്തിെൻറ പശ്ചാത്തലത്തില് പ്രവാസി മലയാളികള് നേരിടുന്ന പ്രശ്നങ്ങള് പരിഹരിക്കാന് വ്യത്യസ്ത തലത്തില് ഇടപെടുമെന്ന് മുഖ്യമന്ത്രി പിണറായി വിജയന് പറഞ്ഞു. ഇക്കാര്യത്തില് പ്രവാസി മലയാളി സംഘടനകളും വിദേശ രാജ്യങ്ങളിലെ പ്ര മുഖ മലയാളി വ്യക്തിത്വങ്ങളും മുന്കൈയെടുക്കണമെന്നും മുഖ്യമന്ത്രി അഭ്യര്ത്ഥിച്ചു. ലേ ാക കേരള സഭയിലെ തെരഞ്ഞെടുത്ത അംഗങ്ങളുമായി നടത്തിയ വീഡിയോ കോൺഫറൻസിലാണ് മുഖ്യ മന്ത്രി ഇക്കാര്യം അറിയിച്ചത്. കോവിഡ് ബാധയുമായി ബന്ധപ്പെട്ട സാഹചര്യവും ഫേകാൺഫറൻസിൽ വിലയിരുത്തി.
വിദേശരാജ്യങ്ങളില് നിരീക്ഷണത്തില് കഴിയുന്ന സ്ത്രീകള്ക്ക് സുരക്ഷിതമായ താമസസ്ഥലം ഒരുക്കണമന്ന് പ്രവാസി സമൂഹത്തോട് മുഖ്യമന്ത്രി അഭ്യർഥിച്ചു. ഈ വിഷയം കേന്ദ്ര ശ്രദ്ധയില് പെടുത്തിയിട്ടുണ്ട്. സ്കൂളുകള് അടഞ്ഞുകിടക്കുമ്പോഴും വലിയ തുക ഫീസായി കൊടുക്കേണ്ടി വരുന്നുവെന്ന വിഷയം കോൺഫറൻസിൽ ഉയർന്നു. വിദ്യാഭ്യാസ രംഗത്തെ മലയാളി മാനേജ്മെൻറുകളുമായി ഇക്കാര്യം സംസാരിക്കണം എന്ന അഭ്യർഥന കോണ്ഫറന്സിലുണ്ടായി. സ്കൂള് അധികൃതരോട് പൊതുഅഭ്യര്ത്ഥന നടത്തുകയും കേന്ദ്രസര്ക്കാര് വഴി മേല് നടപടി സ്വീകരിക്കുകയും ചെയ്യും. നിയന്ത്രണം കഴിയും വരെ നിലവിലുള്ള സ്ഥലങ്ങളില് തുടരണം. അത് കഴിഞ്ഞാല് വിവിധ രാജ്യങ്ങളില് നിന്ന് വിമാന സർവീസ് ഏര്പ്പെടുത്താൻ കേന്ദ്രത്തോട് ആവശ്യപ്പെടും.
കോവിഡ് അല്ലാത്ത മരണങ്ങള് നടന്നാല് മൃതദേഹം നാട്ടിലെത്തിക്കാനുള്ള നടപടികള്ക്ക് തടസ്സമില്ല. പ്രവാസികള്ക്ക് പണം അയക്കാനാവാത്ത പ്രശ്നം കണക്കിലെടുത്ത് പിന്നീട് തിരിച്ചടക്കുന്ന രീതിയില്, പ്രവാസി കുടുംബത്തിന് വായ്പ കൊടുക്കണമെന്ന ആവശ്യം ഉയര്ന്നിട്ടുണ്ട്. ഇക്കാര്യം എസ്.എല്.ബി.സിയുടെ ശ്രദ്ധയില്പ്പെടുത്തി ആവശ്യമായ നടപടിയെടുക്കും.
