സമ്മാനദാന ചടങ്ങ് സംഘടിപ്പിച്ചു
text_fieldsമസ്കത്ത്: മുലദ ഇന്ത്യൻ സ്കൂളിൽ വിവിധ കലാ കായിക മത്സരങ്ങളുടെ സമ്മാനദാന ചടങ്ങ് നടന്നു. എസ്.എം.സി കൺവീനർ എ. അനിൽകുമാർ മുഖ്യാതിഥിയായിരുന്നു. സ്കൂൾ പ്രിൻസിപ്പൽ എസ്.ഐ. ഷെരീഫ്, എസ്.എം.സി അംഗങ്ങളായ മുഹമ്മദ് ഭക്തിയാർ, സി.കെ. ഹുസൈൻ, ജി. ദിലീപ് കുമാർ, മുൻ കൺവീനർ ഫെലിക്സ് വിൻസെൻറ് ഗബ്രിയേൽ, റുസ്താഖ് സ്കൂൾ മുൻ എസ്.എം.സി പ്രസിഡൻറ് ഡോ. മാത്യു, മുലദ സ്കൂൾ അസി. വൈസ് പ്രിൻസിപ്പൽമാരായ വി.സി. ജയ്ലാൽ, ഷീജ അബ്ദുൽ ജലീൽ, കിൻറർഗാർട്ടൻ മേധാവി സയിദ ഖാൻ, കോ കരിക്കുലർ ആക്ടിവിറ്റീസ് ചീഫ് കോഒാഡിനേറ്റർ നിയാസ് അഹമ്മദ് എന്നിവർ പെങ്കടുത്തു. സ്കൂളിൽ നടന്ന ‘കലാസംഗമം’ മത്സരത്തിലെ വിജയികൾക്കും ഇൻറർ ഹൗസ് ഗെയിംസ്, ജങ്കാർ സ്പെക്ട്ര തുടങ്ങിയവയിലെ വിജയികൾക്കുമാണ് സമ്മാനങ്ങൾ നൽകിയത്. വിദ്യാർഥികളുടെ നൃത്തനൃത്യങ്ങൾ ചടങ്ങിന് മാറ്റുകൂട്ടി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.