ആരോഗ്യ മാനദണ്ഡം പാലിക്കാത്ത 25 കടകൾ പൂട്ടിച്ചു
text_fieldsസലാല: സലാല ഇൻഡസ്ട്രിയൽ ഏരിയയിൽ ആരോഗ്യ മാനദണ്ഡങ്ങൾ പാലിക്കാത്തതിന് ദോഫാർ നഗരസഭ 25 കടകൾ പൂട്ടിച്ചു. നഗരസഭ നടത്തിയ പരിശോധന കാമ്പയിനെ തുടർന്നായിരുന്നു നടപടി. സലാലയിലെ നഗരഭംഗി വർധിപ്പിക്കുന്നതിനും ശുചിത്വം കാത്തുസൂക്ഷിക്കുന്നതിനുമുള്ള നഗരസഭയുടെ പ്രയത്നങ്ങളുടെ ഭാഗമായി ശുചീകരണ കാമ്പയിനും സംഘടിപ്പിച്ചു. താമസകേന്ദ്രങ്ങളും തെരുവുകളും ശുചീകരിച്ചു. താമസക്കാരും സന്ദർശകരും മാലിന്യം അലക്ഷ്യമായി വലിച്ചെറിയരുതെന്നും നിശ്ചിത പെട്ടികളിൽ നിക്ഷേപിക്കണമെന്നും അധികൃതർ പറഞ്ഞു. നിയമലംഘനം ശ്രദ്ധയിൽ െപട്ടാൽ 1771 നമ്പറിൽ വിവരമറിയിക്കണം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.