ഇസ്ലാമിക കഥാ മത്സരം
text_fieldsമസ്കത്ത്: എം.ഇ.എസ് ഒമാൻ ചാപ്റ്ററും സിജി മസ്കത്തും സംയുക്തമായി സംഘടിപ്പിച്ച ഇസ്ലാമിക് കഥാമത്സരത്തിെൻറ അവസാന റൗണ്ട് മിഡിൽ ഈസ്റ്റ് കോളജ് ഓഡിറ്റോറിയത്തിൽ നടന്നു. ഹാഫീസ് അബ്ദുൽ ഗഫാർ മൗലവി മുഖ്യാതിഥിയായിരുന്നു. എം.ഇ.എസ് ഒമാൻ ചാപ്റ്റർ ചെയർമാൻ ഡോ. വി.എം.എ. ഹക്കീം, സിജി മസ്കത്ത് ചെയർമാൻ ഡോ. ഹംസ പറമ്പിൽ എന്നിവർ നേതൃത്വം നൽകി. ജനുവരി നാലിന് നടന്ന ആദ്യഘട്ട മത്സരത്തിൽ എഴുപതോളം വിദ്യാർഥികൾ പങ്കെടുത്തിരുന്നു. അതിൽനിന്ന് വിജയിച്ച 11 പേരാണ് ജൂനിയർ, സീനിയർ വിഭാഗങ്ങളിലായി അവസാന റൗണ്ടിൽ മാറ്റുരച്ചത്. സീനിയർ വിഭാഗത്തിൽ സെൻഹ മുഹമ്മദ് ഇഖ്ബാൽ ഒന്നാമതും ഷിനൂന സിറാജ്, ഹന ബിൻത് അബ്ദുസ്സലാം എന്നിവർ രണ്ടും മൂന്നും സ്ഥാനങ്ങളിലുമെത്തി. ജൂനിയർ വിഭാഗത്തിൽ അസ്സ സിറാജ്, ഐഷ സബ അബ്ദുൽ സത്താർ, സാറാ ഷറഫുദ്ദീൻ യൂസഫ് എന്നിവരാണ് ജേതാക്കളായത്. അമീർ അഹമ്മദ് സാഹിബ് ആശംസ നേർന്നു. ലുഖ്മാൻ സേഠ്, ഫാസിൽ കുട്ടി, നിസാം, ദീനി റസാക്ക്, ഇ. നൈസാം എന്നിവരാണ് പരിപാടി നിയന്ത്രിച്ചത്. ഉമർ ബാപ്പു നന്ദി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.