നിർദിഷ്ട സ്ഥലങ്ങളിലല്ലാതെ ടാക്സികൾ നിർത്തിയാൽ പിഴ
text_fieldsമസ്കത്ത്: നിർദിഷ്ട സ്ഥലങ്ങളിലല്ലാതെ യാത്രക്കാരെ കയറ്റുകയും ഇറക്കുകയും ചെയ്യുന്ന ടാക്സി ഡ്രൈവർമാർക്ക് കനത്ത പിഴ ചുമത്താൻ ഒരുങ്ങി ഗതാഗത-വാർത്താവിനിമയ മന്ത്രാലയം. പുതിയ റോഡ് ഗതാഗത നിയമ ഭേദഗതി പ്രകാരം ഇത്തരം പ്രവർത്തനങ്ങൾക്ക് കനത്ത പിഴയും ലൈസൻസ് റദ്ദാക്കുന്നതടക്കം നടപടികളും കൈക്കൊള്ളുമെന്ന് അധികൃതർ അറിയിച്ചു. തോന്നിയ സ്ഥലങ്ങളിൽ വാഹനം നിർത്തി ആളുകളെ കയറ്റിയിറക്കുന്നത് ശിക്ഷാർഹമായ കുറ്റമാണ്.
ആദ്യ ഘട്ടത്തിൽ പിടിയിലാകുന്നവർക്ക് 50 റിയാലാകും പിഴ. രണ്ടാം ഘട്ടത്തിൽ 100 റിയാലും മൂന്നാം ഘട്ടത്തിൽ 200 റിയാലും പിഴ ചുമത്തും. നാലാം ഘട്ടത്തിൽ പിടിയിലായാലാകും ലൈസൻസ് റദ്ദാക്കുക. റോഡ് ഗതാഗത നിയമത്തിെൻറ 35ാം ആർട്ടിക്കിൾ പ്രകാരമാണ് പുതിയ തീരുമാനം. അതേസമയം, വിമാനത്താവളത്തിലും മാളുകളിലുമല്ലാതെയുള്ള സ്ഥലങ്ങളിൽ ടാക്സികൾക്ക് മതിയായ പാർക്കിങ് കേന്ദ്രങ്ങളില്ലെന്ന് ഡ്രൈവർമാർ പറയുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.