ഒമാെൻറ ബജറ്റ് കമ്മി 24.7 ശതമാനം കുറഞ്ഞു
text_fieldsമസ്കത്ത്: സർക്കാറിെൻറ പൊതുവരുമാനം വർധിക്കുകയും ബജറ്റ് കമ്മി കുത്തനെ കുറയു കയും ചെയ്യുന്നതായി ദേശീയ സ്ഥിതിവിവര കേന്ദ്രം പുറത്തിറക്കിയ ഏറ്റവും പുതിയ കണക്കു കൾ കാണിക്കുന്നു. ആഗസ്റ്റ് അവസാനംവരെ 1.4 ശതകോടി റിയാലാണ് കമ്മി. കഴിഞ്ഞ വർഷം സമാന കാലയളവിൽ 1.8 ശതകോടി റിയാലായിരുന്നു. ഒരു വർഷത്തിനിടെ 24.7 ശതമാനത്തിെൻറ കുറവാണ് ബജറ്റ് കമ്മിയിലുണ്ടായതെന്ന് കണക്കുകൾ പറയുന്നു. ഇൗ വർഷത്തിലെ ആദ്യ എട്ടു മാസ കാലയളവിലെ സർക്കാറിെൻറ വരുമാനം 6.9 ശതമാനം ഉയർന്ന് 7.1 ശതകോടി റിയാലായി. എണ്ണവിലയിലെ തിരിച്ചുകയറ്റമാണ് വരുമാന വർധനക്ക് പ്രധാന കാരണം.
മൊത്തം പൊതുചെലവിൽ ചെറിയ വർധന ദൃശ്യമാണ്. സുരക്ഷ-പ്രതിരോധ മേഖലയൊഴിച്ച് ഏതാണ്ടെല്ലാ വിഭാഗങ്ങളിലെയും നടപ്പുവർഷത്തെ പ്രവർത്തന ചെലവിൽ വർധനയുണ്ട്. സുരക്ഷ-പ്രതിരോധ ചെലവിൽ 3.9 ശതമാനത്തിെൻറ കുറവാണ് ഉണ്ടായത്. സിവിൽ മന്ത്രാലയങ്ങളുടെ പ്രവർത്തന ചെലവ് 3.1 ശതമാനം കൂടിയപ്പോൾ വായ്പകളിലെ പലിശ ആറു ശതമാനം ഉയർന്നു. എണ്ണ ഉൽപാദനം ഒരു ശതമാനവും വാതക ഉൽപാദനം 30.3 ശതമാനവും മുൻ വർഷത്തെ അപേക്ഷിച്ച് കൂടി. പ്രകൃതിവാതകത്തിൽനിന്നുള്ള വരുമാനം 0.7 ശതമാനം ഉയർന്ന് 1.2 ശതകോടി റിയാലായി. കസ്റ്റംസ് ഡ്യൂട്ടിയിൽനിന്ന് 142 ദശലക്ഷം റിയാലും കോർപറേറ്റ് വരുമാന നികുതിയിൽനിന്ന് 570 ദശലക്ഷം റിയാലും വരുമാനമായി ലഭിച്ചു. കാപിറ്റൽ റവന്യൂ വിഭാഗത്തിൽ 75 ദശലക്ഷം റിയാലും വരുമാനമായി ലഭിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.