തിരിച്ചടവ് മുടങ്ങിയ പ്രവാസി ക്ഷേമനിധി അംഗങ്ങള്ക്ക് പിഴ ഒഴിവാക്കി കൊടുക്കും. പ്രവാസികളുടെ ഡാറ്റ ശേഖരിക്കാനുള്ള ശ്രമം ഊര്ജിതപ്പെടുത്തും. കോവിഡിനെ തുടര്ന്ന് തൊഴില് നഷ്ടപ്പെടുന്നവരുടെ പുനരധിവാസത്തിന് നടപടികള് സര്ക്കാര് സ്വീകരിക്കുമെന്നും മുഖ്യമന്ത്രി പറഞ്ഞു. കേരളത്തില് രോഗബാധിതരായവര് മഹാഭൂരിഭാഗവും പ്രവാസികളാണ്. ഈ സാഹചര്യത്തില് ചില കേന്ദ്രങ്ങളില് പ്രവാസികളോട് തെറ്റായ സമീപനം സ്വീകരിക്കുന്നത് മനസിലാക്കിയ ഉടന് സര്ക്കാര് ഇടപെട്ടിട്ടുണ്ട്. അവര് ജോലി ചെയ്യുന്ന സ്ഥലത്ത് രോഗബാധിതരായത് അവരുടെ കുറ്റം കൊണ്ടല്ല. അവര്ക്കെപ്പോഴും വരാനുള്ള സ്ഥലമാണ് നമ്മുടെ നാട്. പ്രവാസികളുടെ പ്രശ്നങ്ങള് ഗൗരവമായി തന്നെ കേന്ദ്രസര്ക്കാരിെൻറ ശ്രദ്ധയില്പ്പെടുത്തിയിട്ടുണ്ടെന്നും മുഖ്യമന്ത്രി പറഞ്ഞു. നോര്ക്ക വഴി ഫലപ്രദമായി ഇടപെടാന് ശ്രമിക്കുന്നുണ്ട്.
ലേബര് ക്യാമ്പുകളിലും മറ്റും കഴിയുന്നവർക്ക് ക്വാറൻറീനില് പോകേണ്ടി വന്നാൽ പ്രത്യേക മുറിയോ മറ്റ് സൗകര്യമോ ഇല്ലാത്ത അവസ്ഥയുണ്ട്. ഇത്തരക്കാരെ താമസിപ്പിക്കാനുള്ള സൗകര്യവും ഭക്ഷണ സൗകര്യവും ഒരുക്കാൻ പൊതുവായ കൂടിയോലോചന വേണമെന്നും മുഖ്യമന്ത്രി നിർദേശിച്ചു. പാസ്പോര്ട്ടുമായി ബന്ധപ്പെട്ട വിസ പുതുക്കല്, തൊഴില്ദാതാവില് നിന്നുള്ള സമാശ്വാസ സഹായം എന്നീ കാര്യങ്ങളില് ബന്ധപ്പെട്ട അധികൃതരെ അറിയിക്കാന് വ്യാപകമായി ഇടപെടണം. ഇക്കാര്യത്തില് മറ്റെല്ലാം മറന്ന് സംഘടകള് കൂട്ടായി നിന്ന് കാര്യങ്ങള് നീക്കണമെന്നും മുഖ്യമന്ത്രി നിർദേശിച്ചു.
മുഖ്യമന്ത്രിയോടൊപ്പം വ്യവസായ മന്ത്രി ഇ.പി. ജയരാജന്, റവന്യൂ മന്ത്രി ഇ. ചന്ദ്രശേഖരന് എന്നിവരും പങ്കെടുത്തു. യു.എ.ഇയില് നിന്ന് എം.എ. യൂസഫലി, രവി പിള്ള, ഡോ. ആസാദ് മൂപ്പന്, ആശ ശരത്, ഒ.വി. മുസ്തഫ, അന്വര് നഹ, പ്രമോദ് മങ്ങാട്, ഐസക്ക് ജോണ് പട്ടാണി പറമ്പില്, സൗദി അറേബ്യയില് നിന്ന് ജോര്ജ് വര്ഗീസ്, വി.കെ. അബ്ദുറഉൗഫ്, ഒമാനില് നിന്ന് പി.എം. ജാബിര്,ഖത്തറില് നിന്ന് സി.വി റപ്പായി, ജെ.കെ മേനോന്, കുവൈറ്റില് നിന്ന് സാം പൈക്കോട്, അജിത് കുമാര്, ബഹറൈനിൽ നിന്ന് പി. സുബൈര്, പി.വി. രാധാകൃഷ്ണപിള്ള, വർഗീസ് കുര്യന് തുടങ്ങിയവർ പെങ്കടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.