പൗരത്വ നിയമ ഭേദഗതി: പോരാട്ട പ്രഖ്യാപനവുമായി ഇന്ത്യൻ ഓവർസീസ് കോൺഗ്രസ് സെമിനാർ
text_fieldsമസ്കത്ത്: ന്യൂഡൽഹിയിൽ നടന്ന ‘ഭാരത് ബചാവോ’ റാലിയോട് ഐക്യദാർഢ്യം പ്രകടിപ്പിച്ച് ഇന്ത്യൻ ഓവർസീസ് കോൺഗ്രസ് (ഐ.ഒ.സി) സെമിനാർ നടത്തി.
ഒമാനിലെ ഇന്ത്യക്കാർ ലോകമെമ്പാടുമുള്ള ഇന്ത്യൻ പ്രവാസികളുമായി ചേർന്ന് എൻ.ഡി.എയുടെ നേതൃത്വത്തിലുള്ള സർക്കാറിെൻറ ജനാധിപത്യവിരുദ്ധ നയങ്ങളിൽ പ്രതിഷേധിച്ചു.
നിരവധി വിശിഷ്ടാതിഥികളും നൂറുകണക്കിന് ആളുകളും പിന്തുണ അറിയിക്കാൻ ഒത്തുകൂടി. ഇന്ത്യയുടെ നിലവിലെ സാഹചര്യത്തിൽ എല്ലാവരും ആശങ്ക പ്രകടിപ്പിച്ചു.ഇന്ത്യൻ ഓവർസീസ് കോൺഗ്രസ് ഒമാൻ ചാപ്റ്റർ പ്രസിഡൻറ് ഡോ. ജെ. രത്നകുമാർ അധ്യക്ഷത വഹിച്ചു. ഭിന്നിപ്പിക്കുന്നതും വിവേചനപരവും ഭരണഘടനാ വിരുദ്ധവുമായ ഇന്ത്യൻ സർക്കാറിെൻറ നടപടികൾക്കെതിരെ അദ്ദേഹം പ്രമേയം അവതരിപ്പിച്ചു.
‘ഇപ്പോൾ പ്രതികരിച്ചില്ലെങ്കിൽ, ഒരിക്കലും നാം പ്രതികരിക്കില്ല’ എന്ന പ്രഖ്യാപനത്തോടെ പ്രതീകാത്മക മനുഷ്യച്ചങ്ങല തീർത്ത് പ്രമേയത്തിന് അംഗീകാരം നൽകി. മാനേജ്മെൻറ് കൺസൽട്ടൻസി മേഖലയിലെ വിദഗ്ധ ജെസി മാത്യു, നിലവിലെ ഇന്ത്യയിലെ സാമ്പത്തിക മാന്ദ്യവും കാരണവും അവതരണം നടത്തി.
പ്രമേയത്തെ പിന്തുണച്ച് അറബ് ഓപൺ യൂനിവേഴ്സിറ്റിയിലെ ഡോ. ഷെറിമോൻ, ഗൾഫ് മാധ്യമം റസിഡൻറ് മാനേജർ ഷക്കീൽ ഹസൻ, ഐ.ഒ.സി വൈസ് പ്രസിഡൻറ് മഹാവീർ കട്ടാരിയ, ഭാസ്കരൻ, എൻ.ഒ. ഉമ്മൻ, അഡ്വ. പ്രസാദ്, മുഹമ്മദ് റാഫിക്, അനീഷ് കടവിൽ, സോണിയ ഫ്രാങ്ക്ലിൻ, എച്ച്.എം. സഫീർ എന്നിവർ പങ്കെടുത്തു. മനോജ് മാനുവൽ അവതാരകനായി. മോദി സർക്കാറിെൻറ ജനാധിപത്യവിരുദ്ധവും സ്വേച്ഛാധിപത്യ പരവുമായ നയങ്ങൾക്കെതിരായ പോരാട്ടം തുടരുമെന്ന് ദൃഢപ്രതിജ്ഞയെടുത്താണ് സമ്മേളനം അവസാനിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.