ദേശീയദിനം: വാഹനങ്ങൾ നവംബർ 30 വരെ അലങ്കരിക്കാം
text_fieldsമസ്കത്ത്: ദേശീയദിനം പ്രമാണിച്ച് വാഹനങ്ങൾ ഇൗ മാസം 30 വരെ അലങ്കരിക്കാമെന്ന് റോയൽ ഒമാൻ പൊലീസ് അറിയിച്ചു. ഡ്രൈവർമാരുടെ കാഴ്ചയെ തടസ്സപ്പെടുത്താത്ത വിധത്തിലായിരിക്കണം സ്റ്റിക്കറുകൾ സ്ഥാപിക്കേണ്ടത്. മുന്നിലെ ചില്ലിലും അരികിലെ ചില്ലിലും നമ്പർപ്ലേറ്റുകളിലും ലൈറ്റിലും സ്റ്റിക്കറുകൾ സ്ഥാപിക്കാൻ പാടില്ല. സ്റ്റിക്കറുകൾ ശരിയായ രീതിയിലാണെന്ന് ഉറപ്പാക്കണം. പിന്നിലെ ചില്ലിൽ ഡ്രൈവറുടെ കാഴ്ച ഉറപ്പാക്കുന്ന രീതിയിലേ പതിക്കാൻ പാടുള്ളൂ. വാഹനത്തിെൻറ നിറമോ രൂപമോ മാറ്റുന്ന രീതിയിലുള്ള അലങ്കാരപ്പണികളും പാടുള്ളതല്ലെന്നും അധികൃതർ അറിയിച്ചു. തീപിടിക്കാൻ സാധ്യതയുള്ളതിനാൽ തുണിത്തരങ്ങൾ ഒഴിവാക്കണം. നിന്ദ്യമായതും അന്തസ്സുകെട്ടതുമായ ചിത്രങ്ങളും മുദ്രാവാക്യങ്ങളും ഒഴിവാക്കണം. ദേശീയദിനവുമായി ബന്ധപ്പെട്ട ചിത്രങ്ങളും പോസ്റ്ററുകളും മാത്രമേ പതിക്കാൻ പാടുള്ളൂവെന്നും ആർ.ഒ.പി അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.